1.
係5月既某日，我同一位漫畫家朋友傾咗陣電話，呢位漫畫家筆名叫「暮田街道」，係一位以真實事件為題材，以驚慄恐怖做主題既漫畫家。
一個月聯絡一次，交換下一啲恐怖故事相關既情報，已經成為我哋既慣例。
雨穴 (youtube channel 本人) ——下稱
閪(因為雨穴即係濕濕的窿)
漫畫家 (暮田街道) —— 下稱
暮田
慕田: 雨穴，有張相想比你睇下，而家whatsapp send 比你望望。
閪: 咩嚟架？ 有咩特別？
慕田: 你望完呢幅圖，有冇啲咩感覺？
閪: Umm……. 唔覺有咩特別感覺喎。
慕田: 係呢~~
閪: 下？！
慕田: 其實呢幅係一幅由AI整出嚟既圖。我同你一樣睇完之後都唔覺得有咩感覺。但似乎有人睇完呢幅圖會覺得有啲恐怖…..
閪: huh，井多少少。
慕田: 話說…..
跟住落嚟，暮田開始將成件事交代。
最近，暮田佢沉迷咗玩AI，呢幾年間，AI呢項產業進化得好快，雖然未去到電影描述嗰種級數，但同AI進行溝通、問答等等已經好常見。AI都有各色各樣唔同種類，今次事件中關事既AI係「聊天AI」同「圖片生成AI」，
「聊天AI」就係你輸入一啲問題比佢，AI會答返你相應既答案，而且成件事係好似同真人講嘢咁，唔係一啲機械式答覆。
「圖片生成AI」就係你隨便輸入一啲你鍾意既單字，AI會自動生成一張合適既圖，最近已經進化到同真人影既相近乎冇分別。
而且同一個單字重覆輸入，每次佢都會比到一張新既相你，可以話係世界上獨一無二既相。
而且同一個單字重覆輸入，每次佢都會比到一張新既相你，可以話係世界上獨一無二既相。
呢啲功能，只要有上網，任何人只要隨便google下都可以用到，而家好多人都沉迷係呢種技術入面。
返返嚟張圖到先
呢張空地圖，係暮田用某個圖片生成AI網站整出嚟。
慕田: 你google search “kakashi AI” 睇下
係一個設計好簡單既網站
閪: AI kakashi, 第一次聽喎呢個網。
慕田: 似係啲細網站嚟。最近好多人都會整呢啲小規模既AI網站，雖然比起「Stable Diffusion」啊，「DALL•E2」啊呢啲大公司既AI冇咁好用，但呢啲小規模AI網站都各有特色，有時都幾過癮架。
閪: 原來係咁
慕田: 而呢個 Kakashi 有趣得嚟，整出嚟既圖都有相當既質素架，你試下求其打啲野上去。
閪: 係打係嗰個textbox度啊嘛？
慕田: 係
「家」，我打咗呢個字入去。
幾秒之後，張圖就整完嗱
似乎係日本既民宅
慕田: 呢個kakashi AI，無論你打咩字上去，佢都係會整日本既相出嚟，應該係日本人整既日本面向AI。
閪: 專為國內而設既AI啊…
慕田: 無錯，好，咁所以稍微玩咗一陣之後，因為想睇下恐怖野，我就輸入咗「恐怖嘅相」，之後呢張相就出現咗啦。
閪: Umm…. 張相啲草生得好茂密，睇起嚟都冇乜毛骨悚然既地方，但如果話呢幅相係恐怖…
慕田: 係囉，睇落唔太恐怖呢。本身我以為係咁啱佢出咗啲問題，但我點樣重覆都好，佢都係出差唔多既相出嚟。所以我諗唔通有啲我睇唔到既靈異野係張相度，愈諗愈不安，所以我就將呢件事po咗上twitter，等我啲follow比下feedback。雨穴，你知我twitter係咩架嘛。
閪: 緊係知啦。
慕田: 麻煩你去望一望嗰po。
(FYI 街道係講緊嗰漫畫家筆名)
閪: 啊~都有啲人話恐怖喎。
慕田: 總共有17嗰人留咗言，入面有8個話留關於恐怖既留言。
閪: 接近半數喎。
慕田: 你話墓碑或者黑媽媽嗰啲隧道就話啫，咁普通嘅相都有8個人覺得恐怖，你話係咪好奇怪？而且冇人具體咁樣講過到底有啲咩咁恐怖，恐怖位喺邊直到而家我都唔係好明。
閪: Ummmmm
慕田: 如果我可以知多少少到底係咩事，可能可以攞嚟做我漫畫既素材啊嘛。
之後我哋就講咗第二啲野，以上就係關於AI既話題啦。
收咗線之後，我都仲係好在意kakashi呢件事，所以我再返返去嗰個網站，打「恐怖既畫」再試試。
幾秒之後，又一幅草地既圖出現咗。
之後我就試咗輸入各種詞語去做實驗，之後就得出咗以下結果。
唔係剩係「恐怖」，「可怕」、「悲傷」之類既負面詞語，都係會出類似既草地相出嚟。
相反，「開心」、「快樂」、「有趣」呢啲正面既詞語，就會出現「主題公園」、「禮物」、「一疊書」既相。
然後我都試咗類似「狗」、「車」、「電話」之類既普通名詞，出嚟既圖都符合描述。
但唯獨試「智能電話」既時候，唔知點解佢出咗一張意義不明既圖。
換言之，kakashi呢個AI，基本上你入咩，佢都幾乎會按照你既詞語去出圖，但唯獨係一啲負面詞語，佢就會出草地圖。
Ummm，到底點解架呢。
呢個時候我注意到，係網頁既最底，除咗「圖片生成」之外，仲有「聊天」功能。
然後我就嘗試send啲對話出去。但無論我打咩都好，佢都冇任何反應。
然後我就嘗試send啲對話出去。但無論我打咩都好，佢都冇任何反應。
唔通佢嗰program有bug? 抑或係佢呢個功能其實未完成？
)
