失眠訓唔著的第三晚

你係情緒問題失眠？

我諗都係 一訓落床就開始驚

好奇最後有冇成功訓著

6:30 成功訓左一個鐘
之後7:30夠鐘起身番工
感恩有一個鐘頭訓

我年頭都試過連續6日瞓唔到 去左睇精神科 嚴重到開左d血清素同鎮靜劑都係一日瞓到，兩日瞓唔到咁
持續左半年 到依家我先可以靠自己自然瞓到
依家諗返起真係覺得好恐怖 成晚流流長 係咁倒數仲有幾多個鐘就要起身返工

我現在就係咁撚樣既情況

你呢半年點頂落黎？

咁你食鎂，食褪黑素都得。
如果係情緒而瞓唔著。

你係因咩事會失眠？
我都好恐怖經歷過，要食藥瞓覺，好在宜家好返

我個個星期日晚都係，訓得好差

我小學開始已經係咁

唔驚就唔洗返工？

要

我一開頭係因為工作壓力失眠嘅，過左兩日都瞓唔到之後就開始因為驚失眠而失眠，每晚好似有強迫症咁，隔一段時間未瞓到就會突然開眼/吞口水/R痕/去廁所，好多個夜晚都一分鐘無瞓過。最恐怖係日頭都唔識眼瞓。

醫生話我用左幾多時間熬到失眠，就要幾多時間去康復。我回想大概係失眠嘅半年前公司調team開始身邊嘅人覺得我出現情緒問題。最後真係用左半年時間慢慢心理上接受失眠，戒藥，開始靠自己瞓返。

我呢半年係公司除左做嘢，就係咁上網揾咩方法可以瞓到覺，放工就去買d所謂助眠嘅supplement。放假就迫自己去曬太陽，做運動，令自己攰d。但以上全部幫唔到我瞓覺。要靠自己叮一聲諗通瞓覺呢樣嘢係唔需要努力，瞓覺係與生俱來自然而然嘅事，唔好恐懼失眠嘅禍害，咁就慢慢靠自己瞓得到啦。

不過依家間唔中生活中有焦慮都會失眠，同埋瞓得唔夠lum, 一晚會醒兩三次，未去得返病之前嘅狀態。

我係因為工作壓力，依家諗返都覺得自己好傻。身邊有朋友突然患急病，好多有意義嘅嘢未做就走左，自己竟然用咁耐時間為間垃圾公司傷神。
好在依家轉左新公司，明白到返工只係賺錢架咋，唔好咁上心。放假就去見想見嘅人，做想做嘅事。

試過成個月都係咁，懷疑自己情緒病，一到夜晚就勁焦慮，個排準備去旅行諗住去完再算，點知去完旅行就好返，但睡眠質素就變得冇之前咁好，但至少個人冇咁焦慮，總算冇咗個種驚瞓覺嘅感覺

感謝巴打你打左一大段分享出黎
現在我同你既情況有八成似
我都係不斷搵緊supplement 食 但效果唔大
我明白始終都要靠自己去刻服
希望我過到呢關啦

現在一訓落床就feel到自己既心跳

嘗試搵啲嘢做令個人放鬆啲唔好咁焦慮，少啲時間諗嘢快啲好返

試過第3 晚都訓唔到啪左兩粒係日本買返黎既安眠藥， 諗住終於大派用場， 前兩晚唔食係驚有副作用盡量避免食藥，

點知啪完兩粒安眠藥， 個人攰到一個極點， 身心都勁黑，但都係眼白白看天光，差d 以為過唔到當晚

自此之後都唔敢再亂食藥

建議可以請個病假睇睇醫生先

越急越訓唔到， 順其自然，之前幾年多數第一二晚訓唔著， 到第三晚自然會訓到， 不過30歲後明顯個人易累好多， 個腦轉得慢左， 冇精神個樣殘好多