首個「強迫症」患者圍爐區

其實我都有左check右check不斷check嘅情況
但只適用於影響生命嘅事，生活瑣碎事唔會咁check
但反而想知樓主去到有幾病態先去睇醫生？
真係好影響日常生活？

Ohh No

咁多方法

點會無方法處理？

如果幾乎全日都被強迫思想圍住
基本上建議睇醫生....

試過控制唔到不斷地眨眼
同埋係咁清喉嚨
之後見心理學家 佢都有教過我啲心理技巧去改善症狀

有冇改善？

回憶起 我細過果陣都有試過控制唔到不斷眨眼一段時間
一段時間之後就會自己消失
而家不斷眨眼係幾個月前消失了
我覺得啲心理技巧都有啲用 你可以試下
https://www.youtube.com/watch?v=7dTLWzHh3jw

https://www.youtube.com/watch?v=8oGosHzF9gU

hello, 我都係強迫症患者, 之前係連登一個強迫症患者嘅post到留言講過自己有開咗一個tg group俾大家分享自身經歷同治療方法，有興趣可以加入，互相幫助 希望大家都可以儘早康復
gp link: https://t.me/+IF1ARZgvdEc4Y2M1

其實咁已冇問題
同有讀寫障礙外永遠都要花多啲時間拆字認字一樣，醫唔好，但有方法應對就得。
你已搵到方法，你接受埋自己係要花時間係呢樣野身上就得。

我都有試緊暴露不反應個therapy, 但我係強迫行為所以岩用, 迫自己唔去檢查, 由得個恐懼黎但唔做咁多強迫行為去令自己安心，然後隨住時間過去恐懼感會下降，就會發現即使唔做咁多強迫行為，結果都係一樣[冇問題發生]，但如果你係強迫思想，暴露不反應似乎冇咁對應到你既症狀

純思想強逼留名
食藥好返好多

成日強迫自己記番啲野 驚忘記左重要既野

我有上連登強迫症

每日都要打飛機

上ig要睇哂啲story先安樂

無聊嘅觀察：覺得𠵱個post入面有用標點符號嘅人比普通post嘅多

見到大家嘅描述，睇字都覺得大家辛苦

我覺得自己都有部分強迫嘅習慣，但不是病態；同埋睇完大家講，先聯繫到𠵱啲行為係同「焦慮」相關，以前冇諗過係關情緒事。

病發左八年 而家慢慢好返d 減藥中

思想上強逼比行為更辛苦 我都係咁
個人會好快攰 個腦停諗野

好鍾意見到人周身唔聚財
我會將啲強迫症整好整齊嘅野再整亂

可唔可以講多啲
唔係好明有咩感覺

我中4開始覺得自己有強迫症的症狀，門窗，煤氣爐，水龍頭等等，係出門口或者訓覺前會不斷係咁check, 心入面會係咁數數字。其實認知上知道Ｄ野係＂應該＂已關好，但心裡就好驚無關好，好唔安落，搞到訓覺都唔安落，訓低左都要起身ｃｈｅｃｋ，出街又會遲。嚴重Ｄ的時候會考試時將題目睇完又睇，工作上Ｄ文件ｃｈｅｃｋ完又ｃｈｅｃｋ（唔係普通double check），或者個腦不斷係到播歌停唔到，個腦又會出現Ｄ好恐怖的畫面。以上種種都非常影響生活同工作，時好時壞，個人焦慮Ｄ時會更嚴重。

一直都知自己可能有強迫症症狀，但細個唔識點求助，直到８年後因為其他情緒問題求醫同見輔導。醫生開左情緒穩定劑，血清素同埋lyrica。食左５年藥，依家已經停左。強迫症的症狀已經無乜，只係好焦慮的時候會有些少，間唔時會ｃｈｅｃｋ門，同個腦會不停播歌。我諗係食藥幫到個腦，同埋輔導幫助我處理左Ｄ情緒問題，整體無咁焦慮，而令強迫症狀大大減少。

而當我有ｃｈｅｃｋ野而離開唔到果樣野／地方，我會影相影低已經關好左／做好左，想ｃｈｅｃｋ就睇返張相，而好多時其實就連相都唔使睇返。

純粹個人分享，ＯＣ真係好痛苦。。

以一個較為嚴重既強迫症患者角度答你，當你對住你有 OC 既事物/意念，只係感覺到完全無壓抑既可能，無論係生活既任何一個時刻，你只係想消除 OC 帶俾你既感覺，強行壓抑繼續生活只會令你腦海有種揮之不去、沉甸甸既感覺，失去應有既集中力，而無集中力基本上咩都唔洗講，學習能力、記憶力、工作能力、創作力會蕩然無存，咁你覺得需唔需要求醫？

我唔覆得太詳細，因為好多回覆內容都有提及，你簡單啲諗嚴重既 OCD 患者，講緊佢係仲有意識去生存的話，佢會知自己做緊既行為/思想上係不斷地重複緊，就會係某段時間迫於無奈強行壓制自己去生活，但咁變相就會好似「行屍走肉」咁去生存。個腦不停有「懷疑感」走出黎，但又要壓抑住，就好似回魂夜咁，一到 12 點，見到水龍頭出血水都要繼續洗臉咁去生活，猶如無間地獄。