健康台本身有個討論情緒病既主 Post，但未出現過專門討論「強迫症」既大群，小弟一直以黎都希望建立一個強迫症患者既專屬討論 Post 圍下爐。
先由小弟背景講起，本人已經患有強迫症 13 年，從 2012 年由於學業加上感情問題壓力觸法開始發病。發病初期，如同一般對強迫症患者既認知，出現強迫性行為
，例如不停懷疑自己無拉書包拉鍊、無拉褲鍊，不停喪 Check，甚至㩒實條拉鍊唔放等等….強迫症 — 有人比喻為「影子」，趕不走，打不死，如影隨形，就是如此的狡猾與難纏…
隨後病徵一路出現轉變至今，變得如影隨形，平常人都難以理解。我現時對自己觀察到既周遭環境既仼何一種事物、或者腦海對周遭環境想像出黎既感覺，都有機會產生一種注意力，呢種注意力會停留係我腦海，好想諗返起究竟係點產生，就會不停不停地回想
，直至我諗到一刻我認為近似產生呢種注意力既感覺，或者用 Self Talk 說服到自己當下諗既野係無必要先能夠消除，否則感覺會一直沉澱至我能「解取」為止。
用一種邏輯去解釋另一種邏輯，得到的仍是一種邏輯，對你而言，這仍然會變成強迫。簡言之，你是在用一種強迫去對抗另一種強迫；結果，你得到的仍是強迫。
因為都足足 13 年之久，當中有嘗試停藥、亦曾經有精神科醫生因為我 OCD 太 偏向「O」，啫係「Obsessive」而懷疑我有思覺失調，所以有開過呢類型藥俾我食，但我呢 1 年多再度求醫，新主診醫生就認為我主要係圍繞「懷疑」呢個方向，所以仍然斷症我為純「強迫症」。
鑒於編幅關係，暫不詳述我求醫既經過、以及我既病徵，現時本人每日服用以下藥物：
SEROXAT CR 50mg
APO-LAMOTRIGINE 100mg
PSM-RISPERIDONE 1mg
TOPIRAMATE 100mg
由於病患嚴重影響個人生活與工作，曾經兩度想自殺，希望連繫到更多同路人，就算只係網上，都可以互相勉勵大家，走到更遠既路。
想請問有無患有「強迫症」既同路人，分享一下自己既病徵，當中究竟有無人會同我一樣，腦海有某種感覺產生，就只能透過不停回想去「消除」返呢種感覺咁古怪？
你地既病徵影響生活既程度又如何？現時服食既藥物係咪都係差唔多？你地認為有無用？除左食藥仲可以點幫自己？建立一套常用既 Self Talk 去說服自己個 OC 感覺？
訓覺前會對住門鎖瘋狂重覆數10秒confirm有無上鎖
算病態定壞習慣
