你講嘅例子咪正正說明觀眾影響因素冇咁大囉
王家衛當年出出戲都蝕大錢 一樣冇幾個觀眾明
但照樣出到王家衛
咁點解而家冇王家衛?
鄧光榮肯俾錢王家衛拍嘢都係因為佢寫過咩江湖龍虎鬥
而旺角卡門都擺咗個警匪嘅羊頭係度咋
我嘅point係冇個好多速食類型片嘅市場打底 你想啲好嘅藝術片憑空出世係好唔現實
冇個繁榮嘅industry 就算偶爾有到佳作都唔會穩定到
所以你話觀眾冇鑑賞能力令個市咁死其實係個假命題
都係嗰句 唔通當年嘅香港觀眾就係特別有品味而家特別冇?
事實無論咩情況咩地方 會睇濁水漂流嘅觀眾都係少數
好多你所知嘅外國文藝片唔攞國際獎項行影展口碑路線嘅話一樣係蝕錢
所以與其追究觀眾
不如話係成個市場點俾到投資人信心嘅問題