菲臘牙科剝智慧齒

求手術當日詳細流程/情況
我上年7月second check完確定收(橫生開刀)
今日打去問，話應該11月有位比我

其實兩年前喺poly都開刀剝咗一隻
雖然有經驗但仲係驚到騰騰震

溫馨提示：長文
去到坐左陣就叫名入房準備剝
入到去見到全部女嘅 心諗會唔會唔掂唔夠力剝架
之後就叫我坐低 講解下今次點做 隻牙近唔近神經線之類 有冇藥物過敏 同埋洗唔洗SL果D 同埋我都有問做完護理嘅野
之後就開始做 佢會有塊布遮眼同埋果身
得返個口同鼻露出黎 然後就打麻醉 我就唔覺好痛小小痛咁（比打豆落手嘅血管全身麻醉會覺得小兒科）打完等一陣佢就用支針吉下D牙同脷睇下痛唔痛 cfm冇感覺就開始做

佢剝下面打橫生果隻先 用鑽果D野界 佢會話如果有唔舒服痛之類就踢一踢腳話俾佢哋知
做果時你會feel到佢哋敲打緊隻牙 最後佢界左3份拎出黎做緊果時聽到個教授講no easy u can try 最後個女同學應該做好左 佢話excellent 之後就開始聯針 做完個同學會話開始做上面 佢應該唔夠力 之後教授幫手剝 佢都話隻牙 very strong 💪 佢抖左陣再整 feel到佢用手指塞入個口剝 仲話唔洗咬我嘅手指嘅
做完佢話塞紗布止血 等一陣教授同同學再check個傷口止血成點 然後再講返我個case D牙點 佢話我前面隻大牙都有蛀 叫我出出面再check下補牙 同埋隻大牙有機會變敏感牙齒 仲有講埋點樣護理個傷口 就出拎藥 約期返去拆線
大概就係咁

想問1st check係幾時？

止血嗰邊等咗幾耐再check啊？
之前喺poly剝醫生話咬紗布半個鐘
但我住得遠，喺西營盤返屋企都至少一個鐘
唔知有冇得confirm止晒血先走

太耐唔係好記得了，淨係記得係報完名冇幾耐(好似一個星期內)就收到電話叫我去1st check

不過1st同2nd係隔咗一大段時間嘅

等左5min左右就check止血位 佢應該見個傷口唔係好似水喉咁流血就可以 之後再換另外一塊紗布俾我咬返屋企 我都咬左差唔多個半鐘先吐返出黎 吐出黎果時都仲係流緊血 不過feel到唔係流得好勁 過左個幾鐘就好似冇咩血流
仲有今次個學生手勢應該幾好 暫時到依一刻都未feel到痛（已經訓左一晚）只係個面腫左小小
利申：琴日麻醉藥未過晒就食左粒止痛藥

正常 我有朋友都係有學生一直跟緊佢個case 佢去左好多次洗牙 今個week終於去check牙 準備剝

洗牙係好快 一般3個月就排到 剝牙以年計

返大陸剝啦，平靚正

一方面好驚 另一方面好想快d攪得掂

下！咁快！？我舊年5月check第一次話收我症，排咗年幾先叫我去check第2次，之後話排瑪麗仲要排成2-3年
又話冇急症，要按次序輪嘅？

應該係冇得揀
佢畀我嘅選擇：
1. 1年1隻，即係要4年先剝得晒(菲臘剝)
2. 全身麻醉，1次過剝4隻(排瑪麗手術室剝)

係得以上2個選擇

我就排係菲臘牙科局部麻醉整 所以會快D?
排瑪麗會唔會好多人排?
但有一樣肯定係如果check牙果時你話好痛 佢會俾快期你整 我有朋友試過 話隻牙好痛 check完就叫佢下星期去整

Check嗰陣都有話成日發炎嗰隻有啲紅紅地，又話下排有隻影響到前面嗰啲，但都係同我講：冇快症架，跟次序輪，等唔到就自己出去剝

我果時都冇話痛只係有時附近牙肉厚厚地感覺 佢話要大概一年先排到 但估唔到佢咁快就打俾我話排到我
不過今次佢手勢幾好 剝完冇痛過唔係好腫 真係對菲臘牙科有D改觀

有得排快啲早啲剝幾好，手勢好更好

我排緊一次過4隻、要開刀。我識有人排政府一次4隻，成個月都未好返晒，衣家我腳震緊
但係菲臘得2個選擇畀我，一係1年1隻(要4年先剝晒)，一係1次過4隻，所以我最尾揀咗一次過

上深圳愛康健仲快仲平啦
今日預約聽日已經有得整

去深圳正夫口腔啦
平靚正

宜家幾多錢？同埋痛唔痛？

一邊上下你預埋單7千
脫完即刻食藥
散麻醉就唔會痛

準備俾個學生玩謝你個大牙。痛兩個禮拜加上個口擘唔大。

都幾貴