菲臘牙科剝智慧齒

我上年都去菲臘牙科剝智慧齒，基本上都係以一個待宰既心態上去
點知個醫生勁好，超快搞掂
仲要搞掂之後唔太痛，完全係改晒觀

做咩唔課金搵鄧仔搞

我依家日日都驚整完超痛
希望星期三 幫我整果位醫生係好勢快快手搞掂la

搵神醫未驚完已經搞掂

我初頭都驚 打麻醉唔痛直頭冇feel 之後用針吉你啲肉 冇感覺就開始

我二月第一次去排
睇黎要等到下年了

入去之前食止痛藥
剝完有幾日只可以食到粥

拆線條友就可能係學生
做果個一定係PROF. 黎

轉介去瑪麗做 可能有學生睇咁 $360院費

去格倫菲爾啦

整果陣唔痛 剝完先辛苦 預備食1個星期軟餐啦，我當年2隻係醫院開刀剝使幾舊水搞掂。

佢用咩字頭電話打俾你呀？定係個學生會再 WhatsApp搵你？

等咗好耐仲未有消息好驚當廣告電話 cut咗佢線

我都預左頭幾日都食粥 但最驚係超痛訓唔到

當日搵鄧仔剝, 佢有俾好多藥我, 但我一粒都無食, 根本唔痛冇發炎

留意下2859xxxx 係菲臘牙科

抗生素一係食一係就完全唔食

去有字頭果啲藥房配定幾粒強效止痛藥，不過剝咗一了百了唔使久唔久蕊著痛 又發燒，加油啦巴打

上個月先剝完一邊 一開波用布遮眼乜都睇唔到
一個學生加一個教授 上下加埋4-5枝麻醉
我下面要開刀 加埋做咗個幾鐘
我個個教授係學生搞唔掂就立刻換手比佢搞
之後上面個隻太緊 又係教授全程剝

建議你做之前就食家止痛藥
麻藥散咗之後奄奄痛 會好騷擾你休息
同埋預咗頭一個星期刷牙都會勁多血
同埋擘唔大個口 食嘢都要就住就住

想問下師兄 佢有冇開漱口水 定淨係得止痛藥俾你？ 整完第二日朝早先可以刷牙？

如果係教學病人 應該有一半時間以上都係學生做

唔會啦 佢地會confirm麻醉藥生效先開始
你中途有唔舒服會加麻醉到你冇野為止

開漱口水 止痛藥 抗生素
佢建議多啲用鹽水漱口
其實即晚可以刷牙 係唔好刷傷口個邊就ok
之後再用漱口水

點先可以睇菲臘牙科？住左喺西營盤10年都唔知

鹽水漱口咁顛 我見有D人話唔好用鹽水漱口 話會令傷口更加難埋口

不過多謝師兄解答 起碼知道整完黎緊幾日點做好護理

你要有教學用途先會收你