歷史上有冇國家/民族可以成功去伊斯蘭化

日本/韓國？

都冇伊斯蘭化過

其實個例子好特別
就算係伊斯蘭征服後﹐中古既阿拉伯文明接受左伊朗文化好多野(例如政府既組織、行政、禮儀等﹐政府好多高級官員都係伊朗人)

就算今日去伊朗旅行﹐好多伊朗佬都會覺得自己比阿拉伯佬高一級(雖然事實未必係咁)。伊朗本身既世俗化一直以來程度好高﹐好多人都好憎自己個政府﹐但吹佢唔漲。

應該話﹐而家伊斯蘭式既伊朗反而係佢歷史上最唔世俗化、最唔正常(唔計蒙古入侵)既時期。

記得以前有巴打同伊朗人傾計，發現好多伊朗人心底裏係睇唔起阿拉伯人，話佢哋好撚蠢，覺得佢哋本來只係世代屈居喺沙漠嘅遊牧部落，中東文明主宰者建立者應該係佢哋

巴林同摩洛哥世俗化都叫成功，行君主立憲，算唔算某程度上去伊斯蘭化？

西班牙，正確啲係伊比利亞半島？

馬拉真係算民主制度咩幾時有非伊斯蘭華人首相

好似係印尼喎

咁唔止叫去伊斯蘭化，仲係去佛教化、去天主教化、去道教化…係黨威權之下，邊個教會唔係100%效忠

呢方面睇既話共產政權都有佢好既地方

中國，皇權大過神權，明朝漢人地方盡量漢化，清朝康熙連天主教都趕走，伊斯蘭教擴張中原更加冇可能。中國嗰啲禮教祭祀同中東嗰三大宗教基本係排斥嘅，嗰啲統治層好難接受，尤其係皇帝，冇可能接受祭司係佢之上

你啱

依家英國都伊斯蘭化咗

半離題：Cro-Magnon全世界都當係Homo sapiens﹙智人，即係我地現代人類﹚嚟，並無爭議，所以並唔係咩智人亞種，根本同種。

尼安塔德人﹙Neanderthal﹚就有兩個睇法，早期的確有學者將佢地睇成係智人嘅一個亞種，所以變相係同現代人類﹙=我地﹚一樣係Homo sapiens嚟。用呢個分類法，就我地叫Homo sapiens sapiens，佢地叫Homo sapiens neanderthalensis。

但而家學界主流都唔覺尼安德人係智人嘅亞種嚟，一般覺得應該將佢當成智人嘅最接近分枝。所以智人就係Homo sapiens，佢地就係Homo neanderthalensis。

所以話Neanderthal同Cro-Magnon係智人嘅亞種呢個講法唔係完全準確。

多謝師兄指教，自身學識唔夠update

如果佢地行番咁極端啲姐姐唔使去外地工作

馬拉都算東南亞之中（除左新加坡泰國）善待華人，但係馬拉華人自己都唔想留係馬拉又係真既

伊斯蘭教有少少係越遠離聖地既地方越唔保守（呢點同基督教唔一樣）

伊斯蘭教既分佈主要係根據地理位置，所以好遠既地方會越來越唔正宗。印尼信伊斯蘭教係靠阿拉伯海上商人過黎做生意，所以傳到過黎已經同沙特有好大分別

實際上馬來西亞嘅伊斯蘭情緒係激烈過印尼好多，宗教狂熱往往同社區嘅矛盾形成因果關係

馬來西亞嘅巫族只佔六七成，其餘婆羅洲保持原生信仰嘅原住民、南印度人、華人加埋佔嘅比重唔少，巫族自然會有激烈嘅「免疫反應」，另一方面啲大選往往會打宗教牌

實際上英殖馬來亞係行盎撒嘅習慣法，即係鼓勵自己社區自己構建，馬來西亞獨立後承襲咗呢樣嘢，所以馬來西亞巫族今日仲有自己嘅土王、馬來西亞華人繼續享有開辦華校同埋喺身份證登記華語姓名嘅權利

呢點印尼就「進步」好多，行歐陸嗰套共和制搞國族融合，任何民族都要以印尼語做母語、都要改個馬來語姓名，用憲法實踐天主教新教佛教儒教印度教伊斯蘭教之間擁有嘅平等地位

印尼排華點計進步法而家仲係印尼既華僑都唔敢認自己華裔血統

排華睇你係講六十年代嘅「反共大屠殺」定九八年嘅「黑五暴動」

前者軍人不分青紅皂白靠直覺處決所有被認為係共產黨成員，印尼華人只有少數係印尼共產黨，但印尼共產黨絕大多數都係華人，蘇哈托唔會同你細分所以將絕大部份華人以及加入共產黨嘅馬來人炒埋一碟處理

後者係新秩序嘅倒台，據悉係蘇哈托為咗轉移自己嘅失敗而慫恿包括自己女婿在內嘅軍方成員喺民間煽動種族仇恨，華人婦女被姦殺、男嘅俾人斬頭，南婆羅州以及蘇門答臘島嗰啲向來被視為種族和諧嘅模範城市都出現原住民同原住民之間互相屠殺

但自從新秩序真係結束咗之後印尼步入咗個至少係有缺憾民主嘅階段，印尼華人被平反，然後就同泰國華人菲律賓華人一樣幾乎完全融入自己嘅國家

「任何民族都要以印尼語做母語、都要改個馬來語姓名」

但印尼自己當地人﹙例如爪哇人/峇理人等﹚改嘅名都唔係跟馬來西亞啲馬拉人個名嘅結構喎，都係跟返自己當地傳統改名，啲名亦都係爪哇文呀、峇理文呀裏面啲字嚟，唔係馬來語。In what sense「任何民族都要改個馬來語姓名」？

定巴打你係想講，本身當地人就自己用自己傳統方法改名，而華人呢啲早期移民就要跟佢地住嗰個印尼地區嘅傳統去改名？

我呢度筆誤，上面「馬來語」嘅意思即係馬來語族嘅語言，印尼人嘅姓名普遍冇馬來西亞巫族人嘅姓名咁傾向伊斯蘭

所以你最後嗰段，係