[NETFLIX]黑白大廚：料理階級大戰 2

咁你有叫人定價既動作 就係想參加者去判斷市場需求
無人話崔煮野唔好食 只係你啲野咁貴 到實際市場未必有人買
啲食播主都話正常咁貴都唔食啦 隔離又唔係差好多
而家就係講緊佢比太多錢 正常市場既話 你一貴啲人就會諗值唔值 但你錢到多咁who cares？變相無左貴帶來既市場風險
咪變左邊個貴邊個贏

回頭率係好重要
好食先會回頭
而唔係出名廚師煮，或者個樣好睇你先所以買黎試一試

得20人，天丼都做唔切wo
如果加到30人，應該4間廚房都做到死
鬥快出餐既話
澳牛上去應該贏硬

我同意呀
但同時個價錢都會影響你回唔回頭
而佢而家個玩法就係eliminate 左價錢貴而帶黎既負面因素

所以最公平做法係應該要先透露咩客群 同啲客有幾錢
咁樣先有得市場規劃
崔斷層式咁贏只係因為賽制對佢極有利 啲客唔合理地有錢到唔洗睇價錢買野

每次見到呢個韓國人整既港式點心，
就心諗係香港可唔可以食到呢個港式點心
不過如果真係有香港點心整，又會唔會係叫做抄襲

你都係解釋唔到自相矛盾既地方
就算唔計價錢，淨係計碟數，崔都一樣會贏，我真係解釋唔到點解唔係最好食但碟數會賣得最多
所以就算係4隊用同一個定價，都係一樣會係崔贏
你想帶出既point係，崔既不合理定價，係正常市場下，應該會為佢帶來劣勢，而唔係優勢，呢樣野係呢種賽制下反映唔到出黎
咁但係呢個正正係你自相矛盾既地方，覺得佢靠定價先贏，定價唔應該係廚藝比賽一部分，但又同時覺得定價應該令崔有劣勢而唔係優勢

佢講錯重點
重點唔係無唔無限金錢
重點係真係洗自己錢

重點係只要唔係出自己錢
理得你100萬定20萬

你都一定係揀最貴果樣黎食 self maximisation

姐係話 只要唔用自己錢埋單
崔果隊個strategy 點都贏

要真係用自己錢先會去諗係咪太貴 性格比去做決定

對上一次係無肉食食過
但相比起黎粗燥好多

Edward lee

個黑鬼係咪唔識韓文？
一堆韓國人食住野吹水，佢完全搭唔到嗲

咁多個入面我最鍾意都係佢地三個
有創意又有實力

不過阿姨煮果個麵雖然平淡，但加埋佢既故事都説服到我

Budget set做所有菜單加埋總價錢x2，全部大胃王第一輪一定試曬所有菜式先，剩返有限錢就會計下邊樣好味又抵食

有樣野韓仔講得幾好
餐廳戰

主廚入硬咁濟，連edward lee預備既肉太柴咁柒都入到下round

相反幾個脾氣好既嫲嫲級逼住做備菜工序
根本無咩發揮表現空間
咁樣直接俾人foul走咁虛無同俾人撚無咩分別

起碼團體敗者再整多次個人戰先決定foul邊個啦

成日要咩配韓式煮法 真係睇到拗晒頭

我無話定價唔係比賽一部分 我意思反而係定價應該要係呢個市場遊戲既一部分
而家正正係因為有無限錢而無玩到「定價」呢樣野
因為正常賣得貴 係會令人少左意欲買黎食 而碟數下降
但就係因為啲客有無限錢 所以崔先賣到咁多碟 因為個機制無令佢因為價格帶黎負面影響

正如啲食播主有部分係因為塊紫菜而去買個六萬蚊飯
如果唔係無限budget點會咁做？你點樣得出一樣定價 有限錢既情況下 崔都仲會屌打？

真
其實阿豬媽根本唔會有時間去同客吹水/睇廚餘
次次團戰啲阿豬媽都係埋首苦幹
做就最辛苦 彩就人地拎

點解尤其係個阿姨？

真，開舖頭定價都要睇下咩客群。 點撚知原來個個大豪客拎信二百萬入嚟食嘢，根本個餐個價錢對班kol 完全唔係考慮因素，入到去跟本同all you can eat 冇分別。

定價平民個啲餐廳，比你有回頭客都追唔到定價高個餐啲營業額。 就算有kol 話個餐唔抵屌，岀去都唔會用呢個價食，但根本就唔影響佢哋會唔會回頭，因為啲錢基本唔會用得哂。

除非一開始就知道呢班客個個拎住200萬入嚟，咁間間餐廳個策略就唔同。

依家變相保送定價高個隊入八強。

*100 萬先啱

只能夠幫節目組兜就係，公平性佢地都可能理解可以每道菜試下先再用錢去食指定菜式，但咁剪同拍就唔夠明快好睇又難剪

呢個環節的確係開餐廳角度唔現實之餘，食客角度都唔現實，真係不接受反駁

四組味道唔會差太遠唔會真係有組難食

喺呢個情況下，當可以免費食所謂貴嘢，點解唔會因為貪小便宜嘅心態而係咁叫最貴嘅嘢
好多人去食日式放題都會主攻一啲貴嘅嘢，你唔會因𤔡鐘意食蛋壽司就唔食拖羅
更可況無限錢=免費放題，你好自然會更加留意menu上面嘅貴嘢，你免費食一個menu上面最貴嘅嘢，只要味道正常，你都會有種「賺咗」嘅心態

咁呢種貪小便宜嘅心態人人程度唔同，當然會有人偏向食多少少自己鐘意食嘅嘢

畢竟佢啲遊戲規則係最尾先公佈
一開始大家個expectation有啲錯咗
真係有人以為可以靠薄利多銷又有人驚定價太貴冇人嗌
見到大部份參賽者一開始以為成班廚師喺美食廣場開3間嘢做一星期咁款，有堆真食客用自己錢為咗自己要食早午晚餐入嚟，要憑價錢味道賣相口碑翻單贏出

崔呢啲薑越老越辣做咗咁多年又出書又做慣綜藝，唔知有人通水定靠經驗歷練一早估到所謂食客比錢食嘢只係公數，致勝關鍵係set高價，以實況電視節目亦無可能長時間模擬開餐廳，最後變咗吃主播20個人重複叫餐當模擬1-200個人

三百萬食材同100萬 budget叫餐，冇餐廳唔夠錢買食材冇餐廳準備食材份量不足冇人叫餐用曬100萬，即係個budget差唔多等同冇budget冇限制，自然係貴價料埋個營業額最高，反正唔係自己錢，點心賣最多都贏唔到只係第二

另外，一開始仲以為會扣食材成本但原來只計營業額唔係計利潤，又係貴嘢屈機仲要加埋兩邊接近無限budget，幾乎贏曬

題目有趣，但睇到少少唔爽嘅係原來主要致勝策略唔係鬥餐單設計鬥好食鬥定價有策略性。想模擬實況，但現實又做唔到好似，最後致勝關鍵係要一早估到遊戲規則或現實限制而去set高價，其他要素好次要，連翻單最多嘅都係拎第二。當然，set得高都要個餐有人嗌，但嗌兩個就10萬同嗌5個先10萬完全唔同。

如果規則係計埋食材成本去睇利潤同埋將兩邊budget再減低一大截，結果將會好唔同。

又未必一定崔贏，假如得10萬，咁叫一個崔嘅餐就佔咗一半budget，咁啲客未必會想試，所以都係睇規則點set

每個客手上有幾多錢=消費能力
有幾多客 越多客越反映到普遍市場喜好
用唔用自己錢 呢個好影響消費者嘅心理同行為

呢round設計基本上eliminate 哂價錢嘅影響
個market size縮到得20人，好易有extrema case，例如食好多紫菜好多點心
唔用自己錢又加大啲客想食貴嘢嘅心理，反映唔到真實消費者嘅行為

所以呢round真係設計得好差

喺冇乜資訊情況下，個餐廳設計面向大眾係安全啲，但基於係一個節目，請上嚟嘅客消費意欲一定比平時高，因為難得上節目+難得食名廚煮嘢，佢哋自然肯使多少少錢

崔三樣嘢都set到咁貴，其實好risky，遇上用自己錢/低消費能力嘅客群基本上可以收皮
其他組set得又過份保守

暫時諗到冇乜資訊情況下，最安全係主打一個貴餐（一定要好好食），例如天丼可以set到4萬或者3萬尾，其他兩個冇人食嘅就正常價貴少少，目標就係想啲客覺得天丼先貴麻婆豆腐1萬左右，叫天丼食好撚抵，4萬蚊就食到總統都話好食嘅飯