日本大學教授從《Kingdom 王者天下》談中國歷史：中華統一

兩次攻趙都畫咗大半年，7國統一你預孫仔出世應該差唔多畫好

橫山光輝夠哂經典

巴打你係我連登唯一fol的人
好多謝你成日分享

想知拍得少同好唔好睇有咩衝突嚟緊有劇睇

話時話 龍狼傳都未完

好文共賞 推

推

連登可唔可有多啲呢啲高汁post

第三章：歷史是人類社會廣闊的實驗場


吉「我想再一次好好咁去學中國史」

渡「我認為係長得嚟幾有樂趣」

吉「唐之類嗰啲都好想學」

渡「因為有好多唔同嘅人出現 所以戰亂期係幾有趣嘅
唔知點樣活下去 決定唔到方針嗰陣 呢種時代就最有樂趣」

第1節：沒有「活着方式」的時代才值得學習


渡「唔係比較安定嘅漢朝正中間 而係國家差唔多崩潰時 或者戰國將要統一時
即係所謂嘅亂世 有好多唔同嘅人有好多唔同嘅想法 展現出唔同嘅行動
呢啲時代就係最有趣㗎喇」

吉「其實我成日都有諗 例如亂世嗰陣
大概都係50-60年左右 就會同時有一堆猛人出現
三國志係咁 日本嘅戰國又係 《王者天下》都係咁
不禁就會諗點解會咁樣嘅」

渡「大家嘅方向性都微妙地有啲唔同」

吉「我成日諗點解佢哋唔全部喺同一個地域出現 係都要分散喺唔同地方
話唔定呢樣就係當中嘅魅力」

渡「話唔定係咁
大家都可以向住唔同嘅方向進發 所以就有呢種樂趣喺度」

第2節：為何只有秦有統一中華的目標？


吉「其實全部國家都有統一目標都得㗎
但現實唔係全部都打算統一咁去打統一戰 然後贏咗嗰個咁啱只係始皇帝」

渡「我舉個例
假設四川有禽鳥瘟疫 喺北京嘅人其實唔會特別驚
因為大家嘅經濟圈唔同 個病傳去嘅可能性好低
日本嘅話 如果九州出現 其他地方嘅人都會諗唔好買禽鳥住
但中國嚟講就未必會

即係話 “統一嘅必要性”呢樣嘢 如果經濟圈封閉嘅話就冇呢個必要
所以呢個想法本身並唔存在
“統一真好”呢個思想本身都冇

又舉例講儒家提倡統一 其實都係見過統一之後先開始講
法家雖然係想加強君主嘅權力 但一定要統一 呢個想法其實本身都係冇
咁問題就嚟喇 到底統一呢個想法喺邊度嚟？
就係最先頭提過呂不韋呢個人物嘅有趣之處

簡單講到底渴望統一嘅係咩人 就係全國性商人」

吉「商人
因為想擴大個經濟圈？」

渡「正如你所講
呢個時代嘅貨幣個個國家都唔同 所以就算收集咗一堆唔同嘅貨幣都好難流通」

吉「又係喎 要買嘢咁好唔方便」

渡「再加上喺其他國家度帶嚟嘅商品可以賣到好價
因此就會想創造一個全國性嘅流通圈
雖然想創造更大嘅經濟圈但國家唔同嘅話 貨幣都唔會一樣
就喺咁嘅情況之下 會諗不如統一會唔會好啲嘅人 我認為就係商人」

吉「喔喔 即係當時唯一會有統一呢個目標嘅係只係得商人」

第3節：「商人」正是令中華趨向統一的關鍵？


渡「用咁嘅諗法嘅話 商人當中最接近權力核心嘅人就係呂不韋
所以有呂不韋指揮下 就令秦國從由他國奪取領土擴展到更大程度嘅統一中國
就連戰爭嘅方式都有所改變
如果只係擴張領土嘅話就會有”遠交近攻” 同遠嘅國家結盟攻打近嘅國家 只要咁做就得
但假若要”毁滅一個離秦好遠嘅國家” 呢種策略就根本上消失
調返轉對方立場 就自然洐生出合縱、連環 全部結盟去打秦
呢啲諗法都係因為秦打算滅晒全部國家先出現
有人注意到秦打算咁做 而秦點解會打算想咁做
講返轉頭都係因為喺秦國有人認為需要有全國性經濟圈
所以我就認為係接近權力核心嘅人 咁就係呂不韋喇」

吉「原來係咁！」

渡「所以《王者天下》度有一幕係呂不韋同政爭論
呂不韋拎住啲錢同政講”呢啲就係國家”
我覺得呢幕寫得相當好」

吉「我明晒 即係最根本上嗰種想法係咩人會有」

渡「嗰啲係一種統一貨幣嚟 叫做半兩錢
造統一貨幣都係由秦國開始 唔只貨幣 重有度量衡都係
即係秤重量同容量嘅單位 呢啲嘢唔統一嘅話 重有車軌都係呢
唔咁做嘅話運唔到貨 車行唔到
呢啲嘢全部統一晒嘅話到底最大得益者係咩人？商人就係最大得益者
農民同呢啲冇關係 武士都冇關係」

吉「即係話有呂不韋呢個突出嘅人才出現 然後繼承呢啲想法嘅就係始皇帝政
解謎咁解嘅話就會有咁嘅答案」

渡「其實頭先都有提到嘅《呂氏春秋》入面都有”邁向統一嘅思想”
雖然原本係道家老子嘅思想 一生二二生三三生萬物
溯源嘅話即係會返去一度 就係咁講天下需要歸一
《呂氏春秋》入面有一篇叫做”不二篇” 即係富士山嘅富士原本所指嘅嘢
都係提倡統一嘅重要性 呂不韋嘅腦入面明顯係有呢種思想喺度
就係咁出現”期望統一”嘅想法
漫畫入面雖然係由政不斷講中華統一 但我認為本身係由呂不韋嘅想法度提倡出嚟」

吉「原來係咁 就係基於呢個想法逐步走向統一
想請問經濟方面秦國本身係點嘅國家嚟？我大概知道佢係一個新興國家」

渡「經濟上完全係後進國（發展中國家）
具體啲講 有一個國家叫魏 而秦同魏係屬於同一個經濟圈 可以使用魏國嘅貨幣
另外就係有一本叫《秦律》即係秦國法律嘅文獻出土 本身其實係”魏律”嚟
吸收咗魏嘅法律 再將佢啲唔啱使嘅改走拎嚟用
所以文化上經濟上都係受魏國影響」

吉「咁講法 如果秦唔做任何嘢嘅話
係唔係有可能本來佢係一個會慢慢自己消失嘅國家嚟
佢係一個後進國 新興國 所以先致咁盡力去諗做啲咩求存」

渡「我諗總會有某個國家會諗到統一呢條路
其實我最初係研發社會經濟史嘅 我認為喺經濟上嗰個時代開始睇到統一嘅重要性
剛好春秋戰國時代出現咗鐵器 農業生產力一下子得到飛躍發展
開始有鹽鐵嘅買賣
鹽呢樣嘢人唔攝取嘅話就會死 但中國可以採鹽嘅地方唔多
關羽嘅故鄉就係一個採鹽嘅好地方 但唔流通出去嘅話都冇用
羅馬帝國嘅薪水其實都係鹽嚟
英文salt嘅語源係拉丁文嘅sal 同時都係salary嘅語源嚟
所以其實唔係出糧係出鹽
就係為咗運鹽所以先有路去羅馬 同樣地中國都唔流通鹽唔得
準備想統一嘅想法已經接近緊」

吉「而最初諗到呢個需要同又真係做嘅就係秦國」

渡「可以考慮為知道潛藏到呢個需要嘅商人進入咗權力核心」

吉「歷史上商人都幾重要咁」

渡「係重要㗎 所以儒家先打壓佢
日本都有士農工商嘅概念 稱佢做末業 話會搞垮一國之本嘅農業
之所以將佢放喺敵人位置就係因為佢係一個威脅 商人擁有嘅力量好龐大」



續

第四章：歷史的關鍵握在商人手中


第1節：國家以1000年為單位激變


渡「中國嘅歷史觀有所謂嘅用大單位去睇
例如《孟子》入面有講每500年會出現”聖王” 意思係改變時代嘅人會500年一度出現
我作為歷史學家 歷史學家就會用”時代區分” 古代、中世、近代咁樣 有咁樣用時代巨變嘅思考方式
我哋會用始皇帝前同始皇帝後作一個區分 然後始皇帝諗出嚟嘅模式實際上係到漢先完成
漢完善嘅模式持續到唐 唐同宋又好唔同 又由宋去到鴉片戰爭附近
就係咁用大時代去區分」

吉「大概呢個區分係幾多為單位？」

渡「大概1000年左右
就係咁 例如要搵漢嘅代表
我係一個儒學者專門研究儒學嘅 喺儒學者入面有一位叫鄭玄嘅 佢公元200年死嘅
然後又有一個叫朱子嘅人 即係朱子學嗰個朱子 佢係公元1200年死嘅
剛好1000年 1200年朱子去世 即係如果有一個將會喺2200年去世嘅思想家嘅話 應該亦係中國逢巨變之時
中國呢個國家就係用咁樣嘅時間跨度變革
始皇帝建立嘅 我稱之為古典中國 成為咗中國古典嘅統一國家 有中央官僚制 每個人都受法所管
呢種存在方式去到界限後就變成咗宋 宋係獨裁制嚟
地方上有叫做鄉紳嘅人 而呢班人讀嘅就係朱子學
然後佢哋去考科舉 就係因為有科舉所以維持到統一性
所以點解出到考到科舉嘅人咁重要 出到第1個考到科舉嘅人就係破天荒

然後呢種咁嘅科舉冇咗 變咗中華人民共和國 中國之後會變成點呢
出現咗一班被稱為新儒學者嘅人去思考新嘅中國應該係點樣
佢哋都有提出啲幾有意思嘅學說 話唔定下一個諗到新模式嘅人就喺呢班人入面」

吉「即係而家新提出嘅學說經過各種議論後熟成 話唔定就係150年後左右」

渡「我冇咁長命所以隨口噏下㗎啫」

吉「不過的確有可能不久後出現一位不得了嘅歷史性人物」

渡「話唔定只係我希望而家嘅中國可以改變啫」

吉「咁呀 剛剛提到嘅1000年跨度 下一次就係2200年
哎呀 真係好想睇下」

渡「我就是但冇所謂喇」

吉「你唔想睇下會有咩人物出現㗎咩」

渡「唔喇 過去都睇得夠多 唔睇都冇所謂喇」

吉「係唔係所謂嘅窺探過去能知未來？」

渡「不過歷史學家又唔係先知 係唔會預測未來嘅」

第2節：以巨大洪流觀看歷史的趣味


渡「又咁講 喺歷史洪流中係可以感受到 如果各樣嘢都係預測嘅範圍內 原來會咁樣變化嘅
如果歷史上有一個自己鍾意嘅時代 應該唔淨係睇嗰個位 要睇埋佢嘅前後
咁睇嘅話就可以理解到嗰個國家係點樣 又或者可以同而家喺嗰個國家度生活嘅人交流共存」

吉「《王者天下》都係諗住就喺《王者天下》度完結
但當然呢個係歷史 之後係有後續嘅 應該話續到去而家添
換句話講係人嘅血脈同文化都係一直連串住
一開始睇《王者天下》嗰陣完全對呢啲係零咁當係一部好睇嘅作品去睇
但再加埋呢啲嘢嘅話 由《王者天下》展開去到現代 點與點嘅連結方式諗落都犀利
當然係好難嘅事嚟 要花好長嘅時間去連返起晒佢
個厚度就好似一直變成一個圓咁 連個尺度都變到好唔同
唔係只係一條線嘅延伸 打直打橫打斜左左右右咁伸展
我覺得好似會變成一個球咁 我想整呢個球出嚟
今次聽咗教授講咁多《王者天下》嘅嘢 已經畀咗個核我
好想就100年後嘅中國 100年後嘅日本去學各種唔同嘅嘢
唔係學 應該話去享受」



全部完
兩段總共50分鐘 唔好問我搞咗幾耐 我唔想答
最後重申多一次 我並不推銷片中任何史觀 學到咩睇到明好個人


原片：
https://youtu.be/jg10HbtADco?si=OTYcA_GCYpR0MTU6

雖然我同個頻道冇任何關係 不過都建議大家去返原片畀返個view人睇返佢一條廣告

小學教育出咗問題，教到班傻鳩以遼金夏為敵

係咪戰國版火鳳？

中國個中心思想係「有飽飯食」

咁樣一講，又好似或多或少反映咗喺自己個價值觀入面
點都好係要求穩定

以前日本仔啲大名同將軍要熟讀四書五經同其他中國古籍
武田信玄最出名
將孫子兵法個套用到盡
不過好多時眼高手低
加上甲斐資源貧乏
最後都成唔到霸業

條友塊臉愈黎愈橫

日本成街都係宣傳

仲有套蜈蚣戰術
你當係後傳日本篇
講長篠之戰

早幾年咪吹奏緊北宋點勁點影響東亞大陸
配合宣傳返早幾年既一帶一路同中共国既經濟影響力

全軍、血祭りだ！！！

穿越後宮番
行前咗幾十年

先秦時代墨家同儒家並列為兩大顯學，最受人追捧，同時墨家思想要遠比儒家先進，重視技術、製造業、戰術戰略、以戰止戈，又提倡平等、尚賢、大愛、節儉、減少不必要的繁文縟節，可以睇到好多現代化思想的影子
可惜唔被封建時代的君王鍾意，阻鳩住皇帝集權同獨裁，喺秦滅漢初就俾人清算晒，此後消失喺歷史的舞台中

呢套日本好紅，但香港無咩人睇