WFH到被遺忘，無野做但人工仲照出緊

是咁的，我係大公司既其中一個小職員，
咁平時我都好少講野同唔太團結，
日常基本我只會同上司有工作上既交流，
剛入職無耐就疫情開始，之後慢慢變成有得WFH，

到中期開始要慢慢分team返公司做野，
當時就分兩team人咁開工，一team就WFH一team就返公司，
每一team隔兩星期互調一次，避免一中招就所有人病哂，
有人中招就直接WFH多兩星期，即本來返公司做野既兩星期都要WFH埋，
變成差唔多個半月唔使返公司，

咁我有次中咗招，就病既期間問埋上司工作安排，
佢就話我叫我休息多陣，所以啲野交哂比人先，
之後由於之前申請過大假因為係我一早申請，都要放埋
(一早拎咗14日去旅行但無得去)

即係:
WFH兩星期
中招無得返公司繼續WFH兩星期 (上司叫我交哂啲野比人)
WFH兩星期 (上司話反正下兩星期大假，叫我休息多陣唔使做野住，反正做得少少又要交比人)
大假兩星期
WFH兩星期

所以當時差唔多兩個半月無返公司，
到差唔多放完大假時，我就搵返上司，
點知佢話我放大假前無耐佢同公司有少少鬧翻，
我放大假時佢直頭比公司用精簡人手炒埋，
咁佢就話公司野已經唔關佢事，等通知再返工，
但我一直等唔到再問佢，佢就話咁咪即係唔使返公司住囉，叫我唔使再搵佢，

點知過差唔多成個月都未有聯絡我，我又唔敢搵公司，
怕比公司話點解過咁耐都唔識返公司問返話我呃人工炒埋我，
到最後可能已經被遺忘埋，但人工一直有照出到而家，仲每年有加人工(而加加到萬七左右)，
過得愈耐我就愈唔敢返公司問我既安排，

大家可能覺得好爽，我一直收人工一直唔使做野，
但其實我好驚，

而家有返第二份工，比佢地知會唔會告我? (直頭唔敢報有做過之前份工，因為無離職證明)
因為現職二萬幾，再加舊公司萬七所以變成月入差唔多四萬，
同埋過多幾十年後比公司發現會唔會追討返呢段時間既人工?

賺夠移民追你唔到

你有僱傭合約，佢梗係要出糧佢唔叫你番工係佢問題

愈耐愈怕，怕十幾年後公司見到老員工，
點知搵返個部門搵我係搵唔到，
查到我無返工咁耐之後告我，
但我隔幾年先返去搵舊公司都怕比人告，
同埋見戶口每月兩份糧又好爽，
而家進退兩難咁

怕咪即刻遞信賠1個月糧

可以告你咩？你無呃佢，佢無要求過你返工

應該遺忘咗我，我工作上既野又交哂比人，
所以可能因為咁舊上司應該又無同新上司交代過有我呢個人，
我諗我個名應該只存在人事部同會計部，但全公司應該已經無人記得有我，
因為本身我地部門都差唔多成百幾人，
再分咗4 team人，
自己部門都唔會記得哂自己部門既同事，
只會記得自己team既

遞信咪要返公司，咪比人知我成幾年無返工

annual dinner 抽獎中你上台咁點

到時比人告既時候同佢講上司講過等通知再安排
仍然仲等緊
有咩問題
前提要有證明上司身份同對話

可能已經當咗你長期病患者，炒又唔炒得你，糧就照出，炒你分分鐘比你告反轉頭

咁撚好笑嘅明知前上司已經比人炒左，人哋都叫你自己等公司安排
你隔左排都仲問前上司點解公司唔搵你
你覺得人哋會知？

返無耐就WFH，連有無annual dinner都唔知，
有既話可能係描座位或者抽中我當無出席掛抽過第二個掛

唔怪得個POST熟口熟面

揾律師搞

應該唔會啦，呢幾年都係full pay

發發

錦鯉買左樓未

我前上司可能因為我無工作喺手，都唔太記得我，無將我交低比下手

連雞人交名都唔知有你呢個人

每個月將啲人工轉做加密貨幣先
到時一比人追你就去老破
扣扣埋啲生活費 每個月應該交幾千上去
捱4年有你著數

吹水都吹得好啲
每個月出糧條數有晒名有晒錢
HR唔Check，你個teamhead都一定要睇
多咗個完全搵唔到／又唔知邊個嘅人，而一直出糧
係無可能唔發現的

你條木契都係畀少少錢 問吓律師意見吧喇

舊公司知道咗最多炒你
你唔講新公司又唔會知