長期持有指數/全市場ETF討論區

本身供緊SPLG keep住追post都知如果個投資組合有買一啲小型價值股會更加穩陣
會建議買美國小型價值基金定係ETF會比較好

AVUV
心雄既可以加埋QMOM

想知IBIT IB係唔係有限制，牛牛冇？

牛牛avuv 係咪冇月供？

牛牛 IB 問題
樓主一律唔識答

最近想加少少QMOM ，有無話大概加幾多%好？
小弟portfolio 如下
48 VTI，32 VXUS，12 AVUV，8 AVDV
另外再加多20% 債

同埋有無多啲講動能因子嘅資料？

同AVUV AVDV既比例差唔多
可以睇清流君影片
或者 google doc 推薦既書

啱啱望下AVUV AVDV AVES 既PE都係10樓下

因子投資常見問題詳解

因子投資喺近年來好多人關注嘅一種投資策略
但當中涉及嘅問題都唔少
以下係針對幾個常見問題嘅分析同建議
幫助大家更加理性了解因子投資

點解唔將全部資金投喺小型價值股上呢？
雖然小型價值股嘅預期回報吸引
但單單將全部資金集中喺呢一類股票係唔理智嘅
原因包括：
過度集中風險：將資金放喺單一類型資產上會令投資風險大大增加，一旦市場環境不利，可能會造成重大損失。
預期收益唔一定實現：投資並無百分百保證，任何預期回報都有變數。
追蹤誤差帶來情緒影響：當你嘅投資表現同市場指數唔一致時，可能會產生遺憾或者後悔情緒，影響後續嘅投資決定。
所以，投資時應該進行充分分散化，喺唔同資產類別、地區同因子之間分散資金，同時要理性面對風險同回報嘅波動。

咩係風險？點解要考慮？
簡單嚟講，風險係指達成財務目標嘅可能性降低
例如，你可能想退休後有足夠生活資金
但投資表現未如理想，目標可能達唔到

分散風險係減少單一損失嘅方法
但同時會帶來追蹤誤差
即你嘅投資表現同市場表現唔完全一致
有啲投資者對追蹤誤差比較敏感
會感到困擾，所以喺投資前
應該了解自己對風險同追蹤誤差嘅忍受程度
從而進行適合自己嘅資產配置

投資行為偏差會點樣影響表現？
投資者經常因為情緒而作出錯誤決定
例如喺市場低迷時恐慌拋售
或者喺市場高漲時追高買入
要避免呢啲偏差
應該事前制定清晰嘅投資計劃
並嚴格遵守。

長期投資需要幾耐？
長期投資係通向穩定回報嘅關鍵
但呢條路唔係短時間就可以見效：
3-5年嘅波動多數係「噪音」，無法反映長期趨勢
10年雖然係一個較長嘅時間，但仍然有可能遇到市場失利嘅情況
20年雖然相對可靠，但依然唔係零風險
正因為風險同回報係並存
所以投資者需要有耐性
同時對短期波動保持冷靜。

資產配置嘅重要性
喺投資過程中，無人可以準確預測未來市場走勢
所以需要將資產分散喺唔同嘅因子、地區、資產類別同時間週期
從而降低單一風險
呢種策略幫助你即使面對市場變化
都可以有較高嘅抗風險能力

因子投資是否一定能打敗市場？
因子投資雖然有其理論基礎
但短期內跑輸市場嘅情況並唔罕見
例如喺2018年至2020年期間
因子投資整體表現就弱於大市
所以，對因子投資要有正確期望
唔好單靠短期數據作出判斷
長期耐心同合理配置先係成功嘅關鍵

投資係一門需要耐性、理性同學問嘅藝術
無論係因子投資定其他策略
資產配置同風險管理始終係最重要嘅核心原則

重po

想請教，
睇好東南亞市場，大馬 印尼 果啲
有冇邊隻ETF 可以無腦買入，
例如ASEA點睇？

新手一問
其實睇左D文章/YT，我都唔係好明QQQ佢既玩法點玩

例如依家QQQ一股係509
三個月後係550

換言知即係假設依三個月QQQ既所有股票總括係大升，QQQ就會升？

依個時侯係咪好似股票既方法低買高賣先獲先？

你自己上YouTube學吓乜嘢係ETF

如果係做咗幾年之後先開始玩ETF, 之前做嘢儲落d辛苦錢你地會唔會話留返幾多%liquid capital 之後all in 去某一隻

lm

留半年生話費，其他allin

QQQ係追蹤納斯達克100指數嘅ETF
所以如果納指100中嘅股票總體上升
QQQ嘅價格自然會上升
舉個例子
如果依家QQQ一股509
三個月後升到550
就即係話呢段時間內納指100成份股係有升幅

至於操作方法
就係同一般股票投資一樣
低買高賣
當你認為QQQ價格會升
你可以買入
當價格升到你滿意嘅水平時
就可以賣出嚟獲利

呢個post建議長期持有
直到退休要賣出先賣

其實
如果你希望減少風險並且分散投資
all in 一隻類似 VT 呢類型嘅全球性ETF都係一個唔錯嘅選擇
因為 VT 已經涵蓋咗全球大部分嘅股票
咁樣可以減低單一市場波動帶來嘅風險
再加上
你依家仲係年輕
呢啲錢喺廿年後睇嚟只會係你資產嘅一小部分
所以更應該即時all in
利用時間令呢畢資金獲得最大化嘅回報

至於生活費
如果你工作好穩陣留一至三個月
如果你覺得成行都縮緊留多幾個月
自行判斷
大原則係失業期間唔好用到放係長期投資既錢

有啲離題但想問下後生係咪唔建議留部分錢做定期

現代金融理論係講點樣睇錢嘅價值、風險、效率同投資決策
有兩樣重點：

1. 資本資產定價模型（CAPM）：
就好似你種蘋果
CAPM話你聽每棵蘋果樹嘅風險同回報
風險（即係市場風險因子）大，回報就會高

例如2008年股災
嗰陣股票市場大跌
因為市場風險因子大影響成個市場
你就是要接受會大跌這個風險
市場才會給你相應嘅回報

2. 效率市場假說（EMH）：
好似話俾你知市場上所有人都好聰明
所有嘅資訊都已經反映喺股票價格度
即係話
你唔容易搵到被低估嘅股票嚟賺錢

好似去拍賣會
所有人都知道每件拍賣品嘅真實價值
好難買平嘢

所以
如果你買咗全市場指數（如VT）
你要承擔市場嘅風險
就可以獲得相應既風險回報
因為所有資訊已反映喺價格度

漫步華爾街既精華

如果生活費用以好短既定期方式存放
應該無乜問題

係咪放多過100k 已經算好多

每個人情況唔同
你可以計下
月薪幾多減去每月儲幾多=每月洗費
再乘返六個月左右(當你六個月搵到工)
呢六個月既錢可以去做定期
或者買BIL都得
BIL 彈性大好多
定期中間cut 要罰錢(好似係)