[遊記 - 重打] 慢慢打，希望唔好爛尾 - 京都富士山東京秋色之旅

咁第一次搭直升機，聽人講都幾嘈下，不過佢個耳罩都幾隔聲，又無同事講到咁嘈。一開始都驚驚地，不過坐耐左就覺得好舒服好正，起啲大樓上面飛過嘅感覺真係好正。


本來佢個網寫到會點樣飛嘅地圖。

帶左隻運動手錶試下紀錄下今次旅程，結果係咁樣。最後無飛到好鬧市嘅上空都有少少失望嘅，不過算啦，可以搭都已經好正啦。同埋果日本來好陰天，去到下午黃昏開始雲層消散，都已經叫幸運啦。



一開始就會見到迪士尼樂園。


然後慢慢就會飛過去 Tokyo Skytree。



呢啲角度真係只可以靠直升機先可以見到加影到


新宿，東京都廳一帶，背景就係 Skytree


新宿一帶嘅東京摩天大廈樓群。



呢個我辨認唔到，不過我記得就係起座樓上面飛過個感覺好正。

東京鐵塔被眾多嘅摩天大樓包圍住。


有時候都係加條河，感覺無咁齋。


又唔太辨認到，我估前面個公園果度係皇宮？後面就似起六本木，同埋新起好虎之門，麻布台果堆高樓大廈？


接近豐洲晴海一帶嘅建築物。


最後望多幾眼 skytree


三十分鐘起空中睇東京一帶嘅景色，個經歷真係好正，重點係比預期中無咁嘈，可以靜靜咁欣賞下呢個城市。落機果下真係覺得唔夠喉架。如果可以飛耐啲同飛多次就好啦。

咁之後就行返去新木場站搭返去東京站啦。

暫時貼到咁：
#1 前言
#2 國泰飛台灣
#3 星宇航空 商務艙體驗
—- 京都車站周邊 —-
#7 東福寺 #8 西本願寺、東福寺
—- 嵐電周邊 —-
#12 北野天滿宮、仁和寺
—- 嵐山 —-
#18 佑齋亭、寶筐院 #19 常寂光寺
#25 寶嚴院、祇王寺 #26 二尊院、天龍寺
—- 東山 —-
#28 清水寺 #29 高台寺、建仁寺、智積院
—- 哲學之道一帶 —-
#32 南禪寺 #33 永觀堂
#48 真如堂 #49 詩仙堂、圓光寺
無貼到：安樂寺
—- 京都其他 —-
#51 光明寺 #52 醍醐寺
#53 瑠璃光院 #57 酒店開箱

#61 河口湖：三湖台，紅葉台
#62 #63 河口湖酒店開箱
#66 #67 #68 河口湖紅葉

#75 #76 #77 東京直升機之旅

京都就睇紅葉，東京呢我就覺得出名就係銀杏。

東京真係種左好多銀杏，連東京站對出都好容易見到銀杏樹嘅蹤影。



咁起東京主要就去左兩個地方睇銀杏啦。

明治神宮外苑
起東京入面我次次都唔係幾搞得掂入面個地鐵網，次次搭都只好查 app 睇下點搭車，搭JR去到原宿又以為好近點知都要過幾個地鐵站先到。去果陣呢度都未完全變曬色，不過總算都見到黃色嘅銀杏樹大道。不過早排睇 facebook 呢頭附近好似會有再開發項目，究竟會唔會對呢度景觀有無大影響就好似未有太多資料啦。



一路行就行埋去新宿御苑果頭。好似去果陣就過左新宿御苑紅葉嘅時期，不過就有幾棵好大嘅銀杏樹值得睇。起新宿御苑呢頭更加聞到銀杏果浸味



東京大學本鄉校園
位於上野附近嘅東京大學校園，都算係方便嘅睇銀杏地方。加埋校園嘅建築物，銀杏樹帶俾人嘅感覺又唔同啲。因為我去東京嘅話多數都係住上野一帶，所以可以早啲去，人少少，行得好舒服。

[請調教至飛行模式]
快樂嘅時候過得特別快，又係時候同日本講 bye bye 啦。


總算去過文京區嘅免費觀景台。之前一直都變身做武肺疫苗中心所以無開放到，依家重開返。

咁去程就搭左星宇經台北就去關西，回程就試下另外一間航空公司返香港，今次就搭華航經台北返香港。


去成田都係搭 Skyliner 入好過。


去到成田 check in，唔知點解個地勤一開始好執著個背囊幾重，可能隔離有個 supervisor 起度掛，但係我 hea 左一陣扮執啲野落去 gip 之後就無理到我個背囊超重問題啦
個背囊入面係相機鏡頭手提電腦，點夠膽擺落 gip 啊


起成田就攞埋台灣果程嘅機票同 lounge invitation card。


搭 business 最值錢果樣野就係可以起其他隊伍排曬長龍嘅時候，用 fast track 入到機場禁區。


咁就去埋華航起成田個 lounge 啦。一入口個裝修都幾舒服。



雖然個 lounge 好似比較細個咁，但係都係舒服嘅。同埋野食方面都比我想像中來得豐富，中式同日式嘅都有。

咁就差唔多時間登機啦。呢一程就係用 777-300ER 飛返去台灣。


華航黎講，A350 同埋 777 嘅裝修都係比較好嘅。個感覺都幾舒服。窗邊都裝左個座檯燈，不過就略嫌張檯個置物空間比較少，即係檯果兩個位都係比較淺身，唔係好擺到野。



一開始個 welcome drink 都係果汁。唔知係咪台灣嘅航空公司都係比較鍾意用果汁黎做 welcome drink。


另外派餐之前都有包 nuts。




一開始起飛都叫好天，不過去到富士山果邊就多雲見到唔到啦。


然後就來個 menu。反而覺得menu 個封面設計好似唔係咁夾。


不過其實起網上都可以選定想食乜。之前睇人地 post 過華航嘅日式主餐，都覺得好吸引，所以都book 左黎食。單係個賣相已經吸引。


果排華航同五桐號聯手，所以可以起飛機上面叫 老實人蜜桃紅茶氣泡飲。呢款又幾好飲。


去到台灣一帶就已經日落啦。


咁因為係轉機嘅關係，所以就無入境，行轉機通道就得。

睇銀杏都靚、要預左好似跌左落屎坑

不過聞慣又覺得無乜特別

[請繼續調教至飛行模式]
台北飛香港果程就用左A330，未翻新，所以商務艙個體驗就唔係咁好


不過就想貼埋 華航起桃園個貴賓室。都真係算幾好裝修。



首先要經過一條長長嘅走廊，去到最盡頭就係俾商務艙乘客嘅。而走廊都擺左報紙同雜誌可以俾人睇。



一入到去真係覺得個 lounge 個裝修幾唔錯。應該都係貫切上程機個商務艙個設計嘅。燈光配合之下好柔和。




咁有啲位就用左沙發。如果一家人坐呢啲位嘅話就真係幾好嘅體驗。牆上面盒都展出左啲書等等。



食物方面我又覺得好過 CX lounge，選擇都幾豐富。略嫌如果佢可以多啲水果可以選擇就好啦。佢中間有個noodle bar，可以叫牛肉麵。

====

由於程台北飛香港嘅A330都比較普通，所以就唔貼啦。總算叫打完呢一次嘅遊記。希望下次想去嘅雪地日本之旅可以一切順利啦！

下次見。

不過最近睇到關於銀杏樹嘅新聞。

https://www.jingugaienmachidukuri.jp/en/
明治神宮外苑之後應該會有翻天覆地嘅變化，隨住再開發計畫，附近體育場館都會移位，而標誌性嘅四排銀杏樹會保留，不過難保景觀會唔會受到體育場館及再開發時會起嘅摩天大廈而受到影響。

宜家狀態就應該係因為一片反對聲音，斬樹工程等未開綠燈。

聽聞今年無左銀杏祭，未 fact check，要去嘅就留意啦。

期待樓主下個遊記