【多圖回帶】葡萄牙西班牙英國 12 天精華遊

老友你又錯 post

開始有火化，再掘個窿埋葬

依個幾特別，女貴族，嗰張凳有對翼口一

覺得似唔似豬呢

羅馬統治之後，文化輸出

依個好搞笑，以前d人驚比人偷錢，就會搵位左塞右塞，然後死左就冇人知，個介紹話好多謝佢地有依個習慣，我地依家先見到

好靚既頭盔

d馬賽克畫好靚



左邊係依個，右邊係個仔，之後既皇帝

完全冇人，唔似意大利

之後最上果層有講依個博物館早期，同展品點黎，主要發掘，拍賣，捐贈，借錢

埃及展就冇特別，我地認知既野，但係大量展品

整體個館可以行3-4個鐘以上，最正又少人又平

吊，次次入完你個post就出事

睇睇吓奇怪無啦啦變咗去西班牙

邊度買？

google個牌子名，之前the one同啟德果個商場有好似

咁都有得 Skip 修道院同葡撻店
不如唔好話比人聽去過 Belém

咁我又真係去過喎

旅行無公式，我有我喺嗰個地方留下嘅回憶，你有你覺得必去嘅地方，都無衝突嘅

有機會再去里斯本就考慮去返啦

離開酒莊繼續行程，巴士駛駛吓去咗個位停低比大家影吓相，全部都係種提子



之後又到咗一個廁所位，一個好細嘅火車站，你都會睇到附近嘅山



下一個行程，沿住 Douro valley 游船河





附近重有得搭類似大飛咁嘅船

游完船河就出發去今日第二間酒庄

https://maps.app.goo.gl/FzzDE9KyMskXak5Z9?g_st=ic



今日全日都陽光普照，可以想像得到點解沿住成條河都咁多人釀酒



然後呢位師兄就會一直帶我哋遊覽酒莊同講解



真係好天得好誇張



實地睇吓啲提子，重係好細粒，應該 8 至 10 月間先收成



然後到重點環節飲酒 不過今次個體驗比較普通，覺得比起喺 WOW 試酒重要略為遜色，所以都無諗住買酒了



最後空手而回上返車搭返出波圖市內，去咗 Majestic cafe 食個 Tea

最後去咗Cantinho do Avillez 食晚餐，算係啲少少 fusion 嘅西餐

https://maps.app.goo.gl/o3L7gb1y8AzHsiWU6?g_st=ic



咁就完結咗波圖嘅最後一日

天氣幾好

輕輕總結一下對葡萄牙嘅感覺

里斯本同波圖比我感覺都好好，主要係喺度遇到嘅人都好熱情有禮，特別係同佢哋講完聲 Obrigado 之後見到佢哋熱情又開心嘅回應，就令我感覺更加舒服～

兩個地方整體感覺都幾安全，唔太會有種玩得好提心吊膽嘅感覺，特別係去到波圖我成個人更加放鬆，好似更融入到呢個城市嘅節奏同步伐；首次去葡萄牙旅行，係個幾唔錯嘅體驗，特別愛上咗波圖嘅浪漫，有機會去歐洲旅行嘅話，不妨考慮吓葡萄牙

呢個月份恰巧日日都勁好天

Day 7

喺波圖食埋個最後嘅早餐就閃人，搭程內陸機去西維爾


喺機場見到


飛咗一陣就到達西維爾，繼續好天


一到埗最 impress 到我嘅係，喺機場度自動門都見到西維爾捧歐霸盃



好少影住宿，但西維爾呢間 BNB 應該都係我自己住過數一數二靚嘅 簡潔得嚟啲佈置都好有品味咁



同波圖不約而同地都有條河景



到埗之後第一個節目就係睇波 貝迪斯對基達菲

開波之前學吓啲 Local 喺附近搵間 Tapas bar 食吓嘢先



好似好地踎，無乜擺盤，但好好食！！！求其食都已經震撼到我，薯仔、蛋，加埋 Ham 嘅油香，飲多杯啤酒，勁滿足

飲飽食醉就行去球場



入 Store 睇吓先



嗰陣陣中唔係認好多球員，剩係認得費基亞



對襪幾靚，唔知係唔係隔籬飯香，覺得人哋啲周邊產品靚過阿仙奴嗰啲好多



行吓行吓就 17:01 分，我即刻開電話諗住睇吓貝迪斯出乜陣，理應一個鐘頭之前就會出陣容㗎嘛，點知我不斷 refresh Twitter 都唔見有 post 喎，不以為然重講咗句「歐洲人懶到陣都唔出」

之後再過多咗陣，見到客隊架隊巴到咗球場 一直以為 18:00 開波嘅我哋，重講笑話 15 分鐘前先到球場？

然後另一半再 check 先發現原來場波係 22:00 開波 佢一直唔知點解記咗係 18:00 開，搞到早咗成 4 個鐘到球場；其實如果 18:00 開，球場附近應該勁多人，我哋一直都無察覺到重要錯怪西班牙人唔出陣，真係失禮晒

唔錯都錯咗，唯有搭返巴士返 BNB 歇下，啲巴士都幾易搭 跟住 Google map 無死



行返 BNB 途中見到有人划艇，有 feel



歇到 8 點零就出去食晚飯，去到歐洲我基本上都幾依賴 Google map review，喺附近搵咗間餐廳試吓



特登坐室外懶有氣氛



到埗食到第二餐，已經感受到西葡食物嘅分別，覺得西班牙嘅嘢食更加精緻，好似好平民嘅餐廳但明顯對每道菜嘅呈現都更加用心，葡萄牙好多餐廳都比較粗糙，唔會有太多層次

劍魚 同 焗白飯魚


呢個好似係呑拿魚



食完餐好嘅，成個人開心晒 之後又要搭返車去球場



九點鐘終於日落，啲時間真係好好用

好明顯而家先係真正開波時間，球場周圍都係人

開波前有少少 light show，夜波限定


主隊 Fing 晒旗


半場 0:0



最後場波貝迪斯輸 0:1，一次角球比人頂入咗




夜晚十點開波都成 4 萬幾人入場，呢個戲碼嚟講算係幾有氣氛了

完場之後差唔多 12 點，車又唔係好 call 到，最後決定踩 E-bike 返 bnb，好彩係電動單車，因為電動都差唔多踩咗半粒鐘，夜媽媽咁喺異國踩車都算幾過癮

西維爾的 Day 1 完

原來貝迪斯都係係西維爾

想問交通Douro valley 游船河
搭船係咪要上網book 定

我直接報 Tour 包埋所以唔知 抱歉

咩tour
可以比個website cc?