【多圖回帶】葡萄牙西班牙英國 12 天精華遊

好耐無寫遊記，人大咗開始覺得有啲嘢確係值得紀錄，有時睇返之前啲遊記都覺得好似重溫返成個旅程一樣，就覺得寫低係幾有價值，等記憶唔好咁模糊

呢次旅程係喺上年 5 月發生，行程大概如下：

17/5 HKG 起飛
18/5 - 20/5 Lisbon 里斯本
21/5 - 23/5 Porto 波圖
24/5 - 26/5 Sevilla 西維爾
27/5 - 29/5 London 倫敦
29/5 LHR 回港

17/5 21:30 機

喺公廁 Lounge 食咗碗魚蛋粉就等上機，飛歐洲幾次都係搭 Emirate，都係要轉機，其實幾辛苦



上到飛機有得睇雲加



最後時間啱有得睇歐聯



飛咗 11 個鐘先先到 Dubai，中途 stop 咗 BKK，應該機票平好多先會咁搞



再喺 Dubai 飛 8 粒鐘去 Lisbon 好彩嘅係喺飛機好似都瞓得唔錯

黎緊11月想去西班牙葡萄牙 lm

一落機喺 BNB 放低行李就直接出去食嘢，食間好似喺 Lisbon 都幾出名嘅海鮮

Cervejaria Ramiro Ramiro

https://maps.app.goo.gl/7MRNTakysS45UFD28?g_st=ic



印象中唔算平，啲海鮮都係幾正路，但唔會話好出色 不過作為第一餐都算係咁，起碼唔伏

之後就出去市中心周圍行吓



5 月都幾舒服，唔會太熱但天氣好好，呢條街馬路兩邊種滿咗一隻紫色嘅花，都幾養眼



然後就途經咗市內其中一個景點，Elevador de Santa Justa 聖胡斯塔升降機

即場買飛搭要 5€，有啲咩 pass 就免費搭，上面好似重有個觀景台，不過呢舊嘢我無乜大興趣，所以行過就算了

之後就行到去 奧古斯塔街Arco da Rua Augusta

應該係 Lisbon 其中一個算幾地標嘅市內景點



呢個拱門其實可以上去，可以俯瞰對出廣場連埋個海景，應該都幾靚，不過嗰陣時冇上到





小插曲係喺廣場鳩行咗陣，嗰陣有個阿叔同佢隻狗玩緊，拋波比佢追咁，然後佢見我對佢隻狗都幾有興趣之後嚟 R 水吹，係咁叫我哋掟波同佢隻狗玩，講講吓叫我哋捐錢助養佢隻狗之類 我哋即刻耍手擰頭





勁多遊客（我），都係喺呢個位影人過馬路

大推

請加速，一樣對升降機0興趣

唔係睇到你都唔會挑起條癮寫

打下打下就有架啦

走嗰陣又見到升降機上層嘅一條通道





五月嘅歐洲時間已經好好好襟用，六點半咁光係基本



啲人嚟香港睇電車或者影電車，香港人去到外國一樣都係睇同樣嘅嘢



呢個應該係 Lisbon 影電車最靚嘅一個 spot 佢哋個城市比較有特色嘅係好多斜路，有少少似中、上環




八點九左右先日落，所以呢段時間食飯唔多唔少都晏咗，無咁早開始食

第一晚伙食

https://www.instagram.com/anossacasa.restaurante

原先睇佢 ig 啲海鮮係有少少期待，但去到好幾樣想食嘅都話冇 可能因為只係卜到第二輪



而家睇返相啲嘢食都冇乜好深嘅記憶點，不過就記得唔係好貴，好似人均 €30 都搞得掂，同埋覺得啲侍應幾熱情好好人，有默默地為葡萄牙人加咗分

然後去旅行一定要發生啲柒嘢，返到 BNB 開門嘅時候唔知扭多咗幾吓定點，入到屋之後個鎖卡住咗 閂唔返度門，情況好似下圖咁



然後試咗好一陣都唔得，唯有搵 Airbnb 個 host 求救，佢都幾有心親自上過嚟望一望，然後梗係都解決唔到



最後要深宵搵鎖佬嚟搞，睇返原來貴撚到要 €95 不過自己柒咗都無辦法，最後搞掂先有覺好瞓

Day 1 完

Lm 嚟緊我都會去呢三個國家 不過同你倒轉 英>西>葡

真心西葡都好正

Lm

Day 2 start

尋晚搞個鎖搞完一輪真係身心俱疲，食個靚早調整心情



食完早餐行經過咗 Pink street


其實就係一條兩邊都係餐廳、酒吧嘅街，我諗夜晚氣氛應該會好好多




之後又行返去影電車條街，睇睇日頭景色咩老環，其實打卡嚟講都真心幾有 feel

多謝支持

有啲貴 €30 係奧地利啲local小小嘅餐廳食到tafelspitz (最貴嘅野食)

我都想呀
諗緊邊度入邊度出
巴打有無咩諗法

行咗陣街之後又決定去醫肚，去咗 Lisbon 其中一個好出名嘅 food court - Time Out market





入面有多過一半係餐廳，重有少部分攤檔都係賣食物，其中一個特別之處就係佢有啲檔口係米芝蓮大廚個名做牌頭，但用平民價錢就食到佢嘅 dish




叫咗一個乳豬同八爪魚沙律，好似 ~ €10 一樣嘢食，真心對得住個價錢，同埋個場都整潔乾淨，唯一真係好多人，係要好似喺香港 food court 咁喺執邊施壓等位的



呢個八爪魚沙律好正，佢哋啲八爪魚真心好食，彈牙唔會韌，食落喉嚨好舒服



之後喺葡萄牙食咗第一件葡撻，佢件葡撻面頭唔夠焦香，酥皮亦都唔夠脆，失敗！得罪講句 KFC 好食過佢

其實葡萄牙食嘢算幾抵食，不過質素就 so so

去到西班牙就覺得啲嘢食再提升咗一個層次

Time out market 出面有啲草地同埋有啲賣濕星嘢嘅攤檔，成個 feel 熱鬧得嚟都幾舒服，唔會擠逼到好辛苦咁，有時間買杯啤喺草地坐一陣都應該幾好


Market 好近車站，所以食完嘢就緊接住就搭火車去 Belém 貝倫區行下



一落車附近就有好多 scooters 同電動單車，決定 download app 整架電動單車沿住海邊踩去景點

踩咗應該大概十分鐘左右，就到區內第一個景點 —— 發現者紀念碑（Padrão dos Descobrimentos）



呢個碑係為咗紀念航海家 Henrique 逝世500周年而起，成舊嘢隊住個海，個感覺好有準備出海嘅感覺



充滿希望嘅感覺



坐咗喺個碑附近望下海，呢個位重會見到 4 月 25 日大橋（遠處橙橙紅紅嗰條）

輕輕一推

上年去過西維爾好正都值得再去

買咗下年4月復活節機票！
西進葡出，氣溫應該唔錯

升降機其實後面係可以行返上去觀景台
唔洗錢