【多圖回帶】葡萄牙西班牙英國 12 天精華遊

因為有次我打打下shutdown左chrome,要重新打就放棄了

其實重可以繼續向前行，但預計睇嘅嘢都差唔多，加上都差唔多夠鐘要去下個景點，就決定走人




總括嚟講覺得個城堡都值得行吓，同埋佢同佩納宮好近，方便可以行晒呢兩個景點

之後就出發去返佩納宮，座落喺山上嘅一座宮殿，排隊入去之前睇外部都會覺得好搶眼




佩納宮目前係葡萄牙國家古蹟同葡萄牙七大奇蹟之一



佩納宮曾經係國王離宮，喺座山度咁樣住確係幾爽，空氣又好又涼爽，心矌神怡



城堡嘅顏色好多對比色，又黃又紅又有啲粉紫色，用色好大膽






門票分咗宮殿 + 花園，同單純花園，我就無入到內部行了，覺得喺出面睇吓都幾夠

可能夠殘，幾有感覺

重要連登周不時 up 圖都會死 都係要有啲耐性

放心唔會爛尾，我慢慢打

點信你

米搞事

失主會唔會捉我錯字？

行完個宮其他景點都收隊，本身有諗過去羅卡角睇日落，但好似太唔方便，如果想比較輕鬆咁去，真係比少少錢包架車好過

出返市區都成 8 點，好餓又無乜特別嘢想食，決定又去返 Time out market 睇吓有乜食



食海鮮 不過不失

Day 3 完

Day 4

準備離開里斯本，原來影低咗呢條使咗我 €95 嘅鎖匙



出發波圖前食埋個最後的早餐



眼闊肚窄嗌咗勁多嘢，質素就正正常常，不過店員就好好人，好主動幫我哋儲存住啲行李先



坐巴士前往波圖



到達之後喺 BNB 下面影出去嘅街道


即刻去醫肚，意外地覺得呢個牛扒包幾好食，個包係好脆嘅豬仔包，入面夾住好多汁嘅牛扒，肉味好夠，加埋塊芝士，估唔到會咁好食

波圖其中一樣嘢我覺得好吸引嘅就係市內絕大部份景點都係步行距離內，好似成日行幾步又有啲嘢睇吓咁

然後食完牛扒包真係行幾步又有個 Church 睇吓咁

https://maps.app.goo.gl/zCUCCmmJT79kt5jd8?g_st=ic







之後轉幾個灣又有另一個 Church，今次係有啲波圖特色嘅 Church，即係外面會有藍色磁磚

https://maps.app.goo.gl/5RARTRyUFqs53Fry6?g_st=ic




喺呢啲街角嘅教堂，就即刻好感受到人在波圖嘅感覺；呢種幾步一個小景點嘅感覺令我開始對波圖產生咗好多好感，因為不停用步行就探索到呢個城市，感覺比較實在又貼地咁

機上免費直播歐聯？ 點解嘅

Sevilla 真係好舒服，黃金塔附近瞓著咗幾粒鐘

Lisbon 最深刻就係食海鮮飯比骨插到嘴成口血

同埋Sintra

Emirates 架機有個台播 live sports，免費㗎

行咗一陣竟然經過咗所謂最靚嘅麥當勞



呢啲吹奏最靚嘅麥當勞基本上都係鳩噏，靚極咪又係麥當勞，到此一遊便可

然後又係徒步就去到下個景點，Porto São Bento 波圖火車站



據講係用咗 2 萬塊瓷磚整成嘅畫展示葡萄牙歷史



車站唔算好大，抬吓頭周圍望吓啲瓷磚，行個圈好快就會睇晒；咁啱有光喺側面射入車站又幾靚



有Tour guide 帶團講緊車站歷史



整體嚟講個火車站幾靚，不過未去到 WOW 一聲

補多兩張相

同感

之後就準備今日嘅重點行程，經過路易一世大橋過對面岸睇日落



大橋分咗上下兩層連接住兩岸，我哋先從下層過對面



喺橋望向右邊就有啲河邊嘅餐廳，很有 feel 嗰隻好大嘅船（？）艦（？），去 Airbnb 嗰程聽 Uber 司機講好似係一連幾日有啲關於軍事嘅節慶所以期間限定咁展出



望向左邊嘅另一個景色



過咗橋了，可以配返句「你在橋上看風景，看風景的人在樓上看你」

補多兩張圖

過橋前



過橋後

喺下層過橋去睇日落嘅壞處就係，要不斷上斜去返上層先會有個靚位睇日落

上到去有個草地，好多人坐喺度等睇日落，亦都有人玩緊音樂定播緊歌，成個環境熱鬧得嚟都好舒服

我就行咗去呢個高位等日落，人少啲不過都佔滿咗個圍欄

https://maps.app.goo.gl/TXcwPW4VQwsBKYd68?g_st=ic



日落終於到





波圖嘅日落，絕對會係其中一個最靚嘅日落，好醉人好浪漫，亦都係呢個日落景色令我覺得波圖好浪漫



當日由 8 點正左右開始日落，成個日落嘅過程接近九個字有多，可以比你慢慢沉醉喺呢片日落。

8:27 pm 嘅波圖，靚到窒息。



睇到差唔多我哋就落返去大橋上層度，沿住大橋走返去對岸

橋上全部都係睇日落嘅人



行到大橋嘅中間



8:45 pm 嘅波圖




咁就玩到夜晚九點，非常滿足嘅睇日落行程，睇到呢個日落景真係 120 分。

Day 5 繼續波圖市內遊覽

朝早去咗間主打健康食物、素食嘅 cafe

https://maps.app.goo.gl/pDJZuVE7K52VHR2z9?g_st=ic



呢個 Shashuka 幾好味，同平時嗰啲唔同，有好多鷹咀豆泥 題外話食食吓我另一半又流鼻血，店員即刻好熱心咁關心佢，葡萄牙人又加一分

之後去咗 Chapel of Souls，外牆嘅藍色畫磚牆更加顯眼，超多遊客嚟打卡（包括我）






最好就係另一個人喺馬路對面幫手影相

真係幾靚

早晨