瘋狂鏡粉大戰食人喪屍

但個想像好好笑

（11）

「喂阿華你有無搞錯呀！失咗業成個月，你仲有心情攤喺梳化碌電話嘅？」

「我啱先做完曬啲家務，諗住hea下啫。」

「好心你唔好淨係識得hea，俾啲心機搵工啦！」

「咁我前前後後都send咗成百幾份CV出去，但份份都無回音，咁我可以點啫？」

「咁你咪再send多百幾份出去囉，實有一份中架！」

自從阿華咬死咗自己個老細，到依家已經失咗業一個月。

佢失業咁耐，佢老婆就哦足佢咁耐。

講真，俾老婆日哦夜哦，呢種感覺真係仲衰過返工對住老細。

「我一早叫你學Ivy個老公咁，考多幾個牌旁下身，增值下自己，咁先唔會俾呢個社會淘汰，但你就成日懶懶閒，淨係識得打機、碌連登，家下搞到連工都搵唔到，真係無鬼用！」

阿華俾老婆省到一棟都無，條氣chok住chok住，

而就喺呢個時候，窗外傳嚟一陣歌聲：「焫著焫著焫著焫~著」

佢地屋企位於低層而且對住馬路，時不時都會聽到汽車駛過嘅聲音。

依家就有架鏡粉嘅車，用喇叭好大聲咁播住鏡嘅歌。

「喂你棟喺度做咩呀！出面咁嘈，快啲閂窗啦！嗰陣我都叫你唔好貪平買低層架啦，你睇Ivy佢地買到三十樓咁高，都貴幾十萬渣嘛…」

「Rauuughhh！！！！！」

阿華一秒之間變成喪心病狂嘅喪屍。

佢咆哮一聲，對住自己老婆飛擒大咬。

「死佬你做咩啊！」

「Rauuughhh！！！！！」

阿華變成喪屍之後，淨係識得咆哮，但佢心入面其實係講緊：「仆街死啦八婆！」

佢將老婆撲跌喺地下，然後擘大口，對住對方個鼻，一啖咬落去。

「啊！！！」

佢老婆成個鼻俾阿華咬甩咗出嚟，流出嘅鮮血噴曬落阿華塊面度。

從結婚嗰日開始，直到近排失業，基本上每一日對住老婆都係家嘈屋閉，阿華呢啖氣忍咗咁耐，今次佢終於都可以一振夫綱！

「Rauuughhh！！！！！」

阿華怒喝一聲，心諗死八婆我忍撚夠你啦！

之後佢哄個頭埋去，對住對方條頸係咁咬，最後就鑒生咬死咗自己老婆。

然而呢刻變成喪屍嘅唔止阿華一個，仲有佢個friend兼舊同事志偉。

志偉見見下工，突然變成咗喪屍。

「戴志偉先生，你覺得我地公司點解要請你？」HR部一名中年女員工同志偉面試。

「過去幾年，我一直都從事同銷售相關嘅工作，所以有絕對足夠嘅經驗，同埋我過往嘅業績都唔差，有我嘅加入，一定可以幫貴公司爭取更多生意…」

「咁你介唔介意OT架？因為我地公司其實都幾忙幾多嘢做，有時啲嘢做唔曬，我地啲同事都會主動留喺度加班。」

「我個人唔係好介意OT，不過我想問如果OT嘅話，會唔會有OT錢補呢？」志偉問。

「我地公司OT就無補水嘅，不過如果你工作表現好嘅話，年尾都會有花紅嘅。」

「無補水…」

「如果你唔ok嘅話，咁都無所謂嘅。係啦，陣間我仲有其他candidates要見，不如呢個面試就到此為止啦好嗎？」

志偉聽到對方咁講，心入面就知今次面試又衰咗。

正當佢準備起身離開座位之際，office所位處嘅商業大廈其廣播系統，突然俾鏡仔嘅歌聲「焫著」咗。

「焫著焫著焫著焫著焫~著」

古有將領聞歌起舞，今有常人聞歌變喪屍。

「Rauuugghhhh！！！」

喺一瞬間之內，志偉俾呢首歌焫著咗，變成喪屍。

佢一嚟就住捉住個女HR隻手，然後擘大口，用牙撕開對方手臂嘅肉。

「啊！！！」

個女HR發出極痛苦嘅叫聲，並不斷咁用力掙扎。

志偉隻手一時捉唔實，結果俾對方用腳一下踢開咗。

個女HR成功甩身後，佢掩住受傷嘅手臂，衝出會議室。

滿口鮮血嘅志偉，第一時間從會議室追出去。

Office內嘅其他員工見到佢地全身血淋淋，全部都驚到匿埋曬。

女HR一路流緊血，一路亡命狂奔。

佢用平生最快嘅速度，衝出公司門口，再經後樓梯從五樓跑到落地下，以為咁樣就可以甩難。

殊不知落到樓下，第一眼佢就見到有兩條死咗嘅差佬，攤咗喺地下。

同時間，佢聽到四周圍都播緊鏡嘅嗰首《焫著》。

之後佢再環顧四周，見到一街都係喪屍，追啲人通街咬。

「啊~~唔好咬我啊~~」

喺距離女HR二十米嘅路邊，就有一個軍裝警察俾兩隻喪屍㩒喺地下，咬斷曬啲手手腳腳。

另外，對面街又有三個地盤佬，俾五個著住中學校服嘅學生哥追住嚟咬。

面對住眼前一片混亂又暴力嘅場面，個女HR嚇到腳到軟埋，心諗究竟發生咩事？

而就喺下一秒，一個拎住「Pandaroo」外賣袋嘅喪屍，從後撲跌咗佢。

個女HR嚇到大叫咗一聲，成個人仆落地下。

至於呢隻攞住外賣袋嘅喪屍，正是失業之後去咗做外賣仔嘅Eric。

啱先佢喺附近送送下外賣，聽到首歌，於是就變咗喪屍。

Eric就好似一隻餓咗三日嘅豺狼，撲上去女HR面前，捉住對方條頸嚟咬。

呢個時候，志偉亦都從樓上追到落嚟樓下。

大家一場舊同事，當然有福齊齊享，志偉圍埋去同Eric一齊分屍，隊冧咗個女HR。

平時呢啲濕鳩HR成日問埋啲濕鳩問題，刁難啲見工人士，根本死不足惜。

Eric同志偉好開心咁享用緊個女HR，但開講有話「螳螂捕蟬，黃雀在後」，突然間有一條大繩網從天而降，將佢地兩個完全包圍。

下一秒就有大約十個鏡粉，衝上去圍毆佢地。

呢班鏡粉之中有煙傾、何b仔同埋洛克人嘅粉絲，佢地一路逐條街逐條街咁消滅喪屍，啱先搞掂咗隔籬街，依家就嚟到呢條街。

佢地十個人分別揸住鐵鑊、砧板、水喉通仲有士巴拿。

佢地當正Eric同志偉係殺父仇人，出盡力係咁毆。

雖然佢地啲武器無槍火大炮咁猛，但勝在出手夠狠，而且又夠疊馬。

俾十個人圍住嚟砌，Eric同志偉根本無還手之力。

佢地十個人二十隻手，一人打一下都足以令佢地收皮。

「嘭！」「嘭！」「嘭！」「嘭！」

班鏡粉一路打，Eric同志偉啲血就係咁標。

結果佢地兩個最後就俾呢班鏡粉，大大力圍毆至死。

樂觀啲咁睇，佢地啲喪屍嘅痛覺比正常人弱，所以死嘅時候雖然頭破血流，但應該唔係好痛苦。

而且對佢地嚟講，死又未必係一個悲劇，至起碼以後佢地都唔使再為搵工而感到煩惱。

搞掂完兩隻喪屍，呢十個鏡粉繼續出擊，對付埋呢條街其他嘅喪屍。

老實講，鏡粉最大嘅優勢係佢地人夠多。

就算佢地大部分人都只係個師奶仔，但所謂「蟻多嬲死象」，幾十萬個鏡粉對住十幾廿十萬隻喪屍，人數可以話佔據絕大優勢。

再加上佢地出手果斷，又快又狠又準，啲喪屍真係俾佢地打到走夾唔抖。

當中講到最狼死嘅fan屎，應該就要數到方濟各。

其他鏡粉仲用緊菜刀、鐵通，佢地方濟各已經出動埋爆炸品。

佢地買咗一箱又一箱嗰啲打邊爐用嘅細細樽石油氣罐。

只要加條引再點火掟出去，咁就會BOOM一聲爆炸，而且威力相當驚人。

之前啲人話「寧得罪女人，莫得罪鏡粉」，呢句說話真係講得無錯。

成千上萬個方濟各，聚集喺灣仔至金鐘一帶，佢地一路Boom Boom Boom，見到喪屍就炸，炸唔死就用棍或者用刀，Bang Bang Bang猛烈攻擊喪屍個頭。

總之啲喪屍唔死就打到佢死為止。

今日到此，聽日應該埋到尾

推一推

佢地十個人分別揸住鐵鑊、砧板、水喉通仲有士巴拿。

佢地呢班人當正Eric同志偉係殺父仇人，出盡力係咁毆。

雖然佢地啲武器無槍火大炮咁猛，但勝在出手夠狠，而且又夠疊馬。

俾十個人圍住嚟砌，Eric同志偉根本無還手之力。

佢地對方十個人二十隻手，一人打一下都足以令佢地收皮。

「嘭！」「嘭！」「嘭！」「嘭！」

班鏡粉一路打，Eric同志偉啲血就係咁標。

呢篇啲代詞用得有少少亂，稍微改一改

寧得罪女人，莫得罪鏡粉

點解你一日比一日短？

之前有存貨所以先出得快啲

屌你，有咁畫面

太撚好笑, 多謝樓主

megahit

留名

最緊要大家鍾意

以為會嗌一聲 明禎….

2分鐘

依家班鏡粉殺得性起，成個香港家下七國咁亂。

眼見情況越嚟越失控，政府當然唔可以坐視不理。

特首下令所有紀律部隊，包括懲教、海關等全力出動，連同警隊組成特別行動部隊，務求用盡一切手段都要平息呢次嘅「鏡粉喪屍大亂鬥」。

而喺特別行動部隊正式出動之前，街上面只係得一班軍裝警察應付鏡粉同喪屍。

平時啲軍裝警察都係行下咇，簽下簿仔咁，從未遇到呢啲咁嘅場面。

佢地個個手騰腳震，對住鏡粉同喪屍完全束手無策。

譬如就喺灣仔298電腦特區對出嘅軒尼詩道一帶，有十個軍裝警察，嘗試阻止一班方濟各同喪屍。

當中五個警員企喺馬路中心，用槍指住二十幾個方濟各，並且喝止對方停手。

「你班死差佬無腦架？竟然攞槍指住我地，而唔係同我地一齊對方喪屍！」其中一個揸住石油氣罐炸彈嘅方濟各，好激動同五個差佬講。

「呢壇嘢係你地班鏡粉搞出嚟架，我地勸你地快啲停手！」警員A勸告對方。

「無錯！如果你地再唔停手，咁就咪怪我地唔客氣。」警員B作出警告。

見到自己俾人用槍指住，班方濟各一時間都唔敢輕舉妄動。

喺同一時候，另外嗰五個差佬就負責對付喪屍。

喪屍嘅數量唔算好多，大概得十二隻左右。

嗰五個差佬舉起槍對住班喪屍，不斷「砰砰砰」咁開槍。

但如果要徹底殺死啲喪屍，咁最好就係爆頭。

問題就係，呢班差佬騰曬雞，手震腳震，根本連瞄準都瞄唔到。

砰砰砰砰砰砰砰—

佢地每人開咗十幾廿槍，但一隻喪屍都辣唔低，最後仲反過嚟俾班喪屍包圍。

「啊！救命啊！」嗰五個警察俾班喪屍圍住嚟咬，發出痛苦嘅求救聲。

警員A同B以及其餘三個警察，見到同袍有事，立即調轉槍頭對付喪屍。

結果佢地一擰轉身，嗰廿幾個方濟各每人揸住支石油氣罐，點起藥引，然後掟出去。

Boom！Boom！Boom！

成條軒尼詩道火光四起，班差佬連埋班喪屍一齊俾炸到飛起！

除此之外，路上面嘅車同埋地下嘅石屎地，都俾啲石油氣罐炸彈，炸到蓉蓉爛爛。

呢一刻喺呢段軒尼詩道，瀰漫住爆炸後嘅硝煙。

路上面有一堆被炸毀嘅汽車、血肉模糊嘅屍體，以及一堆分唔清係喪屍定係警察嘅斷手斷腳。

「Rauggghhhhh！！！」

附近嘅喪屍聽到爆炸聲同埋聞到濃烈嘅血腥味，紛紛被吸引嚟到呢條軒尼詩道。

班方濟各一見到喪屍就掟炸彈，Boom Boom Boom炸到啲喪屍血肉橫飛。

然而無論啲石油氣罐有幾多都好，數量始終都有上限。

佢地係咁炸係咁炸，慢慢就用曬啲石油氣罐。

更大獲嘅係啲喪屍keep住係咁出現，人數唔單止無少到，兼且仲越嚟越多。

每一隻喪屍嘅身上都沾滿鮮血，目露兇光，猶如一隻隻飢餓嘅豺狼。

見住自己俾呢班可怕嘅喪屍重重包圍，班方濟各無所畏懼，擸起架撐就同班喪屍死過。

「為咗教宗，姊妹們我地一齊上！」

方濟各對教宗嘅愛超越咗恐懼，令佢地心中充滿無比嘅勇氣。

只可惜，有愛同勇氣唔代表夠打。

當啲喪屍越嚟越多，數量超過五十隻，嗰班方濟各雙拳難敵四手，完全抵擋唔住敵人嘅攻擊。

佢地廿幾個人招架唔住，漸漸被吞沒喺密密麻麻一大堆喪屍群之中。

當大家都以為呢班方濟各會全軍覆沒之際，突然間，有一架車身印有薑毛大頭相嘅貨車，撞開曬路上嘅障礙物，以時速過百嘅速度鏟入人堆，一嘢撞散曬班喪屍。

隨即，貨車上面三、四十個老薑，兵分兩路。

一班行落車負責分散啲喪屍嘅注意力，另一班就夾手夾腳，將受傷嘅方濟各搬上貨車嘅車廂。

雖然平時佢地兩派人互相敵對，但面對共同嘅敵人，佢地選擇暫時放低恩怨，互相幫忙。

對比起方濟各嘅猛烈轟炸，班老薑對付喪屍嘅方法就有少少唔同。

佢地知道班喪屍鍾意用口咬人，於是預先剪好一pack超強力牛皮膠紙。

未等喪屍埋嚟，班老薑主動衝過去，快手快腳將啲膠紙黐落啲喪屍個嘴到。

嗰啲牛皮膠紙黏力非常之強，一黐咗上去就唔係咁容易搣得甩。

班喪屍俾人蒙住個嘴，擘唔大個口，想叫又叫唔到，想咬人又咬唔到，一下子變成咗「無牙老虎」。

然而班老薑並無對呢班「無牙老虎」作進一步嘅攻擊，反而同心合力將受傷嘅方濟各搬上車廂。

當救曬所有人之後，架貨車就即刻開走。

「焫著焫著焫著焫著焫~著」

架貨車一路開，車頂嘅喇叭就一路咁播住《焫著》，個聲量覆蓋到隔籬兩條街都聽得到。

軒尼詩道上嗰五十幾隻喪屍，一邊用手搣開啲膠紙，一邊追住架貨車。

架貨車嘅車速其實並唔快，一嚟係因為前面有唔少死咗火嘅車擋住去路，二嚟係班老薑故意開到咁慢。

後面車廂道門無閂埋，一班方濟各見到啲喪屍追得咁近，就問班老薑點解唔開快啲。

其中一個老薑就話：「呢個係我地嘅策略，我地要引多啲喪屍過嚟，越多越好。」

跟住，有幾個老薑主動行出去車廂邊緣，用刀𠝹到自己手掌流血，然後再伸隻手出去，用啲血腥味吸引更多嘅喪屍出現。

佢地一路揮動流血嘅手掌，一路沿途大叫：「你班喪屍快啲過嚟啦！快啲過嚟咬我地啦！」

「Raugghhhh！！！」

附近啲喪屍聞到啲血腥味，又真係俾佢地引到埋嚟。

而阿華就係其中一隻俾吸引過嚟嘅喪屍。

佢本身住喺灣仔呢頭，咬死自己老婆之後，佢就離開咗屋企。

出到街佢繼續覓食，見人就咬，之後聞到啲血腥味，就衝埋嚟追住架貨車。

架貨車雖然行得慢，但始終保持住同喪屍一段十米左右嘅距離。

喺灣仔兜咗一陣，然後架車再兜返出軒尼詩道，慢駛至銅鑼灣。

沿途不斷都有喪屍加入，數量慢慢由五十幾隻變成一百隻，由一百隻變成二百隻再到三百隻。

好混亂 居然有跌電視

有過上一次喪屍爆發嘅經驗，其實大家都知道，對於呢班喪屍嚟講，最大嘅敵人唔係鏡粉、唔係警察，而係時間。

只要佢地唔再聽到或者接觸到嗰首《焫著》，咁一個鐘之後就會打回原形，變返一個正常人（唔計死咗嗰啲）。

因此，特別行動部隊喺收服嗰班鏡粉嘅同時，最重要就係cut曬所有音響、喇叭播放嘅音樂。

第二樣嘢佢地要做嘅，就係將班鏡粉同喪屍分隔開。

今次特別行動部隊囊括所有紀律部隊，所以有足夠嘅人力物力應對。

只但係，班鏡粉非常頑強，死都唔肯就範，就算冒住催淚煙同埋衝鋒槍都要反抗。

為咗令呢幾十萬鏡粉冷靜落嚟，一班鏡仔主動出面勸告。

喺幾名行動部隊成員嘅護送下，經理人草草帶住煙傾、何b仔、洛克人、老虎機、法蘭基、赤柱、遮米、Alton呢八個鏡仔，一齊行出嚟公開呼籲所有鏡粉冷靜，唔好再做出傷害人又傷害自己嘅事。

「…我知道大家好愛錫我地，唔想我地解散、唔想我地離開，但同樣地，我地全部人其實都好愛你地，所以我地都唔想見你地有任何人流血、受傷，喺度我代表我地咁多個人，懇請大家放低心中嘅不忿，停手唔好再打落去。」

洛克人以隊長嘅身份，代表成隊鏡發言。

佢講完之後，跟住就輪到草草。

「收手啦你地！薑毛、教宗、雀巢安同埋I仁就係俾你地班嘢累死架！你地班弱智鏡粉叫曬啲喪屍出嚟，搞到佢地全部人俾啲喪屍整死曬！我唔該你地好好反省下啦！」

望住個直播，得知薑毛、教宗、雀巢安同I仁嘅死訊，所有鏡粉都嚇咗一跳，感到十分愕然。

「拿！有相為證架！佢地冚唪唥死q曬，全部係俾你地班鏡粉累死架！」

草草對住鏡頭，展示出薑毛、教宗、雀巢安以及I仁嘅死亡照片。

雖然草草將呢四個人嘅死，歸咎於係班鏡粉叫曬啲喪屍出嚟，但嚴格嚟講，除咗I仁之外，薑毛、教宗同雀巢安嘅死，其實唔係好關呢班消滅喪屍嘅鏡粉事。

首先，雀巢安係俾薑毛喚醒嘅三隻「老薑屍」咬死嘅。

而薑毛本人同教宗就係喺酒店嘅會議室困獸鬥，結果兩敗俱傷，同歸於盡。

從草草提供嘅相片中見到，薑毛同教宗用「69」嘅姿勢攬埋一舊，互咬而死。

圖片中仲見到三隻「老薑屍」包括Amy，同埋三隻方濟各喪屍，以及一班私追fan屎都一齊攬炒陪葬。

一mon打盡不過為咗呢個情節，算係弱化咗啲喪屍

見到偶像嘅「死樣」，一班老薑同方濟各仲有雀巢安嘅歌迷，即場放低武器，大聲爆喊。

「嗚嗚嗚~我地害死咗薑毛啊~~」

「教宗死咗，我都唔想做人啦~嗚嗚嗚~」

「雀巢安三十歲都唔夠，咁就去咗，佢真係好慘啊~~」

呢班鏡粉喊到飛哩啡呢。

草草將責任推卸曬俾佢地，就係要等呢班人覺得內疚，令佢地即刻停手，唔再反抗、唔再對付喪屍。

老薑同方濟各兩大陣營都收咗手，其他鏡粉都陸續放棄唔再反抗。

好快時間就過咗一個鐘，所有喪屍逐漸回復正常。

佢地反白嘅眼球，變返正常嘅瞳孔，身上暴現嘅青筋開始慢慢變淡。

最重要係佢地恢復返常人嘅理智，唔再亂咁咬人攻擊人。

幾經波折，終於搞掂曬班鏡粉同喪屍。呢次「鏡粉喪屍大亂鬥」總算都告一段落。

然而喺呢次事件之中，全港有超過一萬人受傷，三千人死亡。

事後有部分鏡粉更加要負上刑責，需要賠錢兼坐監。

呢單嘢搞到咁大獲，損失慘重，政府為免同類嘅事件再發生，首先主動推翻咗全民公投嘅投票結果。

然後特首頒佈法令，強制所有鏡仔退出娛樂圈，不得再參與任何演藝工作，並且勒令其附屬公司喺五年之內不得從事娛樂工作。

咁即係話，唔單止鏡仔無得撈，就連佢地經理人同公司都一齊收皮。

仲有就係，以後出道嘅歌手必須要經過嚴格嘅歌唱訓練，獲得專業認可先能夠出道。

呢個措施可以確保以後啲歌手唱live，唔會成日走音，對我地觀眾都算係一件好事。

無咗喪屍之後，社會終於都恢復返平靜。

另外有三個人就特別開心，開心到要約埋一齊飲酒慶祝。