Anson Lo 今日(18日)與Edan 、Jeremy 現身澳門酒店水上樂園音樂節時,3子唱足一小時,最後仲拎起水槍周圍射,十分High。完騷後,Anson Lo 亦有就被嘲笑一事回應,他認為網絡上每個人都有言論自由。「大家喜好各有不同,我諗唔同嘅舞種,唔同國家會跳唔同舞種,都係互相尊重,任何評論都對自己有幫助,有用嘅評價都會好似平時咁一樣接受。」Anson Lo又謂未有因而感到不快,而自己已經出道5年,各式各樣嘅評價都見過唔少,所以冇太大感覺。而對於蘇豪、游學修於直播中承認拿捏不夠好,Anson Lo認為事件可告一段落。「我嘅感受唔係最緊要,而係我嘅fans對呢件事有咩感受,唔想大家因為呢件事而嘈交,最緊要都係互相尊重。(豪哥擔心你)我OKOK 呀。」