一手居屋/綠置居/首置盤討論 - 28

消息透露，房委會計劃在新一期居屋調整揀樓安排，改以每個新居屋項目的單位數目為計算基礎，即代表各個居屋項目均各自設有讓「家有長者」和「家有初生」、及白表一人申請揀樓配額，以免「家有長者優先選樓計劃」者一次過選購個別受歡迎項目的單位，意味白表一人申請者比以往有較大機會選購熱門項目單位。有關建議今日提交房委會資助房屋小組討論。

房委會將於「居屋2024」起實施「家有初生」優先配屋計劃，若家庭有去年10月25日或之後出生，並在截止申請時為3歲或以下的幼童家庭可優先揀樓。今次亦會為「家有長者優先選樓計劃」及「家有初生優先選樓計劃」，預留2900個單位配額，但會是各項目單位約四成；另各項目一成單位則預留予一人申請者，即約700個單位。

消息指，房委會留意到過往居屋揀樓時，「家有長者優先選樓計劃」的家庭申請者傾向選購較受歡迎項目的單位，為讓各類別申請者有合理機會購買不同項目單位，建議改善配額分配安排，改為按每個新居屋發展項目的單位數目為計算基礎，設定各項目的配額。新安排下，若某一項目的「家有長者優先選樓」或「家有初生優先選樓」的配額用盡，申請者就要改為選擇其他項目的單位；若個別項目的「家有長者」或「家有初生」配額未用盡，則會撥歸「其他家庭」的申請者。

至於若「家有長者」或「家有初生」申請者未能取得配額，就有機會列入「其他家庭」類別下購買單位。

私樓蝕得仲甘

日月報話今次引入quota制

變左無長者無初生，連新界2房都買唔撚到

又係招生D屎橋

應該行13分鐘左右

而且會出現一個情況
就係長者/初生想買啟德
但無哂配額
佢地就放棄
等到家庭隊先買

咁樣變左其實長者/初生最後可能買左5-6成單位

搞到咁煩做咩
不如跟房協做法
5個一組
每組有不同組別
一人申請者、二人家庭唔可以買最大呎數單位

啟德果個近唔近mtr

5分鐘

好近，宋皇台A出口一出就係

到月台上埋車

嘩 不得了

但自住黎講呢個價都買唔到啟德私樓兩房

咁如果變得8折
出面個市都跌多15%

油塘>觀塘>啟德>東涌

屯門？

一人唔可以買大單位就講得通，但二人點解唔比，要生仔住邊

最大呎數即係有套廁嗰款單位
不過房協好似無限二人
淨係限一人
我都係講下

湖山路個位仲吸引過安達臣

你個諗法係行得通，結咗婚兩個人反而應該更優先㨂大單位，安居樂業先至會諗埋生小朋友呢啲多餘嘢。不過會犧牲咗生咗小朋友嘅家庭，同埋會激化社會上嘅不公平嘅現象（即係做多錯多，所以只能按本旨辦事，最緊要出糧準時）

至於單身入息上限三萬就真係冇㨂大單位嘅必要性，浪費資源。

位置唔算輸兆翠好多

觀塘安柏苑 建議售價 177萬至373萬港元
420伙 (長者/初生配額：168伙，其他家庭配額： 210伙，單人配額：42伙）預計關鍵日期為2025年3月31日

啟德啟盈苑建議售價 143萬至467萬港元
1736伙 (長者/初生配額：694伙，其他家庭配額： 868伙，單人配額：174伙）

油塘高曦苑建議售價 255萬至394萬港元
864伙 (長者/初生配額：346伙，其他家庭配額： 432伙，單人配額：86伙）

屯門兆湖苑建議售價 156萬至324萬港元
2768伙 (長者/初生配額：1107伙，其他家庭配額： 1384伙，單人配額：277伙）

東涌裕興苑 建議售價 151萬港元至345萬港元
1344伙(長者/初生配額：538伙，其他家庭配額： 672伙，單人配額：134伙）

共7132伙 （另有北角驥華苑7個單位、啟德啟欣苑14個單位）

但報導話長者/初生配額有2900， 而唔係上面2853
估計房署會扣減家庭配額令條數齊頭

啟德仲有180呎？
最平個單位仲平過東涌….