用過兩部無線吸塵機, 真心問, 真係咁好用?

我自己對上用嗰兩部係直立式無線(印象中無線好似得直立式), 而且用緊有線直立式.

無線吸塵機最多人講既缺點,就係電量.本人覺得呢個缺點係致命性, 亦係到今日都解缺唔到, 如果可以完全解缺呢個問題, 無線吸塵機就接近完美.
用過無線吸塵機既人都知, 佢通常有兩種吸力比你選擇, 一種係正常MODE, 另一種係冇奶力MODE.
如果我用冇奶力MODE去吸, 可以話係冇事搵事來做, 吸一條頭髮, 我係可以睇住條黑色物體慢慢爬入去個吸咀口度,
正常既吸塵機, 吸條頭髮理應係迅雷不及掩耳, 由開始到吸入之間既Frame Rate, 人類肉眼係睇唔到, 咁先叫合格.
用冇奶力MODE既唯一原因,就係怕唔夠電用. 好多品牌列出既所謂最長連續使用時間, 好多時都係按呢個冇奶力MODE計算,望起來幾OK, 但實際係點?
以我用過兩部同樣係D牌既無線吸塵機既經驗, 全新計你可以正常MODE用到45分鐘己經可以當贏, 我係你就即刻打卡上埋小紅書.
以每日吸地一, 兩次來講, 頭半年約莫連續使用30分鐘左右(正常MODE計), 半年後基本已經少過30分鐘 ; 一年幾未到兩年, 隨時可以退化到15到20分鐘甚至更少.
最記得我第一部用到第三年多啲, 充滿電係可以5分鐘都挨唔到, 每次吸地都要同佢比賽鬥快.
而最麻煩係, 仲要等佢充電先可以再用.
我最唔明, 如果冇晒電, 即使我退而求其次, 想插住電線去用都唔可以. 佢唯有只能夠等電池充好電先可以再次使用. 唔知係咪安全問題?
當然, 香港地平均400到800尺豆潤地方, 熟手吸地基本15分鐘內都可以搞掂.
但開做家務既人都知, 吸塵機唔係只用來吸地, 當你打算來個大清潔, 吸下門邊枱邊梳化之類, 仲有啲平時唔會點理既黑點, 你就體會到電量呢個問題.
另一個比較另類既用法, 就係有唔少用來放衣物床舖之類既真空壓縮袋, 需要用吸塵機吸走裡面既空氣, 但至少我用嗰兩部無線吸塵機, 係唔夠力吸到最尾.


另一點, 以同為直立式計, 有線重量都比無線輕

始終無線吸塵機內置電池, 電池容量越大重量就一定越大. 以我而家用緊一個直立式有線吸塵機同之前用既同款無線吸塵機比較, 有線重量係輕左一半.
印像中, 唔少無線吸塵機既廣告, 好多時都會有一段片, 描述一個USER(通常係一個瘦瘦地既鬼妹), 好輕鬆自在咁, 單手攞住部野上吸下吸左吸右吸, 又舉手又扭腰, 仲要環迴轉身好ENJOY.
然而各位師奶大哥你又試下好似條女咁玩,? 就當你做得到, 唔夠一個月你應該都手瓜起墊. 按此推論, 如果換部輕一半既有線直立款, 你甚至可以成套獨孤九劍舞出來.

講返有線既缺點, 其實來來去去得一個, 就係條線.

雖然聽落好似無乜野, 但自己用緊都覺得條線比想像中煩,
其實我唔係好介意吸地過程中, 要搞下條線, 避開啲家具, 甚至有時候要換個另一個插口(雖然佢聲稱條線有六米長)
但有經驗既人應該知道, 條線用得耐係會扭下扭下自己打埋圈, 搞到好難拉直, 需要耐唔耐去放鬆佢.
而放置又係一個問題. 能夠有彈力回收電線功能既吸塵機, 都係有一舊車仔阻住地球轉既傳統款式.
直位式(即係我而家用緊呢部)唔知點解都冇回收電線既功能, 或至少我未搵到. 所以唔用既時候, 條線(仲要成六米)就堆埋一齊, 有潔癖既USER會晚晚發惡夢.

總結, 我之前用過兩部無線吸塵機, 其實都係我老婆主張要用, 我自己係屬於無乜所謂既人(本來), 但用過兩次, 最後連我老婆都過唔到電池一關. 之後換左部有線用到而家.


以價錢計, 兩部無線AROUND 4 -5K一部, 而有線呢部800有找.

TLDR

無線雖然好快冇電
但其實一次都唔會吸好耐
只要用完擺返落去差電基本上都唔會有問題
等於有線吸塵機你用完都會收納返

而且如果你有車既話無線仲可以幫手吸埋車既垃圾
呢樣係有線難做到
除非你有自己既車房

老實講，買吸塵紙掃地仲乾手淨腳，反正都係屋企行一圈，掃完就掉唔使煩。

用左lg連塔個隻兩年
真係無投訴

真，用過兩隻無線又唔夠力，粒電又快玩完，完全係電子垃圾，有線除咗條線真係完勝

P記都好用，用左2，3年電量都冇變過，家下去行下街，都搵唔返同型號

好撚多錯字 cls

無線與有線吸塵機的比較與總結
根據用戶的經驗，無線吸塵機和有線吸塵機各有優缺點。在這裡，我們將總結這些優缺點，以便更好地了解哪一種吸塵機更適合家庭使用。

無線吸塵機的優點和缺點
優點：

便攜性高：無需電線限制，使用起來更加方便，可以輕鬆移動到各個房間。
靈活性強：適合清潔家具底部、樓梯等角落位置。
缺點：

電量問題：電池續航時間短是無線吸塵機的一個致命缺點。很多無線吸塵機的正常模式下連續使用時間不超過30分鐘，半年後電池壽命會減少。
吸力不足：在低功率模式下，吸力不足以有效清潔，需要經常切換到高功率模式，進一步減少使用時間。
重量較重：內置電池使得無線吸塵機的重量較重，長時間使用會增加手部疲勞。
有線吸塵機的優點和缺點
優點：

吸力穩定：無需擔心電池問題，有線吸塵機的吸力穩定且強大，可以有效清潔各種地面和角落。
重量較輕：由於無需內置電池，有線吸塵機的重量相對較輕，使用起來更省力。
長時間使用：可以長時間使用而無需中途充電，非常適合大範圍清潔或深度清潔。
缺點：

電線限制：使用過程中需要處理電線，避免纏繞在家具周圍，有時需要更換插座，略顯不便。
儲存不便：電線容易纏繞，需要花時間整理，部分機型沒有自動收線功能。
綜合總結
無線吸塵機雖然便攜靈活，但其電量和吸力問題仍然是致命缺陷，特別是在進行深度清潔時。相比之下，有線吸塵機雖然在使用過程中需要處理電線，但其吸力強大、使用時間長且重量輕，更加適合長時間使用和大範圍清潔。因此，對於需要進行大範圍清潔或對吸力要求較高的用戶，有線吸塵機會是更好的選擇。而對於日常簡單清潔和需要靈活性的用戶，無線吸塵機則可能更加合適。

價格對比
根據用戶的經驗，無線吸塵機的價格大約在4-5千港幣，而有線吸塵機的價格則約為800港幣。從經濟角度考慮，有線吸塵機顯然更具性價比。

最後的建議
對於經常需要進行大範圍清潔和對吸力有較高要求的家庭，用戶建議選擇有線吸塵機。而對於希望便攜靈活、日常簡單清潔的用戶，無線吸塵機可能更符合需求。不過，需注意無線吸塵機的電池壽命和吸力問題，選擇時應根據實際需求和使用頻率進行權衡。

Sorry 囉

用過無線好快會想用返有線，寧願駁條線長 d 好過

真心有線吸力大好多,係佢後面果托野麻煩

唔係Dyson，梗垃圾喇

無線吸塵機係要配埋個絞頭去用
靠個絞頭刮晒啲塵入去先吸去集塵筒

普通吸塵機你唔靠個刷去刷起啲塵，單靠吸力都係贏唔到靜電

講咁多 牌子又唔提 model又唔提
吸塵吸半個鐘 樓主屋企都幾大

有線大部d 仲要拉多架車仔
而條電線長度又未必cover你全家

有條線LUN住死症黎

同著完孖煙通著唔返三角
用過無線mouse用唔返有線一樣

硬係覺得有隻手扯住你同你鬥力 好束搏

1000尺都唔使半個鐘
真係唔知樓主點用

我之前兩部都係佢

有冇睇晒編文？

你篇文垃圾堆填區咁好意思問人有冇睇哂

屋企現役有三部
完全解決你所講嘅問題

用掃把重好，夠曬靈活性，邊位gap 位都冇難度，又輕身

你屋企天橋底咁大塵日日都要吸？
你不如諗下係咪有源頭問題
btw 其實可以去換電

用LG or Samsung
佢地有係可拆式電池
冇電就換過粒
壞電就買過粒

睇佢個樣連螺絲批都未撚識揸