[中亞高加索探險系列2] 哈薩克斯坦100小時亡命之旅 [2023]

Day 11 係Kolsai Lake扯旗

呢個團其中一個重點係Kolsai Lake，宜家呢到係一個國家公園保護區，得13%係開放比遊客參觀。一入到嚟會見到天文觀察站同埋比遊客住嘅蒙古包。


園區門口有酒店同蒙古包



園區去到湖之前嘅山區景色

架車係湖區嘅頂部放低我地，咁導遊都介紹下Kolsai Lake。Kolsai Lake其實有3個湖，宜家見到呢個係第一個湖。我地身處係海拔1800米，第二個湖係海拔2250米，而第3個湖係2750米，即係要行幾個鐘山先去到個種。 所以通常啲團都係行第一個湖，除非玩兩三日團就有機會行上去第二三個湖。

呢到夏天湖水係攝氏單位數溫度，冬天呢度凍到攝氏零下度數會結冰。啲湖水係藍綠色係反射左啲針葉嘅顏色，同埋融冰時候結合而成，呢隻色係湖水非常少污染先有。

係門口坐車十分鐘上山就到Lake 1


等開工的鷹

呢到算係旅遊區，咁就有個平台，上面有部360度旋轉嘅cam，有條友會比支哈薩克國旗你拎住影啲效果相，好似個啲特別photo booth咁幫手影效果相之後要你收錢買相個啲。我地有個團友係booth拎住支國旗上左去影，不過與其要佢啲相，係後面影佢支旗飄起個下仲有氣勢。我地商討之後個結論係應該下次自己帶支旗咁樣影。

學緊如何有氣勢舞起支旗


舉旗了

Day 11 Kolsai Lake風景

跟住我地就行落去Kolsai Lake 1嘅另一邊到影相，要行一段山路先去到，不過去個陣好在叫做無落雨，所以都叫順利。導遊幫我地同Kolsai Lake打卡。


係湖面高度影個湖

係其他人打緊卡個陣我拎左隻連豬出嚟影相，其他團友好好奇呢隻咩嚟，於是我介紹左連豬比佢地識。

連豬與湖

影完之後我地就返返去上面，個陣天又開始落雨，我得把縮骨遮，跟住又要行山返去，真係好有死亡行軍嘅感覺，不過今日行程嚟講宜家只係入門。 我係山路個陣因為啲泥好軟所以差啲成個人向後撻落地，好彩平衡力好至無事。


落完雨嘅山路好跣

係湖面高度未上返去之前我又影多幾張Kolsai Lake 1嘅相。聽講Lake 2同3風景仲靚，不過要等下次先去。



唔同角度嘅Kolsai Lake 1


Guamzilla與湖

行上山返去架車個陣場雨越嚟越大，把遮都擋唔到啲雨，成個人濕晒，連鏡頭都成堆水滴。

落住大雨上山


Kolsai Lake行山徑，可以騎馬或者上山

返上架車第一件事就係抹乾件衫同啲野。下一站就係去Saty Guesthouse食飯，導遊呢個時候就教我地同屋主用哈薩克文打招呼，"Hello"同"Thank you”係哈薩克文分別係"Salam"同"Rakhmet"。

其實哈薩克文同土耳其文有啲似，大家都係Turkic語系，不過又無阿塞拜疆文近乎同土耳其文互通咁似。差唔多落車個陣佢提我地 " If you have charger you can charge your device at HOME"，我地係個一秒心諗呢到距離屋企都幾千公里，呢句野有啲奇怪，之後佢都發現自己9up左，就話"I mean guesthouse”，我地都哈哈大笑。

Day 11 哈薩克傳統家庭聚餐 - 開飯了


呢啲 Guesthouse 其實係民宿，佢地係同旅行社簽左約包左午餐係 Guesthouse 食，順便話體驗當地飲食文化之類。

入去 Guesthouse 食飯

除鞋入屋之後埋去張檯見到成檯都係哈薩克傳統 side dish，有青瓜，紅蘿蔔，炒菜，乾果，花生，麵包，椰棗之類。發現中亞啲圍餐都係中意放晒啲 side dish 出嚟，等啲客人嚟到就上主菜。今次主菜有薯仔雞湯同 Plov，即係中亞好出名個啲羊肉蔬菜燴飯。


中亞家庭式聚餐，有好多唔同配菜同薯仔雞湯


Plov

去到食飯時間我先有空間睇下啲團友係咩樣。我呢個時候先發現坐我對面嘅德國妹戴住副圓形眼鏡好有氣質，都幾吸引。

食完正餐之後我地對一碟白色一粒粒嘅野好有趣
係到研究咩嚟，因為佢個樣好似好伏咁。我食飯個陣食左兩粒，所以知佢其實係羊奶芝士乾。佢其實係比較濃縮嘅芝士，味道係正常嘅。不過佢地驚好羶所以大家個樣好似呢隻連狗咁 。

咁我叫左朋友Ｂ試左先，佢試左都覺得 ok。跟住呢到啲男人最後都試左個羊奶芝士乾，不過個德國妹見我推介呢舊野個陣講得好鳩，以為我負責搞笑 ，驚舊野好伏，佢個反應係由 -> -> ，嚇怕左佢。

Day 11 團友的背景
食飯個陣我地都有傾下我地啲旅行經歷，同點解我地 出現係哈薩克。朋友 B 講個陣好直接話係唔係我介紹佢唔知道有呢個地方，佢係幾個月長 trip 嘅頭幾站，順便去中亞體驗一下。我地講到之後有啲咩旅行計劃，我話我係阿塞拜疆順路係哈薩克玩幾日。

我地啲團友好多都係中亞長 trip 玩，係哈薩克開始佢地行程。德國妹話佢本身住法蘭克福住，佢讀法律，跟住調過嚟哈薩克做三個月，放假就參加下 local tour 體驗呢個國家。

跟住我地好好奇想知佢係到三個月點樣學俄文係哈薩克生活，佢話佢個間 firm 係跨國企業，同埋有咩事都係去德國大使館，所以唔洗用俄文/哈薩克文。有女伴個個法國佬之後就分享學俄文嘅技巧，佢話佢掌握左個竅門之後用左幾個月就學識。

我地之後講到 Astana，個德國妹話佢去過 Astana 玩一日覺得 Astana 淨係得人造野，唔值得花一日去。我地都好認同，阿斯塔納主要賣點係沙漠起好多奇形怪狀土豪式建築，不過睇土豪野不如去杜拜，多哈，巴庫睇。前幾日係巴庫過嚟嘅我表示深感認同 ，尤其巴庫有歐洲 style 建築，中世紀舊城區同高加索靚女，呢點已經贏晒阿斯塔納。

Day 11 保險唔包學人去騎馬

講到差唔多就上車去下一站。下一站就係去Lake Kaindy，不過去Lake Kaindy嘅路況比較差，所以就換左架另一架專用"越野"車，佢可以涉到小小水。（唔記得左係咪軍用車改裝）

同款越野車輛

大家傾計熟左之後同埋個陣天氣好左，上到車都比之前好興奮，尤其係德國妹。大家對一陣間Lake Kaindy嘅風景好期待，導遊都繼續開住音樂好hyper咁唱歌。

興奮的德國妹

去Lake Kaindy嘅路有兩部分，第一部分係泥濘不平嘅道路，架車明顯行起上嚟雖然好震，不過大家都好興奮咁拍片。開到一半導遊問我地下一段路騎唔騎馬，作為亡命行軍嘅一部分我地最後選擇左騎馬。

開車上山路況


停車場

架車去到馬場個陣就停低左。個到其實係有啲牧民養住啲馬，比啲遊客騎過去Lake Kaindy。咁我地就去上馬。個到啲馬係幾隻幾隻咁用繩連住，我就好果斷咁去左德國妹後面個隻馬個到。

馬場

呢個時候個天好唔生性咁落雨，咁我咪拎遮出嚟，我又相機又手機成手都係野，結果個當地牧民屌９我叫我點都空一隻手出嚟拎住條繩。


熟習緊騎馬

搞掂晒之後我地就開始騎馬，個陣係兩三個牧民睇住我地成堆馬，啲馬好似識自動導航咁唔洗人帶自己跟住條路行。由馬場去個Lake Kaindy大概路線係咁:


一開始要過河個陣，我隻馬無啦啦偏離本來條路，我嘗試拉條繩叫隻馬行返正但係隻馬唔係好聽我講，跟住有個牧民用左啲唔知咩方法令到隻馬乖乖地行返條路，佢就係到屌9我唔識控制隻馬。 其實成程我地啲馬都係自動導航咁去Lake Kaindy，班牧民無教過我地點控制隻馬。

啲馬係到撞下撞下

Day 11 騎馬騎到塞馬都係第一次見

我地完全未騎過馬所以唔係好控制到啲馬，啲馬有時不受我地控制係到撞嚟撞去，有時隻馬就無啦啦行去崖邊食草，有時隻馬就想超過前面隻馬，啲路又窄搞到險象環生。我騎騎下馬先醒起旅遊保險好似無包騎馬受傷，惟有望住風景一路祈禱隻馬生性唔好發癲。

右邊就係山崖




騎馬路途雪山風景

就嚟落山去到個湖個陣條路好窄，啲馬要一隻隻咁行落山。呢個時候我隻馬又好唔聽話想插隊行落山，一隻車落去德國她隻馬後面，咁我惟有同佢道歉話我隻馬唔係好聽話。


塞緊馬

我順便同佢傾計問佢德國有無得騎馬。佢話德國啲郊外有得騎馬，不過佢無玩過，同埋無呢到騎馬咁狂野 ，我就分享話香港得賽馬會可以騎馬，講下講下就去到Lake Kaindy。

三線行馬變單線行馬



隻馬想插隊

呢個時候我地就要落馬行過去Lake Kaindy，不過落馬個陣我好艱難要人幫手先落到馬。咁係到settle down個陣德國妹見啲牧民見我地係新手都係咁屌我地，佢地對啲馬應該都好差。 佢話啲馬需要愛同關懷，佢行去Lake Kaindy之前係咁撫摸佢隻馬希望佢好過啲。我同朋友Ｂ比佢呢個有愛心嘅行為感染到，摸一摸隻馬先行。

到了



場面一片混亂, 德國妹係到照顧啲馬


馬仔陣間見

騎馬擔遮

德國妹都係

Day 11 Lake Kaindy

Lake Kaindy 係20世紀先出現。1911年哈薩克地震令呢到變左堰塞湖，啲湖水浸左杉木林又無得流動，久而久之就變左我地見到嘅景色。我嚟之前係Air Astana睇左Saving Lake Kaindy，介紹Lake Kaindy嘅紀錄片。

以前呢度有好多人類活動，放牧令呢到土地受嚴重污染，呢到啲動物死左好多。哈薩克政府發現之後佢地保育呢到，將呢到劃做保護區，限制啲人係呢到活動同埋請好多生物學家去救Lake Kaindy生態。所以呢到大部分地區唔比出入，淨係可以參觀13%範圍，而呢到生物種類同數目係保育之後回升返。(Source: Air Astana嘅紀錄片)

由落馬個到去Lake Kaindy要行一小段山路，咁朋友B就行先，我就係後面跟上去，因為我發現落馬之後部相機好似有啲問題要檢查一下。

我一路行一路睇部相機，佢影相唔識對焦，同埋支短嘅鏡頭唔識自動對焦，就算換左支長鏡頭都係影出嚟唔識對焦。我心諗今次碌柒了，Riga爛相機要整今次又爛相機，應該係落馬個陣整爛左。無左朋友H扮馬叫，我自己同啲馬唔係好夾。

我惟有沿路行去Lake Kaindy，點知行到一半除左直行之外見到條分岔路，我係到思考點行。呢個時候朋友B見本來直行條路行得太耐有啲猶豫所以返轉頭搵我。我同佢傾應該行去邊，傾傾下嘅時候德國妹係我後面出現，我地估應該直行就到，於是我地三個直行行去Lake Kaindy，行多陣就見到導遊，佢見我地咁耐都未到就去搵我地，最後我地平安咁去到Lake Kaindy[s]，雖然部相機係死亡行軍之下死左。[/i]

相機對焦唔到了......

Lake Kaindy 特別之處係個湖除左係藍綠色無污染之外，佢仲有幾條杉木樹突出嚟。咁我地係唔同角度欣賞Lake Kaindy，雖然我部相機爛左所以心情有啲差。

行行下望出去Lake Kaindy



Lake Kaindy




好多人輪住影相


朋友T問我點解淨係就咁影，唔扔隻公仔落水，佢話啲公仔未試過游水點知佢中唔中意

Day 11 說好了的馬呢?

走個陣我，朋友B同德國妹一齊行，我地傾到啱啱騎馬，德國妹話佢估呢到啲牧民比唔夠野啲馬食，啲馬行過嚟個陣係到食草，於是佢行返去個陣順便摘啲草比馬食。佢希望呢到啲馬好似歐洲咁比人善待。


我地返到去頭先落馬個到，但係個到啲馬唔夠我地一人一隻，導遊都唔知咩事就問班當地牧民。班牧民話佢比左啲馬上一批旅客騎走左 ，導遊覺得好奇怪，跟住係到問班牧民啲馬唔係應該好似合約咁安排一來一回 ，班牧民話佢之後叫啲人係馬場調啲馬過嚟 。 搞到好似排的士接人咁。

等啲馬嚟個陣德國妹比左啲野草啲馬食，跟住啲馬就好開心咁開餐。呢個時候班牧民係到鬧個德國妹 ，跟住德國妹就呻話希望啲馬會比人善待啦。佢講講下我感覺到有啲水滴落我個頭到，我望一望個天啲雲feel到會落大雨，呢鋪真係大鑊了。

要等馬返返去馬場

過左一陣班牧民終於調多幾隻馬過嚟，於是我地騎馬返返去架車到。今次我隻馬行頭，隻馬都係識自動導航咁行返去。我隻馬有時行行下山會行去崖邊食草，我見啲馬咁慘我都由得隻馬食啲草。

Day 11 靚女領隊決戰粗暴牧民

呢個時候突然 “飄~” 一聲班牧民係班扮皮鞭鞭打嘅聲，跟住隻馬受驚突然飄前，就繼續沿路行返去。我心諗你班牧民真係痴撚線。當我地班新手好似你地咁由細騎馬騎到大，態度差係咁屌人唔識騎馬都算，你老母隻馬係崖邊係到嚇啲馬，隻馬嚇親突然間沖落山我咪死埋！？？

我本來以為個德國妹有啲做多左，但係呢班牧民真係無視生命安全，仲要旅遊保好似唔包騎馬，今次真係死亡行軍之旅。 個天又突然落大雨，德國妹比班 粗暴的牧民 對馬嘅方式嚇親，佢係到話佢想行返去算，就算落大雨行佢話佢唔怕辛苦。其實如果唔係隻馬行緊唔方便落嚟同埋條路成地泥，同啲馬會就地解決唔好行，我都傾向行返去算數。

朋友B視覺：
呢一段路應該係今次旅程最恐怖的路，班牧民不時飄一聲扮係鞭馬嘅聲，天空落住一點點雨，地面滿是泥濘，而我隻馬行落山路時行下就跌蕩一下，窄長嘅山路旁邊就係深深嘅河谷，我真係只係祈求隻馬可以慢慢安全回到最初的起點。


騎馬落山路況，滿佈泥濘

返返去馬場之後個陣個天落好大雨，我，朋友B，德國妹，法國佬同佢個俄妹女伴企埋一堆，我地都忍唔住想屌柒班痴撚線牧民，話佢地好似老奉咁態度極差同極唔安全，同埋對啲馬好唔人道。

落到山等緊的團友

導遊就係到怒屌班牧民安排極差，合約講好左啲馬一來一回咁又亂咁調啲馬比人，同埋佢地啲行為無視團友安全。 跟住班牧民一副吹佢唔漲嘅嘴臉話佢地平時都係咁之類。

朋友B同法國佬事後估話班牧民反正都係做一次生意無回頭客，所以覺得佢亂嚟我地都吹佢唔漲。導遊最後話佢地咁亂嚟，完全唔跟合約做野會返去同旅行社講解約唔再同佢地合作。

怒屌牧民情節

上左車之後我地就去下一個景點。導遊對啱啱發生嘅事表示歉意，佢都唔期待會搞成咁。我地安慰佢其實佢無問題，問題係班牧民亂嚟。啱啱比大雨淋完，相機又比啲馬整爛又比班牧民亂屌搞到無咩心情，我就整乾自己之後就一直睇住出面發呆。架車開左兩個幾鐘，窗外景色變做一片金黃色嘅大草原，我心情都好返啲。

車上面嘅大草原

Day 11 Chayrn Canyon (1)

架車無幾耐就去到Chayrn Canyon。Chayrn Canyon係世上第二大峽谷，僅次於美國大峽谷。我地下午六點幾七點去到Chayrn Canyon，今次我地有時間係落峽谷底行一陣，導遊問我地想行左峽谷底先去峽谷頂定係去左峽谷頂先。

峽谷入口

有團友話行左峽谷底先因為峽谷頂搏佢影到日落，咁我地就落左谷底先。因為已經接近日落所以啲影變得好長。

行落峽谷谷底


峽谷谷底


舊石好似隻手咁



Chayrn Canyon真係好闊




大自然真係鬼斧神工


連豬與大峽谷

Day 11 Chayrn Canyon (2): 奔向夕陽

係谷底行左一陣我地就搵位行上去谷頂。佢個到真係似越野爬山咁，同埋上去條路好斜，我跟住德國妹後面行到喘晒氣，有啲缺氧咁，搞到德國妹以為我體力不繼問我有無事。

開始無日照了


爬上大峽谷示意圖


條峽谷好斜，就快要手腳並用爬

最後我地都上返峽谷谷頂，當然要搵個靚位打卡。


峽谷谷頂嘅風景



日照越嚟越少

影完之後就開始日落，咁我地就行返去架車到返阿拉木圖。

峽谷後面係雪山


奔向夕陽

Day 11 大草原的日落

上車之後架車沿公路飛馳，行左幾分鐘就開始日落。導遊係草原嘅大直路放低左我地影一陣相。

大草原上嘅日落


開心打卡的德國妹

影完之後就真係返去阿拉木圖，導遊問我地滿唔滿意今次個團，我地都話除左班當地牧民之外個 trip 係完美，朋友B 事後同我講返今次個團好抵玩。本來係寫 1930 完，但係1930 我地仲係 Chayrn Canyon ，我事後去個旅行社網頁睇佢個團個時間越改越長，宜家去到2230。

佢問起我呢個團一日去咁多景點好似玩得未夠，我同佢講其實平時呢啲團個長度係兩日一夜，一日一夜有啲似死亡行軍。 導遊最後都 sell 佢地隔日有個半日大阿拉木圖湖團，雖然佢搞呢個團搞得好好，不過我地第二日計劃左又死亡行軍行程，所以就無去到。

Day 11 唔係同女傾計就識做啲唔該借借???

返去嘅時候德國妹同法國佬係到傾計，講起佢地歐洲啲日常野，咁我嘗試加入去傾計，但係個陣比朋友Ｂ隔住左，個位好迫又唔方便調位，我又唔係好敢係架車大聲講野。 朋友Ｂ又小 kam 唔係好搭到嘴。

朋友 B 視覺: 個朋友係咪好攰所以想坐喺窗邊訓教，而我就真係有 d 攰，就費事同其他團友再傾計。) (編按: 個陣我無訓著，好精神聽緊德國妹傾計，你攰就企開啲比個位我)

個時我地個坐位係咁：


最後我地都講左幾句，德國妹就呻話德國 Deutsch Bahn 成日遲到 ，不過起碼叫做有架車，同埋德鐵會有 refund 同可以問德鐵比的士錢。講多一陣就去到休息站。

落車個陣我同朋友 B 講同佢調位，同佢講比機會佢影下窗外風光。我本來繼續坐車個陣搵德國妹傾下計同問佢攞instagram，不過上返車之後佢地全部瞓著左 ，同埋我呢日表現好 kam 驚食檸檬 ，個下淆左就錯失機會，諗返起都有啲可惜。

哈薩克夜晚嘅公路

返到去之後我同朋友 B 都攰到無力傾計，我地去左我第一日食晚餐個到，快手食左個晚餐就上返去酒店休息。

夜晚嘅 Hotel Kazakhstan


呢晚晚餐

Day 11 完

Day 12 搵極都搵唔到地方買嘅Onay卡?

前一日我地過左十二點先瞓，呢日瞓到９點幾先醒。落去就食返個早餐先。呢到係包早餐，我個人覺得有4星質素。佢係全自助早餐，大部分早餐會食嘅野呢度都有。


是日早餐


除左常見嘅食物之外，佢仲有中亞嘅芝士同俄式醃魚。醃魚口感唔錯。


佢仲有即煎雞蛋。


去得阿拉木圖就要試下呢到特產---青蘋果。

食完之後我地又返去坐陣，跟住我地就落去搭巴士。不過個陣我未有Onay卡，於是就周圍搵位買卡。我之前睇過可以係報紙檔買卡，不過係酒店附近就搵極都搵唔到報紙檔。增值機就周圍都係，雖然佢得俄文但係我上網睇完都幫到朋友B增值。

我決定行落地鐵站問人幫手，不過地鐵站都無得買交通卡。呢個時候朋友B話時間有啲遲，我查一查原來搭巴士係唔洗用卡可以用散銀。 係地鐵先要用Onay卡入閘。早知係咁就唔浪費時間搵報紙檔買卡。

阿拉木圖地鐵站

今日行程係由朋友B負責，我地去參觀Medeo滑雪場，同埋會上 Shymbulak滑雪度假區。我地搭12號巴士去。架車慢慢駛離市區，越開越高，坐到總站就係滑雪場。

Medeu巴士總站


滑雪場山腳下面泊晒車, 好多當地人上山放假

Day 12 Medeu 滑雪場 - 繼續死亡行軍

前一個站係纜車站。Medeu係有纜車上去滑雪度假區，本來我地會係好輕鬆咁坐纜車直上海拔二千五百米。


不過叫得死亡行軍邊有咁順利，我地去到個陣架纜車無開，於是朋友B做左一個瘋狂決定——行上去。

於是我地又返返去滑雪場，我地宜家嘅位置係海拔千六米。係Medeu滑雪場隔離見到一大條斜路，有好多當地人係到行上去。我以為行一陣就完，點知呢條斜路已經好長...... 我行左10分鐘已經喘晒氣，然而呢個只係開始.......

又斜又長到仆街, 呢到先係開始

我行上條斜路已經休息左兩次，上到嚟首先見到有堆人係到玩馬。

呢到好重女

點知行完之後仲有一望無盡嘅樓梯等緊我地.... 呢條樓梯行十世都未行完，我中途已經停左唔知幾多次，朋友B成日軍訓式訓練一早已經係山頂等緊我 。後尾行行下頂唔順決定買左支可樂飲。

Medeu滑雪場


條樓梯好長.......


小食舖


我行樓梯比班細路爬頭

Day 12 行入雪山

行左十幾廿分鐘之後，我地終於行到上樓梯頂，山頂有堆人係到睇風景同吹水，有個阿伯係到帶住隻鷹表演。

呢到傳統習俗


好多當地人係到觀賞雪山

行完終於見到雪山，又見到雪山真係開心。呢個時候部相機突然識手動對焦於是我又影左幾張相。

雪山

正當我平靜咁欣賞風景個陣，朋友B突然同我講我地今日目標係行入去雪山。我呢個時候個樣係 。

於是我地又繼續軍訓。首先行一大段車路，好在唔係好斜，沿途風光唔錯。

好在呢段路係平嘅


沿路風景

行左一大段路之後我地見到幾個蒙古包，有啲改建左做餐廳。呢到係半路比人補給。

補給站

朋友B視覺:
其實一日行一千米上山都唔係好攰姐，而且係行舖好咗嘅樓梯同車路，慢慢行就可以上到去。樓主行下就要抖下 ，咁我就可以順便休息下，輕輕鬆鬆行上去。 (編按: 所以話左佢係軍人)

會唔會係你虧做太少運動，而唔係朋友B係軍人

Day 12 CLS鐵橋

停左一陣我地又繼續行。呢個位有兩條路過河，一係行一段車路兜落之後行上山，一係行鐵橋。我見條鐵橋望落正正常常，就行捷徑行鐵橋。點知條鐵橋係水管上面鋪幾塊鐵板，我地行行下個陣又有風突然吹埋嚟，啲鐵板吹到砰砰啪啪聲，條橋十幾米高跌落去應該重傷。 呢個時候我決定go with my gut，快速衝過去。

唔行鐵橋就要行一大段路先過到去


鐵橋

過左橋之後又係一大段又長又斜山路，即係又係軍訓嘅情節。

山下面有條小溪


有驚無險咁過橋


前面嘅山路係幾咁無盡......

我行下又停下，朋友Ｂ大幅拋離我，連隻牛都行得快過我。

有隻乳牛行過

牛 : 平時都係啲人爬我頭，都係第一次有人行得咁慢比我爬頭。

唔係 行山唔適合我

Day 12 到未呀....!??

沿路真係九曲十三彎，啲路又斜，行得好撚辛苦。

望返轉頭行左唔知幾耐斜路


有個牧民拎住隻馬行過


轉完彎繼續行

行左唔知幾耐之後，我地開始見到啲度假屋，雪山離我地越嚟越近。


條路都係好長, 不過就到雪山山腳


見到雪山山腳有啲渡假屋

無耐就行到上山頂，呢到亦係第一組纜車嘅目的地。

見到纜車停左係到

呢個時候我地見到有一組Chair Lift開上雪山更高地方，雖然好快就收，不過我地難得嚟到就上埋去。而呢個時候我部相機又突然識自己運作，估唔到佢會死過返生，逃離死亡。[編按: 事後睇應該係落馬個陣撞到鏡頭變左手動對焦而唔知以為報廢，我今年係飛機試先發現到原因]

Chair Lift入口，山腳睇雪山都好有氣勢

Day 12 Shymbulak 纜車

呢到其實係滑雪度假中心。
https://wildticketasia.com/129-shymbulak-ski-resort.html

架Chair Lift就係得一張椅嘅纜車。呢架纜車會帶我地上海拔三千米嘅雪山。

去到個陣山下面係無咩雪。

可以見到山腳有人係到影雪山


有啲人睇完風景落山




纜車左右邊雪山風景


呢到春夏交界都有一大片雪, 不過有啲污糟

架纜車上到高啲嘅地方就開始有更加多積雪。我地坐纜車個陣有回程遊客嘗試估我地邊到嚟，不過佢地估錯左。我地就咁係隔住架纜車對答。

開到一半, 見到纜車終點站



落完山之後又上返山





就到纜車站, 越高就越多雪 xm

要copy and paste先出到聖誕連豬

Day 12 Shymbulak

上到雪山纜車站，附近有個cafe比人當休息站。

雪山cafe

上到雪山之後我地都好興奮咁踩雪，附近有個類似救援站嘅物體。



雪山風景



救援站

由山頂可以望返落去山下面啱啱上嚟個到嘅風景。呢到遠離市區所以就唔係幾望到阿拉木圖。


山下景色, 都係望到山下纜車站

呢到係天山山脈中間，其實一直向南行理論上係可以行去吉爾吉斯。山區天氣變化可以好唔同，一面天晴另一面就天陰。


雪山後面就係吉爾吉斯



公仔與雪山


我凍所以著住羽絨背心，有人話著羽絨背心似中年呀叔......