喺中大讀咗 93 cred Linguistics major，你問我答

即係樓主讀多人地一倍野?
介唔介意講下GPA幾多?

1.中文輸入法最快應該用邊隻?
2.有無人讀過關於人點樣諗野? 最近先知有啲人個腦係單聲道, 雙聲道(好似係), 多聲道
3.點樣改善說話有條理啲?
4.有無接觸過NLP

應該有進步到，不過係因為睇同寫得文多，你讀其他著重寫 paper 嘅科（例如 soc sci）應該都會有類似效果

雖然話啲理論好多時會用英文做例子，對英文語音語法嘅理解係會深入咗，但入得嚟讀個英文底都唔會差，啲理論對改進英文嘅作用應該好有限，反而係你本身個 sense 幫你理解啲理論想解決咩問題

我讀呢科都唔係為咗教英文（不過好多同學做咗英文老師），喺呢方面睇係唔實用㗎，但我就係鍾意呢啲，好似可以窺探到人類思維某啲奧秘噉，畀到智性快樂我

Syntax II 對英文教學嚟講可能係太理論，但我覺得呢個 programme 對教書係有用嘅，例如讀 Bilingualism / Second language acquisition 可以探討廣東話母語者有咩 common errors

我有問過人拎6字頭 course 嘅 materials 嚟睇

//你係其他鑽研linguistics既人眼中係對linguistics有興趣? 定只係你自我感覺良好?
你有冇諗過你只係一個人鑽牛角尖，係其他人眼中你對linguistics其實無興趣?//

係；唔係；冇
鍾意咪讀唔鍾意咪唔讀，唔明有咩牛角尖好鑽

我廢，最後 major GPA 3.4 grad，好難科科都讀得好，同埋試過寫唔切文遲交扣分

1. 呢個同 linguistics 冇咩關係 因人而異㗎喎，我就打開倉頡，但而家有自動選字打粵拼都好快，可以了解下 TypeDuck https://www.typeduck.hk/

2. 未聽過呢個講法，講多啲？

3. 諗嘢有條理啲？

4. 冇

Linguistics本身同英文能力冇太大關係
讀完linguistics之後英文(或者中文)會突飛猛進
其實係一個錯誤觀念嚟
語言學係用科學角度研究語言
學嘅係唔同方法/理論 去解釋，分析同描述語言
本身就唔係行「實用」路線
就算係Applied Linguistics
其實都係同語言科學有比較大關係

要改善語言能力 睇多啲書同埋多啲接觸嗰套語言先係最重要
改善英文 直接去英語系國家生活返一年半載仲好
甚或乎讀creative writings, translation course都比你讀ling course有用

exactly, ching 係校友？

好奇想知有咩關係

唔覺係錯誤觀念
似係你既一個unsubstantiated opinion多啲
我讀咗少少linguistics 我覺得對英文相當有幫助
尤其係hk教得少既phonetics/phonology

ling = meta language 野 = how language works
點會冇幫助

就好似你讀話讀music theory但對 唱歌/鋼琴冇幫助？ 其實點都會有幫助

你講個啲creative writing 先廢

咁講啦，有啲嘢學嘢，係見人show幾次，可以完全唔知點解，都可以replicate到
但有啲人唔得，佢一定要明背後個原理，先做到（或者改到本身自己既錯誤）

最經典例子就係發音，固然有啲人可能聽其他人講幾次就模仿到，改到自己受母語影響的發音
但如果你識phonetics，個體會係完全唔同

以前讀socioling的時候
對堂上一個present同學發問
你講英文 中文 同 italian既時候你性格會唔會好唔同
個同學英文太差，表達唔到自己

但前日睇到呢條片
終於感受到自己當年的直覺係冇錯
https://youtube.com/shorts/VpdPxcS7Svw?si=w_b0gmc3J6CqYG0k

我唔係話讀完ling對你學語言冇幫助
讀過linguistic theory當然會幫助到你了解一套語言
但係你學完啲theory
都唔代表你嘅語言能力就會顯著提高

就以你講嘅english phonetics & phonology為例
你讀完之後 對英文嘅發音系統係會好清楚
但如果你唔花時間去訓練自己嘅發音
咁你都只會係空有一身理論 而冇辦法實際應用
你可以知道晒英文入面每一個字係點讀 每一個音係點發
但你喺discourse level / conversation level
仍然可以好唔fluent，講到「甩甩咳咳」

返返去一開始點解我會話係一個錯誤觀念
因為好多人都會覺得讀完語言學 = 語言會好叻，會識好多種語言
就好似你問：「所以讀完 英文（或者中文）有明顯進步到？」
但係語言學呢一門科學 個宗旨就唔係要幫你提升語言能力
成科個核心都係點樣用科學角度去分析，理解同解釋語言；點樣去搵到一啲語言嘅規律
本身設立呢一科就係行theorectical而唔係practical路線
其實你睇下中大語言學programme嘅介紹就知
根本提升語言能力水平就唔係呢科嘅重點

Through a programme of rigorous study, students will develop a basic understanding of the methods of linguistic analysis and an appreciation of some of the achievements of the field. Students will acquire an enlightened outlook on language, as well as general problem-solving and research skills.

點解你會覺得：「就咁望咗下syntax 2 啲內容太理論到唔太實用咁
」
就係因為你同普羅大眾一樣
對語言學有一種錯誤嘅期望同認知
而其實syntax 2嘅內容
對於語法分析同語法研究 係好有幫助

你講得好啱嘅係 ling其實係等於meta language (metalinguistics)
但個意思係用語言去解釋語言 係explain how language works
所以你讀完語言學 你可以有方法 用英文去解釋英文語法、語音系統等等
但如果你本身英文能力就唔高嘅
經過語言學嘅訓練之後 你英文詞彙都唔會多咗
講英文亦唔一定流暢咗
所以要提升英文能力，要嘅係一啲實際訓練
而唔係去學語言學嘅理論
同人溝通，要表達自己諗法 係唔需要語言學知識的

「Linguistics本身同英文能力冇太大關係
讀完linguistics之後英文(或者中文)會突飛猛進
其實係一個錯誤觀念嚟」

a) zero correlation 喔，你make咗咁既一個strong claim
b) 「讀完」 -> vague word -> 你講既讀完應該係一種極度低層次既mastery

anyway 廢事為對錯去argue，其實大家都係有common ground，只係個focus唔同

你focus on唔會話 「讀完」ling course就自動升呢
我focus on 要語言升呢，其中一個方法就係改變你啲錯誤觀念 ，尤其係要用一套正確既理論框架去replace，等你知自己衰咩，有咗awareness之後，你就知自己點改

所以linguistics courses可以話係 改善既第一步
當然，你9流流按照大學啲頹廢要求寫兩篇文就搞掂既角度去讀ling courses 咁當然讀完都係廢

但你打住改善英文既心態，係理解並嘗試運用ling concepts去改善自己語言，咁你一定會提高到

而唔會話，對改善英文冇用

我認同我哋有common ground
我亦都冇話Ling對改善英文能力完全冇用
畢竟Ling嘅訓練就係學習唔同方法同理論
幫助你去深入認識唔同嘅語言(包括英文)
點樣去運用呢啲方法同理論 完全取決於個人選擇

個重點其實正如你所講
係要「打住改善英文 [或者任何一種語言] 既心態」
只要你有呢個心態 其實有好多方法可以改善你嘅語言能力
學習語言學知識係其中一種，但唔會係唯一一種
Just like what you said 「要語言升呢，其中一個方法......」
同樣地 如果一個人係冇「打住改善英文既心態」
咁佢學完語言學知識 都唔代表佢會用學咗嘅理論 去提升自己嘅英文能力
所以 學語言學與否 同 提升語言能力 係冇必然關係

或者返返去一開始你問樓主個comment
「有冇話本身英文咩level (say DSE English)
所以讀完 英文（或者中文）有明顯進步到？」
其實係我assume咗 你問呢條問題
個implicature係 讀完Ling = 英文會明顯進步
所以先會有我之後嘅comment嘅

而我所謂嘅「讀完」係指讀完一個Bachelor
當然唔可以話master咗Ling呢一科
大可以繼續讀上去 MPhil PhD 甚至讀一世都未必master到
但我相信點都會對Ling嘅各個範疇有一定認識
應該稱不上極低層次嘅mastery嘅
唔知同你一開始講嘅「讀完」定義相唔相近

同埋要好認真討論呢
我諗要定義埋咩叫做「英文好」or「英文明顯進步」先
畢竟好 or 明顯進步其實都係vague words嚟
係要講得好fluent, native-like? 冇任何"grammatical errors"?
DSE考2變考5? 定係考4變考5**?
睇得明Shakespeare? 定係識好多關於英文嘅Ling concepts?
But this is just lihkg，唔好搞咁多嘢啦

今日係咪最後一日改選？
推一推post

樓主大癲！