講個背景俾大家先，等大家多啲線索去諗！
我當時仲係初中，係小巴借完同學部psp玩mon hunt 2G後念念不忘，返到去屋企開部電腦，上hk discuss電腦遊戲版，希望到搵一款類似玩法嘅pc game止癮，結果當然係冇啦，反而搵到一款剩係得日文，好似魂系列用第三身視覺呈現主角，可以自由滾動嘅遊戲。當時安裝嘅過程，要搞一大輪，安知咩解碼器先至可以run到隻game。
當時細個乜嘢都唔識，淨係識用打Pokemon金銀版嗰個玩法，鍥而不捨地周圍遊蕩，或者對所有NPC撳一次，連遊戲背景、故事係空白一片。
我講講記得嘅場景，非常支離破碎。遊戲開頭我記得係森林入邊，有史萊姆打，要避開啲怪嘅攻擊，跟住就入到個好暗嘅城市，可以喺個酒吧度逗留，係武器店同個木桶係可以免費攞武器，玩玩吓發現可以轉地圖，去個城堡入邊打小怪，升level
我曾經懷疑過係demon soul，但當我睇返遊戲畫面嗰時，個feel又唔似喎，而且個年份唔太啱
我已經作最壞打算搵唔到呢隻game，因為呢隻game都有可能係日本仔自製嘅遊戲
有冇巴打可以搵到呢隻遊戲出嚟
歡迎提供線索
