《波,係要識揀嚟睇》
而家進行得如火如荼既港會七人賽,坦白講喺一個咁西大既場同龍門踢七人,所謂嘅一場球賽得嗰廿分鐘,真係不倫不類,浪費邀請咗咁多海外著名球隊同港超球隊參加。加上地點咁唔方便,仲要收咁柒貴,哩啲咁既所謂比賽真係,哂撚氣。
相比起嚟尋晚港運會五人賽,啲波已經好睇好多。
唔係話咩,東南海盃起碼免費先,而家仲要有免費直播。你可能未必識啲石地七人球隊,但今屆亦有「駿英九龍城」、「中西區」、「三昇」、公民班底「至尊足球會」、黃大仙班底「ZYPHR SFC」等等既甲組會參加,聽晚就有兩場「三昇」雙料免費娛樂。
亦有唔少港超球員分別代表唔同球隊出戰,可靠消息「林嘉緯」同「盧均宜」亦落實踢「至尊」。麥花臣地點便利,行入嚟就睇得,想睇七人足球,點計都抵睇同好睇過你港會七人掛。