今朝五點幾就起身去機場
飲咗杯咖啡
飛機餐係三種水果再加啲堅果
我瞓着咗，所以冇食晒
嘥晒啲嘢
睇咗Lady Gaga，之前睇過一次
覺得好好睇，今次就淨係聽佢啲歌
Lady Gaga唱歌真係好有穿透力
佢一開口唱就feel到佢種悲傷
到雅加達之後放低行李就去咗舊城區
我都唔知係老城區定舊城區
當係舊城區啦
上網見有一間Cafe二百幾年歷史，所以入咗去試吓
入邊嘅環境超級靚，廁所都靚過人
第一次食泡
原來啲泡都有味，鹹鹹地
非常有趣
原來諗住唔會好貴，最多每人$50
點知最後每人百零蚊
三個人食 一個湯，一個飯，一個小食，三杯嘢飲
一餐食咗我哋喺Palangkaraya咁多餐嘅價錢
印尼都有蜜雪冰城
我哋去咗個鬼屋玩
$15，入邊有四五個人出嚟嚇我哋
入邊嘅場景擺設都唔錯
抵過海洋公園好多
去咗行街，見到比卡超炭治郎
本身諗住搭巴士
但佢一定要我哋整張類似八達通嘢$25
去搭的士好過
食咗個$10嘅炒飯
天主教堂，超級靚，好似去咗哈利波特嗰度咁
入面都幾靚，超級安靜，冇開冷氣都涼涼地
跟住去咗睇國家紀念塔，超級大
仲要超級曬，冇乜嘢睇
我記得好似可以入去座塔入邊睇，不過我哋太遲嚟所以閂咗
影咗幾張相，之後就走咗
跟住去咗清真寺睇，佢話呢個係全世界第三大嘅清真寺
喺清真寺就可以望到對面嘅天主教教堂
因為佢哋就喺對面，非常有趣
象徵着包容接納不同的宗教
我哋今次入去係有個免費導遊，專帶遊客入去
正常遊客唔可以無端端走入入去
佢介紹得唔錯
然後本身諗住返酒店休息吓再出去食嘢
點知40分鐘嘅路程塞到變兩個鐘
我哋就臨時改路線去pik 2 嘅China Town
食咗蚵仔煎同燒魷魚
行行吓唔小心將啲價錢除咗四
以為去咗台灣
印尼都有%
最後我哋去咗按摩，喺Klook搵
係日式按摩，比我想像中靚超級多
