究竟猶太人點樣武裝建國？（特拉維夫猶太人抗爭博物館遊記）

好啦，小弟較早前畀讀者催文，已經諗唔到唔寫呢篇遊記嘅藉口唯有乖乖找數

呢篇遊記嘅材料，來自小弟前幾年於以色列同巴勒斯坦旅行嘅時候。嗰陣香港未發生咁多翻天覆地嘅變化（表面上），仲處於溫水煮蛙嘅時期。

時移勢易，反送中後期，武裝革命嘅民意基礎已經逐漸建立，雖然港共同中共以巨量資源投資係軍警身上，企圖將任何武裝反抗嘅嘗試扼殺於萌芽中。但毛澤東講得好：有壓迫就有反抗，縱使境內武力反抗再都唔係現實嘅可能性，咁全球嘅層面到底有無嘢可以做呢？

港共可以用經貿辦做掩飾，收買貪錢同品格差劣嘅前（或現役）軍警企圖迫害海外港人，咁到底香港人有無能力反擊，甚至為未來嘅戰爭同埋武力抗爭作人才儲備呢？希望呢篇遊記可以激起大家嘅討論同思考。

希望海外港人可以跳出只限於「倡議」同遊行抗議嘅框架，建立香港民族係必須基於血與火嘅淬鍊，純粹嘅文人係永遠成唔到呢d大事。

想當年孫中山同黃興出街必備手槍，蔡元培都係製造炸彈殺清朝官員嘅高手，「五四」都係靠暴動、毆打官員直至佢重傷，縱火同刑事毀壞先賴以成功。

和平？我呸，有得選擇嘅先係和平，無選擇嘅只係強權面前嘅苟且偷生。

共勉之吧香港人

現今人民同軍隊武力相差太大
點樣武力推返極權

前奏：.那叫Aliyah的「回歸」

Aliyah，希伯來語意思為「大回歸」，意指流散海外猶太人回到古代猶大行省區域（今以色列及巴勒斯坦）嘅移民。

1897年8月尾嘅第一屆世界猶太復國大會於瑞士巴塞爾舉行後，1882年開始的現代大回歸行動開始變得更加有組織。

會議上通過四點決議：

錫安主義旨在為猶太人在巴勒斯坦建立一個公開且合法的家園。


1. 促進猶太農學家、工匠和商人在巴勒斯坦定居。
2. 根據各國法律，將所有猶太人聯合為地方團體或總會。
3. 加強猶太族群的情感和意識。
4. 為取得實現錫安主義目標所必需的政府撥款作準備。


1990-2020年大回歸嘅人數統計：



第一批到達當時依然為鄂圖曼帝國領土的前猶大行省區域的移民們，多為東歐及俄羅斯猶太人。

然而新生嘅殖民地多數為農場，面對住唔少嘅安全問題：當地阿拉伯穆斯林嘅敵意，以及層出不窮嘅偷盜搶劫，因此農場主需要聘請武裝守衛，保護辛苦種出嘅農作物。

呢個就係第一個猶太武裝組織嘅來由。

以色列有核武, 香港冇核武, 所以咪唔同結果

烏克蘭就係冇核武所以畀人打, 就算冇核武, 起碼都好似波蘿的海國家加入北約

雖然呢篇遊記講嘅係1948年5月14日之前嘅猶太武裝組織，不過巴打提出嘅論點都值得討論一番。

以色列係20世紀後期先擁有核武器姐當時南非/以色列/台灣（加埋新加坡啦，算半個）呢幾個隨時會被鄰國滅國嘅小兄弟，都面對住困難嘅外交狀況。

聰明嘅以色列一早就研發核武器，如果唔係點解埃及同約旦會乖乖簽署和約唔通愛與和平可以穿透坦克咩？導彈就真係可以穿透喇

南非都有核武器防止附近黑人國家（加上派駐在此嘅大量古巴、東德同中共軍隊教官）入侵。

隨住曼德拉政府上台，鄰國（安哥拉、津巴布韋、莫三比克、納米比亞）失去左同原本嘅南非白人政府對抗嘅理由，所以南非就銷毀核武器喇，好彩佢哋有咁做…

台灣就臨門一腳係八十年代末畀美國阻止研發核武器，當時親共嘅美國政府強迫台灣終止核計劃，堪稱美國二十世紀後期其中一個最大嘅外交失誤，如果而家台灣有核武庫，斷估中共都唔會咁夠膽亂黎。

烏克蘭有核武都可能被打巴基斯坦夠有核武，咪都係周不時畀印度打下當然唔會係滅國級別嘅入侵啦。

九十年代初期葉利欽統治嘅俄羅斯咁軟綿綿，車臣反抗軍都打唔贏而家馬後炮屌一個腐敗同埋窮到飛起（而家依然如此）嘅烏克蘭銷毀需要大量金錢維護嘅嘅核武同重型軍火，小弟覺得又真係有失公允嘅。

冇宗教作為主體 唔似佢地有好團結 好集中目標 思想
根本冇可能做到人地咁

一：看更？！

你無睇錯，立足鄂圖曼巴勒斯坦省嘅猶太武裝組織，初期的確叫「Hashomer」（中文意思就係看更）。

佢哋嘅前身，係Bar-Giora，屬於東歐猶太人反抗沙俄帝國屠殺嘅地下民兵。一部份成員移民巴勒斯坦省後，繼續建立準軍事組織保護猶太社群，係1909年重組成為Hashomer





圖為Bar-Giora成員於1907年合影。





守護者成員打扮



Bar Giora信條：

每個人必須努力自己爭取榮譽同生存嘅權利，旗幟上刻住銘言：猶太民族曾於血與火之中倒下，但亦會從血與火之中重生。




1909年成立嘅「Hashomer（守衛者）」組織，佢哋嘅訓練同組織令猶太人嘅形象煥然一新：勇敢、勤勞、無私、自律、敢於面對困難。

佢哋作為農場守衛，出色地完成職責，使加利利、猶大及撒瑪利亞一帶嘅猶太社區逐漸於巴勒斯坦省立足，得到當地阿拉伯穆斯林嘅尊重。



Bar Giora核心成員開會

呢篇遊記會講下佢哋嘅內部衝突，外人睇就好團結，其實猶太人嘅內戰係非常殘忍的。

現代錫安主義更加似係十九世紀民族主義思潮興起之下嘅產物，而非宗教推動（雖然現時以色列境內有兩成人口係原教旨或者極端原教旨猶太教徒）。

就好似十九世紀末先有現代嘅「中國」同「中華民族」大漢族沙文主義幻想一樣，錫安主義嘅狂熱信徒好多都係無宗教信仰的。

現代以色列都係有60%國民維持世俗化生活模式，無乜宗教勢力加持啦

師兄唔好妄自菲薄，路係人行出黎嘅，切勿低估我地民族嘅潛力。

所以小弟先寫故仔同post文，希望親自作為先行者一齊行呢條路，修文習武，遠離政棍

唔需要爭取所有香港人支持，只需要大部份人唔反對已經係好好嘅效果。

君不見而家海外集會，香港獨立旗同龍獅旗已經成為主旋律喜聞樂見

live左，lm

一直唔明你地既理論點run到，香港點樣經濟上不依賴大陸？假設中國最終會分裂，香港都只會係廣東國或者南中國既一部分，所有城市都要有農村先運作到、更何况香港係一個發展畸形冇咩科技創新既城市。

就算係新加坡，都係馬來西亞主動踢佢地走先建到國，喺人民行動黨既獨裁下保持安全既國際關係先可以建國。但香港？為咗自由而建國，又為咗建國而獨裁？中國又唔係馬來西亞，最基本既斷水斷糧斷工業品肯定會做。

師兄提出嘅係好典型嘅疑問，亦都係二十世紀初猶太人面對嘅問題：大佬，係一片荒蕪沙漠之中，點樣自給自足然後建國？

然而今日嘅以色列有自給自足嘅農業同水資源

唔知道你有無睇新聞，最近香港唯一一間垂直耕種作坊宣布結業。

雖然現時嘅香港（同港共）容不下呢類提倡自給自足嘅企業，但技術上垂直耕種養活大量人口，的確可行。

同意所有城市需要有農業先可以運行，

我地所認知嘅香港係經濟結構同城市發展規劃嚴重失衡，所以爭取獨立嘅作用就係重塑呢d我地習以為常，甚至覺得理所當然嘅架構。

即係傳統嘅四大產業將會不復存在，而必然到來嘅戰爭都會摧毀呢四大產業，提供左完美嘅土壤畀新經濟發展。

海外港人其中要面對嘅任務（小弟係「民族之矛」故事入面略略係海外香港語學院篇章提及過）就係完成新香港嘅技術同人才儲備，等國際形勢許可時可以相對無縫交接，當然呢個係起碼一代人嘅功夫。

感謝巴打

樓主嗰次有冇去埋馬沙達要塞？

有









瑪薩達必永不再陷落

反送中後期，武裝革命嘅民意基礎已經逐漸建立

sorry唔覺意笑咗
唔好咁多幻想，肯定你未上過中前線

如果真係有武裝革命民意基礎
捉鬼大師劉世良就唔會到今日都仲可以立足啦

唔認同你嘅觀察
已經唔講大量自發物資甚至開車接送(eg港版鄧寇克)
平時星期六日嗰啲行動都見到唔少街坊喺安全位置觀望
有次經過天橋見到啲呀嬸呀伯討論 立場都係同情抗爭居多 亦見過有街坊向同場相反立場人士解釋同辯論
相反 淨係睇新聞嗰啲就有機會無咁同情 現場見過實際情況嘅多數支持抗爭

睇返你全部引例都係講軍師
大家都知點止國父一個？直情全民軍師添啦

但係你講武裝革命思想丫嘛
個個只係等人做當睇打機
你唔係當班塘邊鶴係落場手足啊？

你講緊民意基礎吖嘛 咁梗係包括埋後排嘅人
唔通全世界七百萬人一字排開企最前先叫有民意基礎咩

二百萬人反修例 即係 五百萬人支持嘅邏輯
全世界係七十億

樓主繼續更新，一收工見到正評數上返去，即刻鬆一口氣（係，我承認自己係幾重視人哋嘅意見）。

頭幾個鐘心諗搞乜鬼，點解引咁多負評係咪寫錯咗啲乜嘢？

二：貝爾福宣言與猶太軍團

鄂圖曼帝國係一次大戰之中深陷戰火，係唔同嘅戰場都有對抗盟軍。

一部份猶太人當然都唔會置身事外，雖然有一派主張保持防衛姿態，只集中保護猶太社區安全，無需打一場（表面上）不相干嘅戰爭，但最後都係有幾千個猶太人加入左英軍嘅猶太軍團，係加利波利戰役同中東其他區域對抗鄂圖曼人。

直至1917年，時任英國外交大臣貝爾福向英國猶太人領袖羅斯柴爾德男爵（係，就係嗰個有名嘅銀行家族），全篇宣言以一封信嘅形式呈現。短短125個字嘅信件，支持猶太人喺唔傷害當地原住民權利（政治權利除外，因為當時巴勒斯坦仍然係鄂圖曼領土）嘅情況之下，建立猶太人嘅家園。

呢個宣言象徵着作為當時世界第一強權嘅英國對猶太民族自決表達官方支持，激勵咗猶太人嘅團結同埋士氣。
此後移居巴勒斯坦嘅猶太人大幅增加，促成左一次大戰之後英國巴勒斯坦托管哋嘅成立（因為鄂圖曼戰敗左）。

猶太軍團雖然多數嘅人員都係擔任後勤補給嘅支援角色，但係英國人仍然肯定佢哋的戰爭作出嘅貢獻，亦都係貝爾福宣言得以通過嘅一大推動力。

所以認識到世界局勢嘅潮流，然後喺一定程度上協助包容自己嘅強權，對於爭取民族自決係有莫大嘅幫助。

圖為猶太軍團士兵嘅裝束，貝爾福宣言同猶太軍團參與嘅戰役圖









值得一提嘅係，包括大衛·本·古里安在內嘅大量以色列建國元老，喺猶太軍團入邊都係擔任基層軍官。

由此可見，擁有軍事經驗同埋接受軍隊嘅領導才能訓練，對於建立民族嘅武裝力量，乃至之後建立一個能夠持續運作嘅政權係重要嘅基礎。