近年香港食肆員工的態度經常為人詬病,惹來不少風波。像近日便有港男在Facebook群組出帖,投訴香港某間壽司店的師傅態度差,因店內缺乏一種食材,竟私自下架部分套餐,讓他完全沒有選擇,「趕我走咁!」最後他選擇憤然離去不光顧。對於港男的遭遇,有網民回應直指,壽司店連XXX都冇,等執啦!不過也有人認為港男欲借事件「搲着數」,掀來一番爭議。
事件緣自近日有港人在Facebook群組「香港壽司刺身關注組」發帖,稱他光顧了荃灣一家壽司店,更指自己是該壽司店的vip。據其引述,他當天與友人本欲點選該店的「松」套餐,該套餐包括五款壽司,分別是三文魚、深海池魚、海膽軍艦、碎葱吞拿魚腩及珍寶甜蝦,然而店子師傅卻稱:「冇哂三文魚,下午翻緊貨,唔可以叫呢個餐。」樓主表示可以將三文魚轉其他食物,「求其一件平都得。」卻遭拒絕,「唔可以呀,松個套餐太平啦,三文魚太平轉唔到其他。」
樓主於是欲點選其他午市套餐,卻看見午市套餐全都含有三文魚,於是問師傅:「咁點算?」稱該名師傅即時當着他面,叫一位女員工將含有三文魚的套餐全部下架,樓主感愕然並問:「咁仲有啲咩套餐可以(選)?」該名師傅即時黑着臉稱:「冇㗎啦,冇㗎啦。」讓樓主大感不滿,「趕我走咁,不如直頭唔好開門做生意,中午休息,等三文魚翻貨先。」最後樓主選擇離去不光顧,並氣言:「啲態度咁,真係生意好呀!」
立鮨老闆你自己睇睇,
有啲咁嘅員工真係生意好
今日系荃灣立鮨食,本身一直係立鮨vip
咁諗住食松 (左下角個套餐)
我:師傅唔該想要兩個松套餐
阿邦(幫)師傅:冇哂三文魚,下午翻緊貨,唔可以叫呢個餐
我:咁可唔可將三文魚轉其他野,求其一件平都得
阿邦(幫)師傅:唔可以呀,松個套餐太平啦,三文魚太平轉唔到其他
我:咁唔緊要啦,叫午市套餐
我:師傅你啲午市套餐全部都有三文魚咼,咁點算
阿邦(幫)師傅:系我面前同個女員工講,即刻同我cut晒全部有三文魚嘅套餐
我:。。。。咁仲有啲咩套餐可以?
阿邦(幫)師傅:西住面講,冇㗎啦,冇㗎啦
講真事但例如轉件雞蛋壽司俾我都得
趕我走咁,不如直頭唔好開門做生意中午休息,等三文魚翻貨先,依家cut晒所有Menu
最後走咗,講真我做vip想叫vip嘅餐又叫唔到,我比錢做vip黎做咩
老實講,啲態度都咁,真係生意好呀
壽司店道歉信全文曝光 招來網民罵戰