想出部二手Prius，有咩要注意

一兩個人既話，
後座椅拍低晒既話就係一個大車尾箱

呢啲肯定有啦 冇做嘅保險點會肯賠

試過坐滿人行城門上斜架golf都係啱啱好夠力aqua分分鐘要慢慢碌車

要力水買Prius係咪搞錯咗啲乜

prius都係要慢慢碌車
就真係快過少少咁多

好車，渣完唔會換其他車

Aqua副1.5偈應該會踩到雞叫都冇料到

咁你自己要取捨啦
hatchback無乜邊架闊落
而且Prius都無乜力
覺得有力係因為佢第一下行摩打

平時慳腳嗰程架golf都做到4.8/100

其實你行高速多嘅話hybrid同純油爭好少
hybrid最有用係塞車

有冇興趣GS300h

因為日本車過左五年之後就需要驗車，驗車煩閪同驗車成本高嘅情況下，迫使好多日本司機每五年就要換一次新車（其實日本車好似Jazz個啲都係十二三萬一部，真係好平，呢個價係香港都係買到KIA），呢個都係日本汽車業國策，令到本土汽車業可以靠內銷維持。

而呢啲退役車就會拎去拍賣所畀本地買家或者外地買家上網bit，香港好多車行都鍾意買呢啲車（有時候會同租車公司一櫃櫃咁買），買返黎化下妝、高咪數就調整下，落到香港計就係當0手車賣，但可能已經跑左10幾萬公里，發揮呢啲退役車嘅剩餘價值。

呢啲車如是者又係香港跑多十年八年，而家就一係俾人「一換一」，或著俾人拎去劏車，劏完俾人當「零件車」，逐part拆散零件賣畀有需要嘅人；或著有啲人見機件仲精神，會用「報廢車」/「老鼠車」嘅形式賣去更落後嘅地區（例如非洲、孟加拉），呢啲地區嘅二手車，總之識行識跑就得，有無冷氣都無所謂，務求跑到跑唔到為止，多數係夠60萬公里嘅貨van/柴油Van為主。

基本上汽車行業生態就係咁玩。

咁呢啲正常更換點都要做。


其實係怕日本運過黎嘅二手水貨車跑過雪地，因為落雪地區會灑鹽，呢啲鹽分痴落車底加速生鏽，之前都有人中過伏踩踩下車個油門底突然穿個洞咁，同埋架車無做防鏽都會脆過人。

感覺柴仔抵d 維修保養大家唔差得遠 至少唔使驚換大電

想問下邊一年抵玩d，聽講18後果款靜d如果買舊d既係唔係都要留番筆錢換電

靜唔靜好主觀
我之前揸16都覺得好靜
睇樣就無意思
凌志出名10年都唔改款
搵d啱啱換完電嘅就抵d

冇得自己叉電，千祈唔好買，除非係退休人士，最新嗰架Jazz好似都係講緊六七毫子1公里

咁混能最終一定係慳錢過純汽油嘅

到底係架Prius度加隻翼係想做乜鳩

我都唔知架仔諗咩,呢套包圍係有埋尾翼,30系都有

咁即係買舊款16/17基本款就最抵玩？因為之前見人佢地話18年之後升級左小小高速果時冇咁嘈先想問下有冇人實際上揸過有冇分別
仲想問下f sport 其實係唔係冇咩分別只係唔同樣？如果換電貴唔貴
唔該哂巴打