拍拖一向都唔係話你對佢好佢就對返你好架啦
你估宜家養狗咩
更何況養狗都唔係咁樣啦
成個遊戲個玩法其實你仲未明
你對佢好，咁佢需要既野係咪呢樣先
佢想要既野如果你俾到佢既
佢就唔會走啦
人與人之間
向來都唔係睇你可以付出幾多
我理得你付出無限，我無需要既一樣唔會接受
而係睇你識唔識得搵到佢想要既野
然後將呢樣野帶俾佢
睇透世事
所以真係無話邊個啱邊個錯
其實都係架
如果我係女人
有2個男人對我都同樣咁好
一個有錢，另一個窮
我真心諗啊通點解我要揀個窮
先唔計其他心理因素啦
再調返轉
2個女人都對我咁好
1個A，1個D
...............
我就覺得有無錢唔係一個因素
有時心理質素都好緊要
例如我要既係心靈伴侶
要一個可以同我傾到計 亦師亦友既伴侶
姐係同佢一齊係舒服既 可以好似朋友咁傾計 但又可以好似親人咁疼愛對方
所以就算係好窮都唔緊要 可以一齊捱 一齊面對
呢點我自己都覺得好重要
但真心可以搵到一個咁樣既人唔容易
我自己興趣係心理學同輔導所以我會比較容易做得到
但放眼望返其他人
10個都唔知有無3個做得到
我自己就係讀心理學 輔導之類都ok 所以比較重視呢樣嘢
我自己就好好彩係同系搵到一個咁樣既伴侶
講真 樓主個邊既女朋友角色我有經歷過 可能d人會覺得我好衰 之前男朋友對自己咁好都放手 唔識珍惜
但同一個完全溝通唔到 唔明白自己既人一齊 真係會好辛苦 一諗起成世都要去解釋自己到底諗緊乜 做呢樣個樣係咩原因 返到屋企無人陪自己傾計 真係寧願放手 放過自己 放過人地
其實一向都係
拍拖都係想搵一個可以互相了解到同溝通到既人一齊落去姐
但當中其實有好多野要去學
行為說話態度，互相尊重
點樣相處解決問題
點樣可以搵到合適既空間距離
點樣去配合返大家既目標期望
再到價值觀，再到金錢觀
呢個 topic 學一世都學唔完
