有無人都試過最好嘅frd走咗

前幾日朝早突然收到中學時期最老死嗰frd嘅啊哥打嚟 話佢細佬已經自殺咗

當下只係嗰腦震咗震 無話好悲傷 但嗰心就揦住揦住咁

到咗夜晚我去睇返啲對話記錄 原來對上一次搵佢已經係半年前 咁啱係我開始拍拖嘅嗰段時間 再之前嘅話通常一兩個月都會搵一次 即係我有女之後就無再搵過兄弟

有時有啲嘢唔輪到你唔信 喺發生依單嘢嘅前幾日 我行行下街突然有個諗法好想搵佢食餐飯 但由於有另外一個朋友A準備喺外國返嚟 就諗住等埋A返嚟先再約 點知就再無機會約了

我依幾日不斷喺度諗 如果我嗰日有搵佢出嚟 大家坐低食餐飯吹下水 會唔會就救得返佢呢

我明明知佢朋友唔多 又成日摺埋自己喺屋企 但凡我依半年肯搵佢一次 拉佢出街行下 嗰結果可能就會唔同晒

依家已經過咗幾日 我成個人都仲係渾渾噩噩 訓醒起身呆坐喺床邊 望望下嗰天就哭撚咗 腦入面一幕幕都係中學時候嘅畫面
嗰陣有啲咩都一齊做 玩又一齊玩 從來都係得你一個知晒我所有秘密 我有咩大事都係第一時間同你講

你老味 既然你都決定咗 點解唔嚟見最後一面呢
不過都係發下晦氣 我知你受嘅痛苦比我多好多 願你喺嗰邊無苦無痛 安息啦

唔知自己仲要幾長時間先行到出嚟 可以做嘅只有好好生存

睇緊嘅你哋如果都有個好耐無見嘅朋友 不如約出嚟吹下水鳩下

有時候人嘅崩潰真係一瞬間 唔好等到有日連一齊鳩下嘅機會都無先去後悔

Take care, don't die

Take care bro

試過有個朋友 同佢出完街
講byebye 大家分開上車返屋企

果晚凌晨就收到佢消息果晚撞車就走左
果時都有諗同佢玩多陣先走 佢就唔洗死

但後尾諗通左 整定就整定
唔洗自己格硬拎個責任上身

走左去加拿大就有

我同啲中學班fd都係，中學好fd,但依家有啲就移左民，喺香港果啲平日好少搵大家，各有各忙，係大時大節先約下食飯

有時見到ig 啲人一兩星期就去同同一班去食飯有時都幾葡萄

我曾經都有個諗法，就係等佢地移曬民之後，我想自殺

呢啲位千奇唔可以怪自己
你可以唔開心
但係唔可以怪自己唔做多少少
好快你就會怪自己無做啲乜做少啲乜
跌入呢個循環你就準備有心理病

雖然小弟好少經歷呢啲嘢
但係都係勸樓主快啲離開呢個傷心循環
快啲約吓其他老友出街好過

我自己都有咁同自己講 唔係我嘅錯 但去到最尾發現都係要啲時間去行依個過程

多謝你巴打

ig係光鮮亮麗 現實大家都係掙扎緊去生存 要撐住啊巴打

Take care

朋友因病厭世？
定係胖貓咁諗埋一邊

TAKE CARE 。。

清睇你啲回覆都覺得你壓力大 睇下貓貓放鬆下

睇到好撚大壓力

姜濤都係咁 所以寫咗首Dear my friend

唯有識過另一班fd，唔值得為咁少見面既人自殺

你fd都叫自己揀，我有個fd啱啱個女出世幾個月，去去下迪士尼忽然間heart attack就走咗，走之前一個星期先見過面，跟住我去咗旅行，返嚟打俾佢佢屋企人告知死訊，我企喺條街度嗌咗出嚟，收線已經成面眼淚。

唔好話見完，轉頭就走咗

有一個朋友，後生時一齊講，老了退休後一齊揸Harley電單車，之後冇見好多年，有一日收到消息佢走了，個人真係好down，會有幾次發夢見到佢，知佢已走，但都想問佢近況，到宜家都經常腦海有佢畫面，要用時間沖淡的

差唔多經歷
佢臨走時IG post 左D野知佢唔開心
但係因為之前圍內frd 結婚佢都放飛機有D嬲佢
所以無搵到佢
過兩日佢就走左
無乜可能放得低晒
只可以接受
個時好在有老婆陪我先捱得過

我都有諗過同女朋友傾 但唔知點開口 最尾就走咗上嚟依度

仲適應緊嗰事實 應該會愈嚟愈好

主因唔知 佢留俾我哋嘅遺言得一隻字 可能佢都唔想我哋諗太多