由黎芷珊主持的TVB節目《芷珊約您》近期開播，第二集就請來張敬軒擔任嘉賓！該集中黎芷珊專程飛到紐約直擊張敬軒的美國站巡唱，巡唱圓滿結束後，黎芷珊還與張敬軒進行深度交流。當中張敬軒不僅有分享入行心酸史，更敞開心扉激罕大談感情事，自揭拍拖次數，更直言遇到真愛就會退休！
入行逾20年的張敬軒這次在節目中，分享了當年隻身來港發展到今日成為香港樂壇頂流的故事。當黎芷珊問張敬軒入行多年犧牲了甚麼時，他就坦言：「一個內地人嚟香港（發展），你會覺得你有咩唔好嘅新聞，會好似變咗一個內地人嘅典範（代表），好多因素令我覺得輸唔起。」他續指為了保持靚聲，連最愛的酒都不敢多喝：「我要Keep住把聲仲唱到以前啲歌，咁呢啲就係平時生活上嘅約束。」
張敬軒的感情生活一向比較神秘，而這次黎芷珊就有大膽向他提問感情問題！張敬軒亦坦言開始有想被人照顧的念頭，當被問到有否遇過適合的對象時，他想了許久後答：「（呢行）唔係好識到人係真嘅，同埋（我）唔係咁輕易畀人進入到我生命。」他又自認惡頂：「譬如有protential成為情人嘅人，同一班Friend嚟到我屋企，會喺我屋企攞起啲嘢嚟睇睇，但係佢擺唔番啱個位，咁我就會行埋去擺番啱，咁就完咗喇。」見張敬軒如此敞開心扉黎芷珊亦順勢問他拍過幾次拖，對此他就回應說：「拖過一隻、半隻手仔咁啦，我係一個講將來嘅人，但一去到講將來標準就會唔同，我係冇『不如行吓睇吓點先啦』呢一種，我所有嘢都要Well Planned（計劃好）。」
而當被問到有否真正愛過一個人？張敬軒亦不諱言：「我覺得我係愛過，其實父母係影響咗我嘅感情觀，佢哋兩個係南轅北轍，佢哋到依家都係唔夾，我見到我媽嘅痛苦，嗰種矛盾到依家40幾年都係冇解決，佢哋到離開嗰一日都唔會解決得到，我唔可以畀我人生係咁。」張敬軒直言如果遇到真愛便會退休：「如果我Commit得佢係我另一半，我會同佢Share人生最後嗰段時間。」
另外節目中，張敬軒亦應黎芷珊要求爆了一個小秘密，他透露2012年時突然有一天，十隻手指無故變黑，他說：「點洗都洗唔到，仲要係入面黑出嚟，好似中咗毒咁！我係一個有疑病症嘅人，嗰時又有depression，醫生朋友即刻安排我入私家醫院，所有嘢Check完都係正常。嗰6、7日我係人生第一次覺得，如果我突然間死咗，阿爸阿媽點呢？我打電話畀我身邊嘅人安排好晒啲嘢，之後突然之間發現，嗰排着緊嘅牛仔褲點解摸完之後（對手）愈嚟愈黑嘅？原來係條牛仔褲甩色，一條牛仔褲冇咗我10萬蚊，（為咗呢件事）整咗10萬蚊呀住院！」張敬軒表示當時的「身後事」非常誇張：「我打電話畀Johnny Yim（著名音樂人），同佢講要做幾個project，叫佢幫我編曲，如是者Johnny幫我整咗70首歌，嗰70首歌係舊歌翻唱，我就錄晒。雖然牛仔褲事件已經過咗去，但呢件事好似一個炸彈，如果我突然間走咗，我剩低嘅嘢係唔夠阿爸阿媽過生活。」
咁佢慢慢等下
