有冇人都唔肯定自己愛唔愛父母

樓主話父母家長日會出現
令我諗起我老母細個時連家長日都唔想去
嗰時我唔知點解人地個個家長都好想家長日了解多啲個仔女
但我老母就唔care咁
覺得佢嘅思想好前衛
唔似一般家長咁老土
但而家大個左我終於明白點解
係因為佢從來都冇愛過我
所以我所有嘢都唔想知唔想理
所以先唔去家長日

笑撚到我, 你地啲人係咪痴撚線架?

問下自己家長日有咩值得去

日日見點會日日感動
每個人世間得幾個人係會互相無條件付出
對佢哋好啲

我相信你老母都係嗰種人云亦云
人哋生仔我又要生仔嘅人
所以其實佢都唔係好愛你
你唔使咁愛佢 當普通人就得

我媽係愛我嘅，佢對我嘅愛，我會用犧牲黎形容。佢有一個唔愛佢嘅仆街老公，出去搵女人又搞到一身債，但因為唔想影響我成長忍住唔離婚，仲要冇透露過真實情況俾我聽。佢將所有時間心機放晒響頭家度，所有開支都係佢包辦，物質方面，我直到大學畢業前都冇擔心過任何野。今日做人處世，有好多想法依然會有佢嘅影子。

所以，我良心上，覺得我係欠佢好多野。

但係佢有個問題，就係極度固執。從來唔會覺得自己有錯，自己嗰套睇法一定係正確，基本上唔會聽人講野，同埋事事管。如果唔聽佢講，唔接受佢好意，話佢錯，佢就會俾一個委屈野你睇。

我老婆同個仔好多事情同佢睇法有好大出入，所以關係好差，我成日都被夾響中間。已經表達過好多次佢應該要講少句，聽下人睇法，唔好comment，無果。

要抱怨都唔係淨係呢樣。當人慢慢成長，我傾向唔會講任何自己嘅事俾佢知，即使絕不傾偈，因為佢一定要有意見，然後我唔想聽。

我嘅sibling 話我知，我媽其實一直都有精神問題，要食藥。佢叫我對返佢好d, 搵下佢飲茶都好。

係，我覺得自己有欠佢，佢需要人陪，但係我真係唔想同佢相處，因為真係好煩，一d都唔舒心。

我同樓主都有相同嘅疑惑，但我最近都多咗諗，你係為我犧牲咗好多野，但你又何嘗唔係令我覺得心煩呢？

成日覺得關係唔差，但係又唔係好到咩都講得咁