有冇人都唔肯定自己愛唔愛父母

小學嗰時唔係好乖，阿媽兩日就會打我一次
輕則純打，重則丟晒我返學嘅嘢同我個人出街
有幾次都係老人家睇唔過眼開門俾我
成日匿埋喺廁所喊，仲唔敢喊得太大聲
放學唔敢返屋企，但遲咗返屋企會鬧得仲甘
（佢喺親戚面前係好自豪體罰呢樣嘢）

阿爸要返工，同佢講佢都只會叫我搵返阿媽

上到中學冇再打我，但冇關心過我校園生活，得家長日會出現
有次發燒起唔到身，佢鬧我扮病，趕我出門口返學
冇乜零用錢，好少同朋友出街
屋企人之間唔會慶祝生日、閒話家常、成家出街玩

屋企係有供我讀大學
我問過要唔要關窿，阿媽嫌煩拒絕咗

係，我好感謝屋企養大咗我
所有要靠屋企嘅費用都有幫我出
我知比起好多家境更不堪嘅家庭我已經好幸運

而家我就嚟30歲自問都係一個善良正直嘅人
但搬咗出嚟實在唔太想主動同屋企聯絡
有時兩日冇覆佢（主要係問我攞錢）
又會好惡咁屌我唔覆機啲童年記憶即刻返晒嚟

有冇人都會諗，覺得自己愛阿媽係咪只係因為佢係我阿媽
雖然會俾家用佢，同佢慶生
但我從來唔會掛住佢，亦唔想同佢分享自己嘅事
我係咪就係佢哋想養兒防老先出到生嘅人類

「我知比起好多家境更不堪嘅家庭我已經好幸運」
其實唔知點解個個都要咁諗，不幸就不幸，不堪就不堪。無需要比較邊個差啲，而壓抑住自己嘅唔開心

「我係咪就係佢哋想養兒防老先出到生嘅人類」
坦白講，似係

on9 點解要愛 有工返即刻搬走啦

你覺得老豆老母愛唔愛你

當你唔肯定既時候姐係唔愛

嗚啊多謝你，好需要聽到呢一番說話
個社會一直教你要知足同知恩圖報
有時會忘記咗自己都有權唔開心

唔需要感謝佢養大你
佢本來就有責任養大你
冇咩好感謝
冇盡到責任就要屌
有盡到責任都只係本分

大學住宿舍，到打工儲到錢就即刻搬走咗
仲要冇正式通知家人，默默睇盤、睇傢俬
帶少少隨身行李就直接走撚咗

啲人好鍾意講「你已經好過好多人」
其實句嘢係戇鳩，唔通慘都要鬥？最慘嗰個先有權唔開心？
件事發生喺你身上，冇人可以否定你嘅任何感受

父母問題 一律重溫周凱亮

我希望係唔愛/唔太愛
唔想相信世界上有人會用咁錯嘅方式去愛自己嘅小朋友

多謝你好多人需要被提醒
所以我而家都只係定時交家用，好少其他交流
你盡咗你嘅責任，我盡返我嘅

掠奪型垃圾父母要唔要都無所謂 冇車冇樓冇錢唔煮飯 仲成日要加家用

垃圾思想做乜都驚驚青青，自己已經垃圾 仲要灌輸埋啲垃圾思想俾自己仔女，居屋好平嗰陣叫佢哋拎公屋出嚟抽居屋，又話住公屋不知幾好 有錢執都唔識彎低要執 滙豐廿幾蚊叫佢哋買 都驚撚死 真係及早出嚟住遠離垃圾父母

屌連濕鳩阿媽都可以撞款
我老母見到啲細路喺街lur地
一定會講「俾我就打到開花，我唔會俾呢啲嘢發生喺我屋企」

搬出去有無比說話你聽

冇返屋企兩日已經電話屌我，由細到大都一嚟就鬧咗先
唔想抹晒面所以有返老家瞓一兩晚
之後問我成日唔返屋企係咪做犯法嘢（唔知咩邏輯）
我驚佢報警，先同佢講租咗地方

我成日同人講，我而家唔係要鬥慘，我覺得我慘就夠

社會教你做好人，因為壞人們要勞役好人

btw 你情況同我差唔多，我一d 都唔愛我父母，佢地只係養兒防老，你都唔需要愛佢地 還返d 讀書養你錢 就斷關係

愛係雙向
屋企人細過愛過你嘅話 你就會愛返佢一世
如果佢打/兇過你嘅話 都會憎佢一世
唔愛你屋企人係無問題 因為佢地都無愛過你

每個人為自己負責任就得
佢有得揀生唔生你 但你無得揀出唔出世:~

我同樓主你情況好類似，只能夠講，有時唔去諗呢D問題，人生先可以比較安心咁過。

既然你現在 覺唔愛
就做自己鍾意野 唔好諗佢地

有時唔見 再見返時候 可能冇野

搬出去都應機你都幾好人

真
搬左出去其實可以電話都唔洗聽啦
點解要聽佢鬧你？
直接 cut 線啦

其實你媽咪成日鬧你，
你都可以反擊
唔需要逆來順受囉

同你一樣

我而家一個人喺外國，一個禮拜同佢傾一次電話
雖然得一次，但都覺得好煩
每一次就問我去咗的，喺到check我，同細個一樣（仲癲到wtsapp我屋主有冇返屋企瞓）

講真佢次次打嚟都會講對唔住，又問我掛唔掛住佢又話覺得係由細逼得我太緊要所以我先走去外國，但我覺得你再講再多嘅對唔住都於是無補，受咗嘅傷害係一世

重點係我都唔覺得佢有醒覺過

樓主唔洗覺得愧疚，有啲人注定同屋企人緣薄，過好自己生活就好

唔想巴打後悔，因為有啲人唔識點樣表達愛，真係好多人