有冇人都唔肯定自己愛唔愛父母

係呀
打者愛也

人地有責任嘅事都唔代表自己唔需要感激嘅
人地有盡父母本份，咁你咪盡做仔女嘅本份

如果知佢係愛自己 只係唔識表達 或者用錯方法咁點
每次都想盡下孝心報答下老母 但一坐低同佢食飯就覺得好難受 話不投機半句多

我完全明白

但同時會覺得，咁點解生我出嚟之前佢唔可以學習點表達先
點解因為佢嘅「唔識」，痛苦嘅係我？
體罰到底係佢發洩情緒+廢時花心機教，定真係因愛而致嘅教育？
唔係應該會諗「我個仔俾我打到喊晒，都冇改善，不如試下用其他方法去教」

親子關係好多都係因果造成
我都好想相信佢係愛我
但父母用錯嘅方式對待我，仲要我理解返佢，對子女嚟講好唔公平

我都會糾結同樣嘅事
老母得一個，邊個唔會幻想同佢相親相愛
如果你知佢愛你嘅，試下用其他方式錫佢？
帶佢去玩、買野俾佢、整啲嘢食放佢到
唔需要逼住傾偈，但可以表達你對佢嘅關心

巴打你係咪移咗民？定去讀書
隔住個海都仲要管真係好癲
佢可以道歉，你都有權唔原諒

算係移咗架啦但對住佢真係心很累
我覺得原唔原諒佢都已經唔重要
重要係 我想過返自己嘅生活

比我真係唔會理佢，一定講句唔想講野就收線就cut佢，點解要比佢繼續晒我時間。自己唔通感受唔到咩。講真對我唔好唔洗諗住有家用，餵狗都會比佢。對我好，唔問我拎都會比。不過你跟自己感受啦，你覺得辛苦唔值得冇意義，最後都唔會做。

我係丫
我都有俾家用 同佢慶生 見面都冇dead air
但平時有乜都唔會諗起佢
佢打過黎/ws都嫌煩
其實我已經確定咗係唔鍾意佢㗎啦
但做下樣都要嘅

你都幾好人屎喎

都唔內心事
呢D係屋企人既問題
除非屋企人改變

人在外地，老媽子每隔幾日就打電話比我，但我打返去既次數5隻手指數得哂前幾日佢打比我果陣，臨收線前唔覺意叫咗句媽咪，跟住佢即刻眼濕濕話：仔你差唔多成年冇叫我「媽咪」啦，當刻即刻覺得自己好不孝

唔知係咪我係男仔既關係定點，我真係冇乜點掛住屋企人，我都唔知我係咪愛佢地但佢地係好錫或者so call好保護我既。

正常架, 男人天性鍾意獨立生存, 喜愛自由. 所以你搬左出來係會抗拒同父母聯絡.

唔好睇咁多TVB, 係裙腳仔同廢人先會成日痴住老豆老母.

我叫我而家返香港長住我一定唔制，住得又細又冇獨立空間我都唔明我點解可以捱到廿幾年。有時我都有怨吓父母點解唔放資源栽培吓我，但我都好彩既係佢地冇點比壓力我。

居住環境沒有比較沒有傷害

我現在住父母隔離座，好多時寧願食雙餸飯都好抗拒返去食飯 唔想依賴佢地亦想自己一個靜靜

搬左仲比家用都on9
樓主係咪由細打到大
打到傻撚左
正常叫兩老資產轉移比自己
叫佢地拎政府福利
之後就永不聯絡

我老婆成日叫我多啲返去搵父母食飯

因為佢呀哥都係咁，又係對父母個邊無乜留戀，無咩事就唔會出現，結果關係愈來愈唔好，間接影響埋婆媳關係

到佢大吉利是去左你就會知

屌你老味, 三十歲人重講乜柒無父愛無母愛, 長大啦仆街

咁有鬼用咩

咪又係得個知字
哦 原來係咁 所以非洲係非洲
有冇得將非洲變澳洲先