一支公 川西自駕 四月的雪山盛宴

我四川見到啲人揸車就好守規矩，甚至好過香港。可能因為周圍都係CCTV

城市個d亂鳩咁黎 隧道都任cut

第五日 惠遠寺、墨石公園
離開丹巴後，就進入草原，渣車舒服、安全好多，冇咁大地震威脅。景色亦完全唔同晒。



響草原第一個景點係慧遠寺，寺內充滿濃濃嘅藏族風情。寺廟唔係好大，遊人唔多。我渣咗好耐車，落車行吓，好舒服。

之後就去咗墨石公園。呢度值得一行，啲岩石顏色隨著濕度改變，越濕越黑，好特別嘅自然風光。



黃昏就去新都城住宿。
新都城係比較的鎮(位於川西交通要道），食住選擇都好多。

晚飯方面，我就去咗間比較大間嘅藏式餐廳。住方面，因為係淡季，用$188 租咗間高檔民宿（其實似小型酒店）。我第一次住有地暖嘅房，好正。 之前三晚住宿的地方冇地暖，室內氣溫得12-14度，要著好多衫。

響新都城，明顯睇到內地嘅生活條件提升咗好多。只要你出得起錢，就算去到川西山區，食住都可以唔錯。

用車方面都反映到呢樣。好多內地遊客開 Toyota RAV4, Prado 四驅車。開國產硬派越野車坦克 300 都唔少。好似我咁開房車，反而係比較少。

好靚

我響川西，啲人都係響隧道cut線 。不過，佢哋就隔到好遠先至cut，冇影響到我嘅安全

新都城係 比較*大 的鎮 (位於川西交通要道）

川藏好正

等川藏鐵路全線開通，試一次玩去林芝

正👍🏻
邊度？

第六日 折多山觀景台、康定

玩咗五日，有啲疲倦。見到住宿嘅酒店好舒適，呢一日早上就放慢節奏，當係休息，好遲才起程往下一站 - 康定。
離開新都城，就好快又進入峽谷，再次上落山。途中經過幾個觀景點，其中最多野睇係折多山觀景台。走這條路線就是著名的318國道，由上海接達西藏。上落折多山埡口要經過多個 Z 型髮夾灣。落山時特別刺激，好似打機咁。



在318國道的景點到處都是「318 此生必駕」這口號的標誌。後來，我都買返一頂帽記念吓這個旅程。



折多山觀景台海拔已經是 4298米。我行咗一個小時上到隔離的山峰，又行到索氣。該山峰海拔 4556米，是我是次旅程的最高點。當時有點頭痛，應該是輕微高山反應。我在整個旅程都不需要吸氧氣（當時不少遊客都要吸），可見防高反藥發揮功效（我只在首三天服用，當時已停藥）。



黃昏就去康定巿的新區住宿，選了一間於高樓的民宿，每晚只是$84，居然有地暖，實在喜出望外。從本地人口中得知，這是標配。不知道是新酒店、民宿的標配，還是包括埋民居。

第七日 木格錯景區 - 康定情歌的發源地

根據天氣預報，當天海螺溝天氣不佳，所以我改去康定巿附近嘅木格錯景區。「錯」字在藏文代表湖泊。
景區重點是高山湖泊，聲稱是康定情歌的發源地。這裏的景區車安排跟雙橋溝、海螺溝一樣先將遊客送上最高的景點，然後遊客就向下行/搭景區車玩下面其他景點。
木格錯的景點有湖泊、浸腳溫泉、峽谷、樹林。景區入口有一大型溫泉酒店，當然係另行收費。
這裡的景色不及四姑娘山雙橋溝。不過，用來攝時間都 ok，在峽谷、樹林中散步都好舒服。
玩完木格錯，下午又要開咗長時間車，才能到海螺溝景區前的磨西鎮住宿。

回顧行程安排 -

玩川西小環線有一個很難做到兩全其美的決定。到底順時針玩，還是逆時針玩？這路線最精彩的雪山在一頭一尾，四姑娘山雙橋溝及海螺溝。
我襯著好天氣，行逆時針，先去雙橋溝。它是最精彩的，景色亦多元化，有雪山、峽谷、草坡、河流、小湖。結果，其他後面相似的景點就被雙橋溝比下去。
若果順時針玩，將雙橋溝留到最後，屆時又難控制能否在好天氣的日子進溝看雪山。

第八日 海螺溝

海螺溝不單有地球上同緯度海拔最低的現代冰川（位於海拔2850m處），它又赤裸裸展示了川西地震的威脅。
別以為 2008 汶川大地震已釋放了川西地下各斷層所藏著的能量。
於2022年，海螺溝所處的瀘定縣發生 6.8 級地震。別少看6.8這個級數，該次地震共造成至少93人死亡，另有25人失聯、至少423人受傷。當親身行過川西線，就知道在峽谷裡，地震所引發的山泥傾瀉、落石會有多大殺傷力。
說完沉重的事情，又說下玩樂方面。
海螺溝景區提供了機會，讓遊客從不同角度、距離欣賞冰川。這是川西小環線各景點獨有的。門票收費亦同樣「壯觀」，單是門票、景區車、纜車已經是$360。景區還有森林步道、浸腳溫泉、溪流。可以玩大半天。



下面灰灰、泥色的是冰川


又係由最高處行棧道落去其他景點玩


落到 2800米可以見到冰舌，中間灰灰藍藍的就是 (地球上同緯度海拔最低的現代冰川)


旅遊攻略講，海螺溝每天早上十時多就會起霧，所以早上八時就要入景區看雪山、冰川。
我之前講木格錯的浸腳溫泉、景區入口一間大型溫泉酒店，應該是在海螺溝。搞錯咗。
離開海螺溝，就代表我的川西山區的旅程結束。瀘定縣有高速公路接達，接著我就全程走高速公路，前往廣漢巿三星堆博物館的方向。我中途在雅安巿住宿，將往廣漢巿的路程分開兩日行，避免過勞。

第九日 三星堆博物館

這博物館很熱門，我去當天又臨近清明節假期，所以很多遊客。大家記得要早幾天用微訊預約。

這博物館很值得去。它令我感受到古蜀幾千年前已有一個獨立於中原的偉大文明。這裏藏有世界最大的青銅器文物（青銅樹）、最長的金器文件（金杖）。貌似外星人的巨型青銅面具是最大賣點。

參觀完後，就去番川西小環線的起點 - 都江堰市。

世界最大的青銅器文物（青銅樹）


世界最長的金器文件（金杖）


貌似外星人的巨型青銅面具

第十日 青城山

當日剛好是清明節正日，都江堰上午有「放水儀式」，暫停開放，於是我就去了青城山參觀。

青城山是道教勝地， 但是我不是道教徒，亦對道教沒有什麼認識。對我來說，這些道觀跟我在香港、華南見的分別不大，所以這裡的趣味遠不及三星堆。青城山的自然風光唔錯，但跟華南的亦分別不大。我都費事俾大家睇相。

第十一日 回港

本想先參觀完都江堰，才去機場。可惜，遊人太多，找停車位也花了不少時間，只好取消有關參觀。幸好用微訊取消預約，可以退款。

回到機場一嗨租車公司還車很順利。

完成十幾年來第一篇油雞

喺連登好少睇到大陸遊記 幾有趣 支持！

岩岩響連登見到有三、四篇好正既西藏油雞, 所以襯吓熱鬧出川西自駕

油費total幾多？

海螺溝地震完個景差好遠

我諗係季節因素影響多D。
你幾多月去?當時山上氣溫幾多?

我冇計.
按里數估 - 全程1400公里，當 8L/100公里, $8/L
14*8*8=$896

屌你老母死返去香討喇

比香港平太多
不過下次可以試下電動車
聽講喺大陸揸電車仲可以將油費減2/3