一支公 川西自駕 四月的雪山盛宴

十多年來第一次寫遊記, 回饋吓香討各位網友。希望唔會爛尾
樓主背景 -
- 行山撚。能夠應付香港3*/3 的行山徑。今次去川西主要是想行下當地的高山 (在景區內行)。
- 平時在香港經常開車。第一次在內地自駕。
- 一個人獨遊。
- 路線 — 川西小環線 (其中一條)。

準備篇 - 預防高山反應的西藥
由於高反有一定風險 (有同事的親戚因為高反，在西藏旅遊時去世)，加上是我獨遊，沒有同伴互相照料，風險較大，因此決定事先吃藥。
購買 -
我找睇開的普通科西醫開藥。似乎他也不太認識，居然開藥的份量居然是我總共在高原的日數 X 250mg X 2。
這個醫生建議的份量跟我在網上查的幾份資料不同。網上找到一些醫院提供的資料，都是建議出發前一日開始服用，每日兩次，每次 125mg (半粒）。抵達後高原後，繼續服用兩日就停藥。最終我跟了網上這些資料去服用。
我去了屈臣氏藥房配藥。藥劑師不單要醫生紙，還要登記我的住址。藥劑師說，全香港防止高山反應的各種品牌西藥，內裏都是同一種成份 (Acetazolamide) 。
我在途中遇到一個香港的遊客。她在藥房散買一隻叫做海拔適的西藥(港產)，不需要醫生紙。
由於是散賣（若果買一盒，數量會太多），沒有附說明。藥房職員叫她每日吃一次，每次250 mg。

實際效果 -
我入高原首兩日有輕微反應。食止痛藥+飲保礦力搞掂。
我見天氣預報連續有兩日有太陽，所以提早了入山 (趕去四姑娘山睇雪山)，所以只能提早12小時食藥。
去四姑娘山玩第二條溝 (長坪溝) 時已經是第三日。雖然行到有點索氣（沿棧道向上連續行咗2.5小時（跟住就折返）），但是已經完全沒有高反 。
去到第6-7日，去折多山遊覽時候，由觀景台4298米，行了一個小時上到隔離的山峰頂，又行到索氣。海拔4556米。當時就有頭痛輕微症狀。又係食一次止痛藥搞掂 。
全程沒有吸過氧氣。

From BMJ - 每日250 mg、500 mg、750 mg劑量的乙醯唑胺對於預防急性高山症均比安慰劑更有效。有證據表明，每日 250 毫克乙醯唑胺是預防急性高山症的最低有效劑量。
https://www.bmj.com

急性高山症 (AMS)/高原腦水腫 (HACE) 預防：指導劑量： 125 毫克，每天兩次，
口服 AMS 治療：指導劑量： 250 毫克，每天兩次，
口服 備註：較高劑量（1000 毫克）適合快速上升，例如在救援或軍事行動中。
應在登山前 24 至 48 小時開始給藥，並在高海拔地區持續 48 小時，或根據需要控制更長時間以控制症狀。
根據荒野醫學會共識指南，雖然較高劑量是有效的，但它們會導致更頻繁和/或增加的副作用。https://www.drugs.com

各景點海拔、距離

裝備篇 (只列出有用的)
- 全程最凍係晨早入四姑娘山長坪溝, 當時太陽未晒入溝. 估計係 -1, -2度.
- 上身 附帽既 Uniqlo 薄羽絨、防水外套(有需要的時, 套在薄羽絨外)
- 下身 棉外褲 + 長貼身跑步褲打底 (發覺呢個組合最好，行到熱，就除咗面褲)
- 下身 另外帶了 Uniqlo 保暖打底褲作替換
- 行山鞋 (好焗, 不過今次岩晒) + 冰爪
- 保暖手套
- 潤膚膏 (我帶唔夠。高原好乾燥)
- 闊邊帽(防晒)、cap 帽(保暖)、太陽眼鏡
- 應帶, 而沒有帶的 - 口罩(天氣冷時, 防止吸入冷空氣, 搞到不停流鼻水)、耳罩/可以為耳保暖既帽

租車篇
- 幫襯 "一嗨租車". 唯一不滿是沒有事先清潔架車. 其他服務都好滿意.
- 成都天府機場借、還車.
- 租了一架日產 1600cc 房車. 其實, 應該至少租 SUV, 因為車身較高, 方便行碎石路+繞過落石. 因為經常要爬山、過山埡，若果人多，建議租大一點馬力的車。
- 租10天的費用 $2200 (我挑了最貴的保險 plan). 不過, 我當中改過還車地點, 又暫時加多兩天, 所以會貴了一些. 若果直接租10天, 機場借、還，應該大約 $2000.
- 要自備手機夾架 (租車公司提供的不能同時充電. 好在自己帶咗)
- 我即日去買了一條 type C to type C 充電線. 車上用.

自駕篇 -
有一天全日入去四姑娘山雙橋溝玩，沒有開車。扣除這一天，整個旅程，平均每日開車160公里。每日開2-3小時 。
適應咗在大陸駕駛之後，行高速好輕鬆，但係入到山區 deep V + S 型峽谷、來回各一條線，一個人開車都幾疲累，因為要好專注。要久不久就休息一下。
呢啲川西山上嘅路係有對頭車 + 唔少大貨車行，久不久所以要爬佢哋頭 。
對頭車又係不停有人爬頭，即係行咗入我條線 。
呢個川西自駕係另一大挑戰 。


玩完折多山觀景台之後，長時間落山，z 路 / 髮夾灣。由4300米嘅埡口落山 。好似打機咁，好刺激 。

LM

第一日

下午才到成都，因為未習慣在內地開車，唔想夜晚開車，所以取車之後就開去距離機場一個多小時的城市住宿。

一離開機場第一件事就去入油。$8.x / L，入 92油。價錢係香港一半（入到滿，入咗⅝ 缸，只係$200）。開心到呢

跟住就俾高德地圖 fake 咗, 要穿過一個小鎮極繁忙嘅街道，幸好只是十幾分鐘。原因係，油站位於一個新區， 原有的道路唔知點解被人欄住，所以要繞道。

在我整個旅程，高德地圖整體幾準，只係呢一程出問題。

高德地圖會不停提醒有冇超速，幾時有捉快相、轉急彎等。對自駕遊好方便，係必需嘅。

普通話聽力唔好嘅人可以用百度地圖，百度有廣東話導航。另外，出發前兩個地圖 app 都要先下戴四川省的離線地圖，因為去到高原有些地方會收不到電話訊號。

晚飯方面，我去了該巿內一個大商場鋸牛扒，可惜味道一般，肉質好鞋。之後在高原食的氂牛肉都一樣。

住宿方面，我揀咗一間民宿。它是位於一個小區內的高樓大廈其中一層樓。泊車在地庫停車場。找停車場、民宿，要花費些少時間。

唔熟識內地情況的人，最好都係搵番正規酒店。它們的停車場、酒店前台般都在地面，易找很多。我在旅途後段都多挑這些住宿。

想去

第一晚晚餐. 第一日響大陸渣車, 未習慣, 都幾攰.
因此, 搵咗間企理D餐廳食飯, 好好休息吓.

Go go go
Join local tour 的話，四日搞掂，成都出發 。

留名

冇人想睇你返大陸啊

香討各位網友會支持你

樓主好癲，我之前搭大巴去過川西，條路都幾牙煙，真係唔敢冒險自駕

我見連登近排有幾個西藏嘅正 post, 所以就 post 埋我個油雞黎呢度，湊吓熱鬧

成個trip不停咁行山，為乜？

你自駕好勇十二月我去雲南，諗住包車算

巴打，你而家去到邊啊？

我都去過嗰度幾次，去到當地搵馬騎，條氣同隻腳都冇咁傷

想自駕遊多啲
近排都有喺廣東一條友租車周圍去下，以後有機會再去遠啲

毛牛肉正到咇精 見到佢地就想食
樓主有冇去色達

自駕遊，都唔係行好多
最多嗰日係去清城山，行30,000步