毒L遊日本—東京仙台福島

Dark tourism 真係好有意義上次去完仙台嗰間荒浜小學都好震撼

真 前年一開關都揀左去仙台睇呢間小學

Day 5續

返返去雙葉站
車站附近就係復興住宅 仲有診所


搭常磐線返仙台 中間喺原ノ町轉車


浪江買嘅莓大福
同埋喺全城館樓下買嘅 family Mart限定士多啤梨小岩井
呢間亦都係附近唯一嘅便利店


仙台到着
第一次嚟呢度就鍾意
市中心唔係好大 但係多嘢行 而且遊客唔多
下次嚟都想去埋小學


住almont hotel
都係一般單人房大細


第一餐一定係牛舌
本身想去站前商店街嗰邊搵一間食
但係都好多人 最尾去咗東山



一個course滿足幾個願望 有水煮 燒 生薑燒
唔同口感同調味都有
燒牛舌真係好好食 空口食都好正

食完飯喺商店街行吓 見到有電車go就玩咗幾鋪

是日甜品

唔記得留左名未
留名先

我上年去石卷市門脇小學開始睇震災遺構，睇到好心噏

上年都有去, 成個操場放哂D沖爛哂嘅車

lm

lm

架扁咗嘅消防車

喺仙台買宮城縣出產啲士多啤梨真係好好食
屌打東京買嗰啲

Day 6 15/1

是日早 喺仙台站搵咗間Cafe食
芝士咖喱三文治 辣辣地幾好食


今日去狐狸村 本身諗住搭東北本線過去 反正坐新幹線去都要慢慢等成個鐘巴士 點知去到仙台站見到強風運休
架やまびこ新幹線仲有5分鐘就開 即刻跑去買飛


0859入場 0900發車 差啲以為趕唔到


白石藏王到着


東北PR廣告 東北真係好靚 下次會再嚟

喺站入邊Hea吓

附近其實冇嘢好行 都係去返站入邊坐低等巴士



架巴士原本係1010開車 最尾1016先嚟到 然後逐個上車買飛 最後1027先開車
最近睇返巴士同埋新幹線時間表都改咗 唔使等咁耐同埋有多啲時間喺狐狸村玩🥹


架車去到一半要褪車 改道走


1115先嚟到 回程巴士準時1205開車

好得意好想留耐啲

然後就有個傻仔Miss咗架巴士 要搭的士走 搭的士要攞籌排隊 咁就5550羊


好彩追得返班新幹線


去到仙台轉仙石線去塩竈食壽司 搭中マンガッタンライナー 仙石線亦都係JR首都圈以外唯一用直流電嘅路線 所以用來自東京嘅205


Pokémon 渠蓋


好食💕
甜品係蘋果雪葩 好香蘋果味 最後喺隔離菜檔買咗宮城嘅士多啤梨


食完飯繼續搭仙石線去松島

Day6 續


松島海岸到着 日本好鍾意呢啲木條子

上觀灡亭要俾錢 不過唔係好貴 其實都OK

周圍行吓 不過因為強風所以冇得過橋


買咗個炸咖喱蠔包 都唔錯


去咗雄島嗰邊行吓

俾咗錢入松島離宮 入邊有個地質展 記得有個好舊嘅Flight sim

樓下有燈飾 但係開始大雪 冇乜機會睇 整體嚟講覺得可以唔使俾錢入嚟

晏晝落車嘅時候乜雪都冇

返到仙台 去咗青葉通行AEON 最頂全層都係book Off 本身以為唔係好大 但係之後返東京行咁多間都冇呢度多嘢 買咗架東京迪士尼限定嘅Tomica

仲係好大雪 後來先知係今個冬天仙台第一場大雪

夜晚食餃子 應該係自己包嘅 皮好薄

是日甜品 都係明治💕

請問係邊到報local tour?

福島個團喺Real Fukushima
上返佢哋網站就搵到

Day 7 16/1
是日早餐 almont 嘅早餐真心高質 個奶好正 仲有海鮮丼 好多仙台特色

尋日一直落雪 第二朝已經變咗白色仙台


報咗個團去銀山溫泉同埋藏王樹冰 搭架29座巴士


雪地之下條路比平時塞


一路向山形出發

借咗JA個廁所


士多啤梨行情

買咗支蘋果汁上車飲


周圍全部都係雪


因為塞車遲咗 所以食嘢先 之後再落銀山溫泉
喺尾花澤附近嘅大正浪漫館

東蕎麥麵西烏冬 午餐係蕎麥麵配天婦羅丼


蕎麦茶 好香又特別


呢個樣一睇就知係Creamia 好食


臨走仲有黑糖大福 呢餐絕對唔差


山形其中一樣特產係西瓜
順便試吓西瓜大福 西瓜味唔算重 不過幾清新


食完飯就搭shuttle 去銀山溫泉 大概3-4分鐘車程

再加D information
如果想參觀核電廠, 佢一個月都有開一團
只不過要提早搞+個團會冇咁多時間帶你去周邊地區 ( aka 比較趕 )

去青葉通竟然唔搵佢？

Day7 續


落咗車之後 要慢慢行落斜路先到銀山溫泉


其實幾靚 不過交通都幾麻煩




最出名就係呢幢能登屋 話係千與千尋油屋嘅靈感來源
唔算好大 條街行到未來回可能半個鐘到


要攞溫泉水暖吓手


上返車去藏王樹冰 喺高速公路上面去到一半前面撞車 要褪車走

喺山腳搭纜車上去 不過淨係搭到去中間 山頂嗰段因為強風運休


慢慢上山 喺纜車睇其實唔係好清楚 本身隔咗層玻璃 加晒能見度麻麻


架纜車

中間都有樹冰睇 唔算好多 但係都靚 嘅不過真係好凍


等纜車落山嘅時候候飲個粟米湯暖吓
落返山就返仙台啦


仙台站嘅AER頂樓咗個展望台 亦係全仙台最高嘅建築物


S-PAL樓下有間專賣士多啤梨甜品嘅舖頭
試咗個士多啤梨撻

仙台站咁啱擺緊藤子不二雄90周年Pop up Store
買咗2支JR會場限定 Sarasa
點知兩支一樣色 之後行過想再買都冇


未肚餓住就周圍行吓 仙台站呢邊幾好 舖頭又齊

喺站前商店街搵咗間漢堡扒食

飲品係士多啤梨牛奶

甜品係士多啤梨芭菲

為咗呢個File行到差唔多半個鐘去超市買朱古力

慢慢行返去

公園中間有個雕像

仙台三越

仙台歌舞伎町


早幾日上過去嘅AEON

最後買咗包奶

Day 8 17/1


朝早搭車去摘士多啤梨先

嚟到常磐線嘅山下站

附近都冇乜高樓大廈


超市啲壽司幾吸引 都係今朝先pack


買咗個鐵火卷


嚟到Ichigo world

2300羊 大概摘咗40分鐘

比咗朱古力醬同煉奶點嚟食

臨走買咗包 2000羊
返香港喺果欄都有見過宮城士多 大概$120 2包 不過冇咁大粒嘅

行返去山下站

搭車返仙台 常磐線701系

喺仙台站買咗個芝士撻 個餅皮好食 都幾香 唯一敗筆就係唔係熱嘅

之後喺仙台站附近行吓就南下去会津喇

留名支持

Day8 續


喺仙台站東口呢邊行吓 主要都係民居


路過仙台市交通局巴士廠
2003年嘅Hino RJ


嚟自橫濱嘅日柴 四月已經退咗役啦


對面就係西口


冇機會見到呢架


出發去郡山 都係E5


買咗個飯團上車食 呢隻薑味幾重

去到郡山轉磐越西線
郡山站新幹線嘅發車音樂係Greeeen 嘅キセキ
而家先知Greeeen係喺郡山出道嘅


搭E721系

会津若松到着

首先喺車站搵嘢食 会津名物鹽拉麵同埋炸豬扒丼 雖然係迷你版 但係炸豬扒肉都幾多

只見線冇咁早有車 所以去鶴ヶ城呢邊睇吓先
雪景配白色嘅鶴ヶ城 真係好靚

慢慢行去西若松搭車 一路行係好舒服嘅地方小鎮感覺

咁啱撞正放學時間 兩卡車都企滿人

只見線係冇IC嘅 一定要買飛

帶我過嚟嘅E120+キハ110

会津宮下到着

住喺奥会津のんびり館 類似民宿咁 屋主係一個婆婆嚟嘅 用簡單嘅日文都勉強溝通到

入邊用呢啲爐取暖

晚餐 味道唔差嘅 不過就已經準備好 唔熱

夜晚食今日包士多啤梨

Day 9 18/1


早餐係民宿婆婆準備 跟住出發去影只見線

兩班車喺会津宮下交匯

好多台灣人嚟


一日得一班嘅巴士

係一架好新嘅Rosa


上嚟呢到休息站

上展望台條路都幾跣

比想像中少雪 冇乜冬天嘅感覺 可能係宣傳圖太靚

有四五個台灣人一齊影

沿路行返去休息站


買咗個玄米糰子 都唔差

呢度有得吸印 但係冇帶簿



慢慢行落山

經会津西方呢邊行返去

慢慢行吓 都幾舒服

今次冇影到三兄弟橋 下次會再嚟

附近都係得間便利店 幾間舖頭 學校



返民宿攞返個袋就走啦

臨走前食咗個咖喱炒麵 好大份 埋單嘅時候 個婆婆仲俾咗幾粒糖

搭返只見線走

搭咗個零鐘頭 返到嚟郡山

去咗隔籬超市食Mister Donut
Godiva系列好好食🥹

講起福島點可以冇桃

之後就喺市內行吓

淨係喺B位影？有冇上去C同D？

我嗰日去冇曬貼紙俾我貼

淨係呢個位