[四月新番] 魔法科高中的劣等生 第三季

或者成個雙七篇簡單講解下
故事背景入面魔法師基本上算係調整者，特別係冠以1-10既數字做姓氏既十師族可以算係「最高傑作」，每一間研究所其實有自己擅長既研究方向，例如「十」就係專精防禦

七草雖然係第七研出身，但其實前身係第三研，具體係點轉場由三去七就唔太記得，但對七寶黎講，七草基本上就好似中間加入偷走成果再搶走左屬於七寶既十師族地位（事實上係冇呢回事，十師族唔一定要齊晒1-10既數字，而冠以呢個姓既一共有28家，會定期去選有資格擔任十師族既家族，故事開始齊晒1-10反而係特例，換言之只係七寶家廢所以比唔上七草家）

七寶琢磨就係對十師族有異常既執著，仲係專針住七草仇恨佢地既人，所以就俾人利用去搞事，具體手段就係利用今集一開始個女演員係到吹捧佢等佢以為自己好撚勁之類，再煽動一下佢佢就會搞呢樣個樣，故事一開始達也兄妹就俾個女演員話係七草派既人，所以對佢地冇咩好感，總之七寶就好睇七草唔順眼之餘又覺得自己好威

而反魔法主義既人利用媒體想打擊魔法師，而七草就想利用呢點去打擊四葉，所以就安排反魔法師既議員去參觀一高，本意係想話魔法大學有好多學生加入國防軍，而一高又有好多人讀大學，想指控一高係國防預備軍，打住解救年青人既名號想令一高同國防軍分開（七草想打壓四葉而想爆料達也既身份；而反魔法主義既人就可以削弱日本既未來軍事力量）

達也就利用呢點做恒星爐實驗，咁佢地就只能照直報導一高既學生為能源問題作出貢獻（畢竟事後有大人物警告過佢地），而七寶事前知道呢件事係七草接手既（指反魔法主義人士利用媒體打擊魔法師），所以誤會以為係七草雙子利用達也解決問題，所以當全校讚揚緊個實驗就好似讚緊七草咁，就火遮眼去搵人嘈，就有左今集既對決

柒寶嚇到賴屎

好趕喎，飛左咁多野

唔該晒ching 睇完明左
動畫講到一舊舊唔知做緊乜

唔知達也可唔可以治療到佢內心嘅創傷~

我覺得條女戲份唔算重到唔出場唔得
條女最主要係用黎塑造七寶的人格
反正呢篇完左之後七寶都接近變隱形人

始終好多小說的節奏都好慢
唔太適合跟足原著

可以再補充一下今集既戰鬥
首先七寶要求同雙胞胎打係因為七草既雙胞胎如果兩人一齊用同一個魔法，威力會上升，呢個係極少見既例子，可以稱為奇蹟，所以七寶認為要打就要直接打「最強模式」既雙子先有意義

而男女比賽基本上係用無接觸賽例，只係互射魔法，具體用左咩招就唔記得亦懶得查書，總之打到中段，雙子就合作用一招窒息亂流去ko對方，而七寶亦都出大絕「百萬鋒刃」去ko對方，總之打到最後達也判定雙方都違規輸（事前講左唔可以用高殺傷力既招式，呢兩招本身控制得好係可以照用，但兩邊打到火熱冇理咁多控制唔到威力，所以判負）

但七寶就覺得俾人針對（百萬鋒刃係張紙片強化到刀片咁再射向敵人，某程度上威力係難控制，不過因為七草都唔可以用高殺傷既魔法，所以條件相同，不過七寶就覺得咁樣等同事前封印左自己既大招而唔公平），而七寶認為對方既窒息亂流可以無力化自己前，自己既百萬鋒刃可以直擊對方做成傷害，所以達也最後判係七寶輸，七寶當然唔服，小說中甚至要挑戰達也話自己可以無傷打敗達也

最後十三束就睇唔過眼打七寶

十三束鋼既異名「Range Zero」係因為佢唔擅長遠程魔法，但近戰好強，係源於自己既特異體質，想子會非常集中咁圍住佢既身體，所以兩人打時無論七寶點用百萬鋒刃打過去都傷唔到人，呢個就係所謂既「接觸型術式解體」既真相，因為依附係紙片上既魔法式俾想子護甲吹飛左變返紙片而無效化，最後七寶就俾十三束屌打

而達也對十三束，達也一開波就直接用「雲散霧消」想分解十三束但失敗左，所以深雪先意外，達也既分解係將有形之物化成無形，但十三束既想子護甲本身就好似分解左咁只係四散係身邊，所以分解係無效，最後兩人就係純體術戰鬥，達也既每一招都暗藏一種魔法可以短時間分解佢既想子護甲，亦會利用振動系魔法對十三束做成打擊（雖然魔法無效化，但魔法做成既物理現象係應付唔到）

最後十三束用「自我提線木偶」，簡單講就係用魔法去控制自己既身體活動，所以可以無視人體既發力係想像唔到既角度做成打擊，對手亦難以判斷下一招係點攻（因係可以好似動畫表現咁，明明踢緊過黎，但你想擋時隻腳停左而係變左一巴車過去，根本估唔到），但因為呢招反而令「無形」既想子甲變成「有序」既魔法式，達也就可以直接用分解無效化對方呢招再打敗對方，可以話面對十三束，達也係半認真，至少用左唔少機密指定既招式（閃憶演算、雲散霧消、術式解散）

呢套算係幾好睇
無敵得嚟都算有文有路
但咁多年前真係唔記得晒劇情

可以再補充一下今集既戰鬥

多謝解說

但第三季同第一季比差左好多
越做越衰

呢篇小說本身都係悶悶地
對於推進成個故事黎講算係可有可無
就算成篇cut左佢都唔太影響後續劇情
我諗動畫cut左咁多都係想盡快飛左呢篇算

快手快腳入四葉繼承篇睇個世界觀算
仲玩校園果套

是
OP有講,唔算透

但係有D人唔鍾意佢9 up。

明明佢話用魔法去加速原子碰撞以達致加熱效果呢個解釋幾好。

個世界觀寫得唔錯，雖然達也的確係可以秒天秒地，但係佢自己都覺得除非直接同個世界同歸於盡，唔係就夠深夜打都會甩到身。

但係本身九校戰已經唔係最主線，一年級更加係輕輕帶過。

算過渡，主要係帶七寶同雙胞胎入故事，但七寶去到後期幾乎0 戲份，而雙胞胎後期戲份都好少，其實可有可無

新果張宣傳圖，差啲認唔到深雪

畫到好似隔離唔知邊套角色

其實今集一開始艾莉卡黑面食飯係咪有咩原因?

印象中雙七篇好似唔太關艾莉卡事
如果要解釋的話
我諗係因為來訪者篇 佢大佬比莉娜打敗左 所以嬲嬲掛
嬲嗰part動畫直接飛左 唔知會唔會補返

諗諗下好似唔太關事
因為來訪者篇完結之前已經釋懷左