城大動物醫療中心評價如何？

網上評價好兩極
除咗價錢貴 唔合理之外，有冇啲實際例子係好定唔好？

如果醫得好貓貓，價錢真係唔係問題

利申: 唔洗問貓貓咩事，因為已經喺其他醫院走咗，純粹想知如果我其他貓貓有起事上嚟，應唔應該直接去城大

去過一次
帶隻狗睇病 話可能要做手術
叫佢報價佢唔肯報details
我話要諗下先 佢話唔即刻決定之後先決定會再貴d

唔知佢醫得好唔好
但當刻聽完有d反感
之後就直接睇另一間獸醫處理

其實好睇彩數。我隻貓有心臟隱疾睇咗3間，得城大check 到佢發生咩事，仲成功用一隻犬隻用藥緩和到病情。我帶貓貓去外國講俾當地獸醫聽，佢都話係醫學奇蹟。如果小病小痛好多間診所都得，但大病要專科嘅其實無咩得揀，城大，灣仔，仲有間尖沙咀新嘅。以前check 到我隻貓嗰個心臟科醫生已經跳咗過尖沙咀嗰間。 城大已經係三間有專科中最平嗰間。

除非大病/專科
加你俾得起錢
因為一定係一頸血 (人類)

如果普通小事就寧願搏睇開個間
又如果真係好急 生死關頭 邊有得揀
有近去近 有位就衝

做生意嚟講，全香港嘅獸醫院都唔係咩好人，間間背後都係財團，唔會同你講動物福祉。一定會勸你做哂所有檢查。佢哋無專科要轉介去第二間，然後第二間唔認第一間嘅病歷紀錄，唔該全部做多次。

大醫院睇大病收費間間都劏你，係睇遇唔遇到好醫生。

唔係出哂名黑店？

朋友試過話的醫生唔太得，價錢又貴勝利道一倍

唔係睇間醫院 係睇個醫生 去過一間診所 有個鬼婆唔錯 另外2個香港既都麻麻地

唔做決定要再貴啲咁on9
口吻咁似啲美容院

咁真係好睇個日係邊個醫生在場
尖沙咀好似好少聽人講評價如何

就係驚以為小事走去睇平時個間先係大件事

有人話黑店 有人話幾好
所以想聽實際客戶嘅例子

VSH好似好過城大
我之前隻貓cancer去咗VSH睇
雖然最後都走咗

對外國獸醫有陰影，之前睇過一個鬼佬乜都唔講就直接叫我啪咗佢，問佢點解佢又話因為佢有腎病 唔食嘢都無辦法之後我無理到佢，帶返屋企用針筒餵
唔知外國學個套係咪中意安樂死多過治療

真係睇好唔好彩遇到個好醫生 唔係咁易

VSH 仲貴啲，但係如果佢full 係真係會唔收，叫你唔駛打嚟，睇都唔睇。城大急症幾full 至少有人理吓你。

好似樓上有個回覆話齋，如果係急症，有位就睇咗先。貓貓好忍得，到你睇得出佢好唔舒服，就代表佢真係忍唔到。

如果係心臟問題，要追住Peter 醫生 ，全靠佢我隻貓就算有心藏病到而家17歲都尚算活潑。

收到你 已bookmark！
雖然希望唔會用到

我係個啲緊張大師 小小事都驚係大事 要帶去睇咗醫生至少買個平安嘅主人
有時我哋以為小事 其實可以好大件事，所以我諗緊好唔好以後有咩事都直接去大醫院睇好過搵啲普通門診，不過大醫院又好似好多劣評，真心唔知點先叫做正確決定

你自己上網做下research,睇下啲貓狗fb group,就知應唔應該睇呢間野

就係做完research見好多人話黑店，但分享實例唔多 大部分都係講話貴同串，亦有啲人話好，分享嘅實例一樣唔多，所以先再上嚟問吓大家有冇人真實帶過小動物去睇醫生嘅分享如果真係醫得好貓貓，我唔介意貴或串

就係做完research見好多人話黑店，但分享實例唔多 大部分都係講話貴同串，亦有啲人話好，分享嘅實例一樣唔多，所以先再上嚟問吓大家有冇人真實帶過小動物去睇醫生嘅分享如果真係醫得好貓貓，我唔介意貴或串

聽電話嗰啲係好串無乜禮貌。可能我好彩，我貓貓睇急症住咗兩晚留院觀察，ICU 姑娘同跟我case 嘅醫生都好好人，當時正值Covid 唔俾探病，仲每晚用WhatsApp 俾段video 睇佢情況。

不過都係正如樓上回覆，真係depends邊個醫生跟你個case, 多過邊間醫院。

狗狗之前睇過幾年
遇到兩個醫生都幾好
係唔平不過佢d專科同儀器點都齊過出面中／細舖
不過入面咁多醫生都好睇你睇著邊個