6月17號樂活道1 take pass,不過到考嗰下真係好波不如好運
本身知自己手車屎有時轉波唔順個極力子未放哂就比油,超越物體cut線又做得差,特登考之前嗰日同師傳mark咗上三節準備聽日考試點知撞正樂活道爆水喉無得操嗰條線,淨係行得邊寧頓街同棉花路。
到考嗰日師傅考之前都留咗2節比我練點知嗰朝黃雨去到試場對出又冧樹有2架消防車喺到鋸樹,變相又練唔到泊位,嗰下已經覺得好黑仔咁師傳就喺試場斜路位叫我做個三手掉頭直接練行街先,考之前最後一次樂活道又失魂係咁比佢屌我無sense同話我梗係錢多想重考

到行完嗰轉仲有少少時間淨先考試師傅叫行多轉棉花路入試場,聖保祿學校對出又塞車,到丹麥餅店左轉入去到車房位之後有死車,過死車嗰陣迎頭有部車過緊嚟師傳又再屌我話一早叫我縮返入左邊睇下有冇車先再出一味死去爛去後面仲有架泥鬼唔知夠唔夠位過睇我點死,嗰下部車死埋火我已經打定輸數路試凍過水。
返到試場之後因為鋸樹朝早啲考期delay哂我前面仲有6部車排(4個合併試,2個重考丙部),咁我就坐喺到位呆等,師傅見我勁緊張係到同我講個個考之前發瘟緊張我一睇就知,話好彩我係考之前錯都仲有得比我屌,叫我轉頭唔好再衰同望遠啲同記得望多啲鏡。
我排頭位嗰陣淨底2個丙部未考,咁有個肥佬考牌主任啱啱去完上一轉返嚟,師傅話因為其他考牌主任未返佢好大機會考我,話如果佢考我就死梗因為佢要考生決定準同手腳要快,點知佢行咗去考丙部,我就等另一個考牌主任考。
到出街嗰陣轉波之後極力子油門左上右落都唔係好順,加路連山道落緊斜有個人左邊行出嚟諗住直接過馬口去南華會,嗰下迫力踩大咗少少dup,好彩無比考牌主任㩒停不過佢iPad㩒咗下,之後又遇到好人路口轉出保良局嗰位有架貨van樂活道落嚟特登閃車頭燈讓我過先,木球會對出又有架7人車讓我cut返入中線順利過哂平時易肥佬嗰啲位,到上樂活道又順利無溜後,唯一入返考場之前緊張隻腳比油一下一下搞到車chok,諗住個結果都唔係好樂觀
點知好彩pass到

,好人一生平安