歡迎考車failed嘅智障入黎吹水（72）無人開新post我開

棍van

上星期肥哂乙丙，個師傅上堂大部分時間都係玩手機由我自己揸路線，次次問佢野都話我冇問題
乙部衰緊張調頭撞壆，丙部肥出路口突然有人衝出黎俾考官dup，但都有唔少細tick
想快啲考到抽快期又驚適應唔切新師傅部車
成個星期都好灰練咗咁耐得個吉

2月中鴨駕考就係佢Pass咗我

快期棍van丙部抽中永孝15:20 呢個時間係咪好難考?

鴨駕 今日喺311手上1 take pass自Van，考完之後發覺同一樓考官評價sheet完全唔同，啲師傅話佢以前係Killer，跟住唔知係咪翻兜關係變返正常官 眼見前幾個考生都好似pass咗

大致衰以下幾樣嘢，本身都預咗肥但照樣1 take pass：
1. 考試開始前無意間lock咗副駕門(但又唔識unlock)，結果考官開唔到門入嚟並淋咗陣兩，最尾要落窗俾師傅unlock返 一嚟就觀感唔好
2. 斜路開車唔記得左燈轉右燈，去到紅綠燈先記得熄返支左燈
3. 泊完位出嚟左轉，咁啱對面線有架電單車，但由於我車頭過咗佢條線大半，所以我拉手掣停車打算讓佢過先，點知佢又唔郁，就咁我哋兩個對望咗十幾秒，佢過咗之後我先郁車
4. 出街成程係咁發出唔聲/咳聲但指示都算清晰，同佢double confirm咗幾次轉左/轉右都唔會好唔耐煩
5. 最尾轉左返到入考場，前面三四架學院車停喺度唔郁，反而呢度先開始唔耐煩，叫我cut右線再搵個窿轉返入左線，未轉哂入左線就同我講考試結束停車

補充：最尾返到考場停車，距離前車1m都無，嗰下真係以為自己肥硬

真係不枉我住北區山長水遠入鴨脷洲學車考車

點解唔考18 考2

練兩節好多啦，乙部咋喎

教仔定考街？
架車應該有晒marker 喺邊個位停車就唔會撞壆架喎

今日第1次考，自van, 天光道，遇到208

本身都自知自己技術麻麻，練習唔夠，加上當時自己狀態都唔太好，有啲食唔夠飽，唔係好集中咁（自己攞嚟），本住「肥咗係合理，pass到係bonus」嘅心態去考

開頭都好地地，去到斜路開車，停得唔夠靚，考官都出埋聲，呢度已經搞到我怯左（最後40同41 tick左嚴重）

儘管心情未平復，都要考埋落去。到石鼓街轉左，冇留意盞燈綠燈時間好短，轉黃之後我急煞停左，又多個嚴重 （明明練習嗰陣都識快手過埋佢）。好似見到等緊過馬路啲中學生都恥笑緊我咁

最後多謝考官比我pass左乙部
唔該晒考官，唔該晒試場幫我睇位嘅姐姐