Day 16
雙紅會對戰
今個旅程嘅第二個重點就係睇呢一場波
早餐都係酒店食
野食應該日日一樣
食完就 check out加寄存行李
之後就出發去奥脱福球場
希望拎到簽名
Onana同麥龜幾fd
總共拎咗9個簽名
本身做好心理準備等好耐都可能拎唔到簽名 但拎到咁多個真係好開心
要早起身同吹咗咁耐風都值得
跟住就返原本住嗰間酒店拎行李過今晚住嗰間酒店
順便食咗份三文治同沙律就再過球場
13:00 球場
我地張飛係Ticket Plus Museum Pre-match
可以開波前兩個鍾入博物館行
上到門口會比條手帶你
到14.40去返博物館門口就會有人帶你上看台
比賽前45分鐘會出嚟熱身
全場爆晒
利物浦球迷區
黃色衫全部都係保安
上半場係坐曼聯嗰面
個人感受
開波頭十分鐘其實幾有勢 跟住就比利物浦壓住 特別係入咗第一球之後都feel到係想守和上半場
到半場嗰陣男朋友已經頹頹哋咁講
下半場我地呢面都冇野睇 都係曼聯比人攻
我就同佢講 曼聯上半場係為咗留力 等下半場先入波比我地近啲睇到
點知真係比我講中
第一球 般奴嗰球全場靜晒咁望住佢入
睇返啲重播片呢球速度好快 現場睇感覺係慢啲
跟住啲士氣就返晒嚟
跟住到文奴第二球 嗰個情況冇諗過會起腳仲要入埋
仲比我地錄到片
全場氣氛極好
去到輸12碼嘅時候曼聯嗰勢就弱返
特別係最後一球角球 好彩冇事
我同男朋友都覺得拖落去會輸多球
好彩夠鐘吹完場雞
雖然和波 但大部分曼聯球迷都幾開心
男朋友都話和波已經好滿意 仲要係2-2嘅和波 再加上3球都係我地呢面入
佢本身都係諗住輸小當贏嘅心態咁睇 特別係經歷完車仔嗰場之後
和波+拎到簽名都值回票價
好彩唔算閪波
第一次睇波覺得現場嘅氣氛好好 好值得嚟睇
同埋感受到主場嘅優勢
搶到波 或者守到都會拍手鼓勵
相反對面搶波 開角球就會”her”佢地
我都係同男朋友一齊先開始睇波
都成日笑鳩佢地廢同埋睇睇下玩手機
但喺睇到反追2:1嘅時候真係有啲感動到想喊 有種好熱血嘅感覺
同埋覺得場波好快踢完
總結嚟講有機會嘅都想再嚟睇
不過男朋友都話係雙紅會氣氛先咁好
提外話
原本以為睇波係要企喺到睇
但除咗進攻有機會入波 同埋最後幾分鐘 絶大部分時間都係坐
只要前面有一個人企起身 就會全部企起身 如果唔係會遮住睇唔到
成個畫面係幾搞笑
建議大家袋仔都唔好帶咁去睇方便啲
我地都等完場啲球員行晒一圈先走
下次見啦
希望有生之年睇到曼聯奪冠