警世 揀搭香港航空真係要諗清楚 隨時去日本貴過去歐洲

我嘅航班係3月9日飛熊本，我喺3月7日透過香港航空網站加購回程15kg 寄艙行李，連同購買機票時20kg 寄艙行李，回程一共35kg。
我事前已經知道可以只加購回程，過往亦有曾經喺香港航空進行類似加購嘅經驗，加購付款前亦再三確認我所加購嘅係回程寄艙行李。我唔清楚香港航空系統咩事，而香港航空嘅同事認為香港航空系統一定唔會錯。ok。

3月9日登機時我遲到，所以需要取回行李，再到櫃台辦理改機票飛往大阪。當時香港航空櫃台同事報價已經報錯，機票差價港幣4百多，手續費7百多，香港航空櫃台同事將兩個費用調轉，最初報稱機票差價港幣7百多，手續費4百多，直到後來再需要我提供信用卡付款先更正。

喺第一次報價嘅時候，我已經問香港航空櫃台同事一共2千4百多費用是否包括原本購買的寄艙行李。坦白講，突然需要俾多2千多，我再三確認以上費用包括咩內容，以免需要再要額外付費，我認為非常合理。
香港航空櫃台同事亦再查看資料向我反問是否20kg，然後我再回覆去程20kg，回程20+15kg，一共35kg。香港航空櫃台同事亦即場確認。(最起碼佢無對我所講嘅資料有反對)
但後來(17/3)香港航空電話回覆，堅稱香港航空櫃台同事並無確認我對行李相關問題，甚至指我無問過。香港航空成立至今，認為客人突然需要俾比即時購買香港航空同一班飛往大板單程機票更貴嘅費用，會不問原由，馬上取出信用卡付款？(當時其實我即時查詢機票價格，skyscanner當時報價同一班機係港幣1千70多一個人，未包括行李。)
依照網上報價，加上香港航空櫃台同事確認香港航空改機票的報價已包括去程20kg及回程35kg，我認為香港航空所提出費用仍相比我再購買機票平，我先攞出信用卡付款。但香港航空電話回覆對香港航空櫃台同事記憶力百份百保證，認為香港航空櫃台同事一定唔會錯？但正如我剛才講，香港航空櫃台同事喺報價時已經報錯價。而且香港航空肯定香港航空櫃台同事無講大話，寧願認為客人係一聽到價錢馬上會付款？原來香港航空認為喺香港銷售係咁容易？

最後我回程寄艙總重量係34kg，回程香港航空聲稱我只有20kg 寄艙行李使用，要為我20kg 以外，多付超重14kg 嘅寄艙行李費用。
其實我返香港前一晚有去過香港航空官網check 航班，怕改咗時間我唔知，或者資料有錯，但係原來喺3月9日出發時，香港航空櫃台同事收費並更改機票後並無話我知機票編號亦已更改。最後因為我無新嘅編號而check 唔到我嘅資料，(如果香港航空系統完善，香港航空應該可以搵到我於3月13日夜上數次用舊機票號碼嘗試預辦登機)，如果我當時能夠成功以機票編號登入，發現回程行李只有20kg，我就可以以幾百蚊再加購額外15kg。

就算假設 1)香港航空系統無問題；2)香港航空櫃台同事記憶力特強，每日應付龐大乘客量，事隔一星期仍然記憶尤新，加上誠實可信。亦假設 3)以上都係我無知，對香港航空網上訂購系統毫無能力操作，電腦知識低，喺櫃台付款亦難以至信地一聽到香港航空櫃台同事報價就毫無懸念地馬上付款合付常理，如今我為回程俾多港幣2千幾，都係全因香港航空櫃台同事未有告知我機場編號已經被改變，妨礙我再加購寄艙行李。

自己搭飛機遲到要改期就話人貴

講野1999 睇撚死人

見到你講到搭飛機都可以遲到，後面你比幾多錢都唔洗睇落去

警世： 樓豬無腦

睇到”我遲到”，已經唔使再睇落去

遲到

X2

睇留言 已經唔洗睇內容

雖然搭飛機同後面理處西無咩關係

不過搭個飛機都遲到既人 你講既野我真係信三成ONLY

就算佢單方面話冇
你話你喺官網架構咗行李都有email啦
你唔show比佢睇？

前面都講到1999
睇到遲到都係唔睇

遲到仲怪人貴

3月9日登機時我遲到，所以需要取回行李，再到櫃台辦理改機票飛往大阪。
坦白講，突然需要俾多2千多，我再三確認以上費用包括咩內容，以免需要再要額外付費，我認為非常合理。

乜咁坦白
遲到要突然比多二千幾咁慘

遲到已經離譜

仲要拎skyscanner價錢同即場買比較

即場確認行李重量, 又要戴頭盔話職員無反對你講資料

屌，好心用AI改下啲中文先出post啦，睇撚死人咩

3月9日登機時我遲到

此post已完

- 2023年3月7日，透過香港航空網站加購回程15kg寄艙行李，連同原先購買機票時的20kg，回程一共35kg寄艙行李。
- 過往有在香港航空進行類似加購的經驗，加購時再三確認加購的是回程寄艙行李。
- 3月9日因遲到需取回行李並改簽飛往大阪的機票，櫃台報錯費用，機票差價和手續費金額調轉，後經更正。
- 初次報價時已詢問是否包括原本購買的寄艙行李，並且確認回程35kg寄艙行李。
- 香港航空後來電話回覆稱櫃台同事未確認行李問題，並質疑未有詢問行李細節。
- 比較香港航空提出的費用與即時購買機票的價格，決定以信用卡付款。
- 回程時香港航空聲稱只有20kg寄艙行李，導致需為14kg超重行李支付額外費用。
- 由於機票編號改變但未被提醒，導致無法成功檢查航班資料和行李額度，錯失再加購寄艙行李的機會。

遲到唔劏你劏邊個

三成都比多

這段文字描述了作者的航班經歷和對香港航空的不滿。以下是對這段文字的歸納：

1. 作者在3月9日搭乘香港航空飛往熊本的航班，並在3月7日透過香港航空網站加購回程的寄艙行李，總重量為35kg。
2. 作者事先知道可以只加購回程的行李，並且過去也有類似的經驗。
3. 在登機時，由於遲到，作者需要取回行李並辦理改簽飛往大阪的手續。
4. 香港航空櫃台同事在報價時出錯，將機票差價和手續費的金額調換，後來需要作者提供信用卡付款才更正。
5. 作者在第一次報價時已問櫃台同事所報費用是否包括原本購買的寄艙行李，並再三確認以上費用包括的內容。
6. 雖然櫃台同事當時確認行李重量為20kg+15kg，總共35kg，但後來香港航空回覆稱櫃台同事並未確認行李相關問題。
7. 香港航空對於報價和行李重量的問題回應不一致，並堅稱櫃台同事無錯誤。
8. 作者認為香港航空不應該在沒有通知的情況下更改機票編號，這導致作者無法預先了解行李重量的情況，並可能影響到加購行李的選擇。

總括來說，作者對於香港航空在報價和行李相關問題上的不一致回應感到不滿，並認為這些問題是由於香港航空的系統和櫃台同事的錯誤所導致。

成篇文出現左34 次「香港航空」
睇到覺得好長氣

不如你試下去歐洲咁樣遲到法係幾錢先啦

一樣，遲到仲有咩好講。。。

改機票應該有張新單
上面有齊新既資料
你買野唔睇單？