拿,講明先
我覺得最理想係比錢買內容 咁樣理論上創作者先有最大收入
但我覺得個市場唔係得一種玩法
例如話東媽嘅袁小姐每話都有讀者打賞
所以免費閱讀靠打賞 未至於完全不可行
日本聲優節目,喺2015年開始
每個/兩個星期都會上傳新片,新片係限一個星期免費睇
要睇舊片先要課金
呢種方法拓寬到成個聲優業界都係咁做
而家㩒入去niconico廣播分區 全部人都係咁玩
不過我都明,香港人喎,免費睇完仲會科水咩
同埋其實pnn個設計
係不利於收費閱讀
肯比錢買收費嘅人一定係少過免費睇
pnn靠點擊數先可以排喺網頁頂
咁假設每個人全部免費作品都睇
收費嘅作品一定易沉過免費作品
(咁當然你作品實力夠,可以排得好過免費作品)
我就好希望多啲人比錢睇漫畫啦唔係開咁多post做乜
要資助作品全職投入創作就一定難架啦
但起碼有少少收入,比佢哋更新下設備
印下書都好嘅