英國正式落閘 向國民全球徵稅 移英港人資產難再藏香港慳稅「意味有些人只剩一年處理資產」

呢班人從來都係矛盾，睇死香港想佢收皮，但又想佢樓價升

有四年時間, 咁都賣唔到樓就唔好怪人啦.

但係改左例後先做會唔會太遲？一陣會唔會畀屈係意圖瞞稅？

利申：唔熟稅例

總之一大筆錢入uk, 買樓。
uk稅局一定問到底， 解唔到， 解唔通一律要tax

邊個同你講? 匯入去基本上冇人阻你, 銀行就算見大數都只係有機會做AML check, 買樓果陣律師要問你攞Proof證明啲錢點黎, 一係就放半年入saving account先。

有排都未輪到HMRC出手

另外, 好多傻9以為匯入制就係匯入任何錢都要收稅, 但其實只係響英國嘅稅年要將captial gain計埋去收入度再計tax啫。

啲人傻9好似執到寶咁, 講到以為匯入任何即刻25%稅咁 你估中国咁外匯管制管到賣樓都匯唔出啲錢咩。

星島同文匯一樣咁吹得, 先攞人哋個page名再重新演譯, 中国香港媒體真係得啖笑。

Goodbye HK Hello Billy原文響度: https://www.facebook.com/photo/?fbid=887401846408842

淨係睇呢一句, 已經知移英處理資產係簡單咗, 唔使申報匯入制都已經有免稅優惠。

「2. 新移居的人士在首四年可享有100%海外資產及收入的免稅優惠。」

以前用匯入制免稅海外資產嘅Income tax/Captial tax要主動申請, 仲要放棄免稅額, 之後係自動送4年海外收入免稅, 咁其實係方便咗。

------------
《英國宣布廢除non-dom稅制》「資產未到英國點算好？ 明年4月後賣樓保平安」

英國財相Jeremy Hunt宣布財政預算案，近年移民英國的人來說，必須留意自明年4月，將會廢除non-dom (非永久居籍）的稅務概念，意味海外收入將不能再以匯入制（ remittance basis)減免稅款，影響大量近年移居英國的人士。

簡單來說，英國居民可報稱自己的永久居籍為另一國家（non-dom)，那麼海外的資產和收入，只要不匯係英國，便不用徵稅。（有其他細則和付費）自從出現BNO Visa移英潮後，當時不少未能賣出資格，或不可能完全賣掉所有資產的港人，均依靠non-dom和匯入制的運作，藉此爭取更多時間減免稅額，待自己和子女入籍後再作打算。

明年4月後，這個如意算盤將大受影響，必須留意以下改變：

1. 任何人在英國居住滿4年後，所有的海外收入及資產增值都必須繳付英國稅，即撤銷只向帶入英國的資金徵稅的匯入制（ “remittance basis” ）；

2. 新移居的人士在首四年可享有100%海外資產及收入的免稅優惠。現時居英少於4年的稅務居民，仍有可享有餘下年期的優惠；

3. 於2025-26年，因廢除non-dom喪失匯入制優惠，而被徵收的稅項，可享有50%扣減；

4. 於2025年4月前，產生的海外收入和增值，non-dom人士於2025-26以及2026-26年，可以12%的稅率匯入英國；

5. 2025年4月後才出售的海外資產，可以2019年4月的市值為基礎計算資產增值稅。（如果你仍未賣出香港物業的話，若推遲到明年4月後才賣樓的話，樓價一定比2019年高峰期低，意味將不用繳交資產增值稅。當然若現在已是蝕讓也不用付）

6. 遺產稅亦將會改用以居留為基礎的制度，詳情仍在研究當中。

財相表示，此舉的目的是以居留為基礎，更簡單、更公平的制度取代目前non-dom的制度，並希望鼓勵新移居人士利用這四年時間，把資產帶到英國使用和投資。

稅務專家已即時潑冷水。因為4年時間並不足以讓新移居者及家人取得永久居留及入籍的身份，因此廢除non-dom對於他們來說完全不吸引。新制度並不會吸引富豪把資金帶來英國，只會令他們把資金帶去其他地方。

#又要從頭計過數

BBC圖片

咪教精班ON9啦，等佢地打下飛機
除非喺香港有公司或有樓放租，否則根本大部分BNO唔會考慮咁玩

蝕賣咪唔使畀稅。
記住係由你買唧時間嘅時間嘅英鎊等值，到你賣嘅時間嘅英鎊等值，兩者差價計增值稅。如果你係英鎊兌港元1:15 時買樓，英鎊跌到1:10時賣樓，咁可能賣樓時港紙賬面蝕咗都要交稅。

記住用英鎊計價，你可能蝕變賺而大要交稅

留名等睇賣樓潮

好多人重keep住舊港紙係香港做定期，咁假設唔計脫鈎重險，keep 住繼續存係香港就慳到稅。。

到而家都唔明點解 bno visa 夠膽玩 non domicile

明明 non domicile 條件就係你 declare UK 唔係你永久居留地方

而 bno visa 嘅終極目標應該係 BC ，而申請 BC 其中一大個條件係 intend to continue living in the UK

即係一條友頭五年就 declare 自己無意將英國視為永久居留嘅地方避税，去到第七年就同個國家講突然想永遠住喺度

唔知邊個 tax advisor 咁大膽建議 bno visa 玩 non dom，希望已經有成功例子

移得去英國既人都會賣樓先啦，唔講稅，keep住香港層樓個樓價日日跌

感覺係針對移英港人，因為佢地最有錢

如果行匯入制係會冇左Income Tax allowance(12.5k GBP)。除非你真係好有錢，你定期再點定個Profit都唔太可能追到扣稅個12.5k GBP

匯入制基本上對大部份香港人黎講係唔適用。

而家唔係講緊取消滙入制？

個記者標題黨啦，tax resident 就全球徵，唔係tax resident 徵條毛咩，都唔關國藉事

係講緊取消匯入制，但正常大部份移英既香港人都唔會去申請匯入制
因為如果你申請並行匯入制係要放棄現行既Income Tax Allowance。
除非你真係好多資產或者香港炒股賺好多(多過12.5K GBP)。
如果唔係無意思，仲要講緊到時啲錢入英一樣要扣返稅。

你打算長住英國行匯入制係只會蝕錢唔會賺錢

我講緊呢樣

2. 新移居的人士在首四年可享有100%海外資產及收入的免稅優惠。現時居英少於4年的稅務居民，仍有可享有餘下年期的優惠；

所以我的意思係，佢取唔取消匯入制對大部份移英港人黎講都係冇影響

窮到仆街

呢個係講緊匯入制
你唔申請其實唔會有呢個唔扣稅既優惠
冇啦啦BNO visa邊度會頭四年海外資產就唔扣稅
如果唔係點會大部份人都賣完樓先移民

我原本都有呢個問題，諗緊「咦我係咪報多咗稅」，你講完我就明啦。

嗰啲會玩NON DOM的 BNO真心未必將英國當係永居地，不過佢啲仔女會之嘛

有啲Boomer但會咁玩

都係那句，兩個政府唔通，唔報鬼查到咩。