(Live) (AV女優Event遊記) 龍年新正頭見AV女優行大運

努力爭取星期三之前完成

成功爭取聽晚出埋個ending

今次唔出credits?

直接講你間PR 公司有幾多人啦



素豬賣夠碟還錢俾你地團隊未？ 條臭閪無糧出你地要搵勞工處幫手喎 打手都係份工 做狗都要人尊重架嗎

點解素海霖就出埋買片教學 叫人一定支持正版平胸肥豬



日本大物女優反而就無資格收你錢 唔值得買正版所以你唔撚教人買正版？

D 陰毛L真係好L煩，你成日咁多陰毛，有冇覺得有d攰？

3月3號，係呢個旅程嘅最後一日。

每一次去旅行唔理遠近都好，我個腦都會喺出發嘅前一晚，同返嚟嘅最後一晚，出現同一個諗法：

「明明我而家身處喺熟悉嘅呢張床上面，但24小時之後，我就會喺幾千公里外嘅另一個地方，瞓喺另一張陌生嘅床鋪上面。」

呢一種感覺同距離上嘅反差，係旅行呢樣嘢令我最感受到不可思議嘅地方。



今日嘅第一埸節目，係去睇我自己都好鐘意嘅一隊日本女子偶像組合日向坂46嘅展覽，個展嘅名稱係「WE R！」，地點喺麻布十番附近。



要介紹呢隊組合嘅話就有排講總之就係一隊由出道嘅時候不被睇好，到為咗證明自己存在價值同意義，由低谷做起到喺日本巨蛋開到演唱會，成為日本知名嘅偶像組合，成名背後嘅故事好戲劇性呢一個展覽就係將佢哋過去呢幾年嘅成長同經歷做一個回顧，俾FANS重新感受佢哋成名經歷嘅高低起伏。


（展品真係五花八門，連呢啲MV嘅分鏡圖都有。）


（甚至仲有喺live上面嘅台詞稿。）


（當然唔少得呢啲喺MV同台上著過嘅衫。）

日本嘅偶像文化除咗係一門商業同產業，同時都係承托住年輕一代嘅成長回憶，追星呢一樣嘢俾人感覺嘥錢同嘥時間，但就好似宗教咁，都係由一樣咁虛無飄渺嘅嘢，成為支撐一個人繼續生存落去嘅動力所以有時心靈上嘅滿足比起肉體上嘅滿足更加重要，就係咁解

當日睇完展覽之後食嘅晏晝，係一間之前我嚟麻布十番都有食過嘅拉麵：



鶏そば十番156 麻布十番本店 東京都港区麻布十番2-1-10

都係一間主打雞白湯嘅拉麵店，但水準就同神田嗰間潮有距離，但都係好食嘅：

成個旅程嘅最後一埸活動，亦係我最期待嘅活動，就係今日嘅古川ほのか（古川穗花）攝影會：



由操刀拍攝過無數女優寫真集嘅攝影師福島裕二老師舉辦俾FANS可以喺現埸體驗拍攝女優嘅攝影體驗活動，呢一類攝影會我都係第一次參加，同碟鋪嘅event最大分別，就係呢一類活動以攝影為主，埸地同燈光都會比較專業，而且仲有機會可以喺大師隔離偷下師所以我今日係報晒三埸嘅


（咁就唔見咗90000羊...）

今日嘅攝影埸地喺六本木附近出咗地鐵站之後仲要再行大概10分鐘先去到個studio：





攝影會開始之前，福島老師有入嚟同我哋打聲招呼，初時我都仲擔心我啲半桶水日文搞唔搞得掂但其實你唔主動問福島老師嘅話，佢都唔會主動撩你傾計嘅所以唔識日文又想試下呢類event嘅朋友，可以放心報嚟玩下

福島：「大家好想請問大家都係第一次參加呢類活動嗎？」
（一埸有12人參加，今埸有超過一半人舉手。）
福島：「大家有相機上嘅設定問題都可以問我（跟住大概問一問大家相機用咩牌子），另外，古川小姐本人都係第一次參加，佢而家都好緊張，所以大家一陣就溫柔啲喇」

跟住我先諗起，係喎，我都冇估到我今次要去到旅程最後一日，先至見到古川。

之後就開始攝影會，流程首先係大家先企埋一邊睇福島老師點樣影，現埸會有部電腦即時顯示福島老師影出嚟嘅相，喺理解構圖同光線方面會有唔少得著，但因為始終平時碟鋪唔係studio咁靚嘅燈光同佈置，所以學完之後其實可以應用嘅地方唔多：


（福島老師影嘅作品。）

福島老師會影大概15分鐘，之後就輪到我哋每個人埋去影，有人影緊嘅時候，其他人可以喺旁邊側拍：





之後就到我埋去影，每人可以影一分鐘：



好彩平日喺碟鋪event影得多，都算係訓練有素呢一類自然光同居家感都難我唔倒

之後又再側拍多幾張：

每人都影完一輪之後就換埸景，今次到喺張床上面，古川會除咗件外套仔：







三埸一共六個埸景入面，我自己最鐘意都係呢個埸景，出嚟效果好好：








呢一種床上背影相我都想影好耐：

影完呢一part之後，就正式完咗第一埸嘅攝影時間，總括嚟講每個人只有兩分鐘埋去影個女優，30000羊影兩分鐘呢件事性價比絕對唔係高所以如果大家想玩嘅，我會建議報一埸，試下個感覺先，有好鐘意嘅女優先至考慮要唔要報晒三埸畢竟90000羊真係有啲貴


（同埋真係強烈建議拎部靚啲嘅單反/無反相機去影，用手機影真係有啲嘥咗個埸地同燈光。）

之後就到影即影即有相嘅時間，福島大師會操刀幫我哋影，每一張2000羊，我自己買咗3張：


（左邊嗰張依然係我嘅招牌pose，冇估到冇咗我隻手出嚟效果又幾特別，有種女朋友喺床上面扭計唔想你返工嘅錯覺。）

影相嘅時候我同古川傾咗幾句：

：新東寶！早晨！
：（仲早晨小姐下晝3點喇喎）終於嚟到見你喇。
：係呢，你今次留咗喺度幾耐？
：三個禮拜。
：三個禮拜？咁耐！？
：（咪就係因為你囉）為咗見你同參加你嘅event吖嘛，我聽日就返香港了。

係囉，原來我為咗見一個AV女優，喺日本逗留咗三個禮拜。

連我自己都覺得匪夷所思。

之後休息一陣就開始第二埸，今次換咗另一間房，有一張單人細梳化，日光會由窗口直接打入嚟：




今埸我排第二個埋去影，明顯覺得古川冇第一埸嗰陣咁緊張：








之後繼續瘋狂側拍，如果冇得側拍嘅話，呢30000羊真係超唔抵俾

之後就另一個埸景，都係同一張梳化，不過除低件外套仔，同埋改成站立姿勢：








當然都有呢啲扮拉褲頭嘅動作：






就喺我影完自己嗰輪，打算繼續瘋狂側拍嘅時候，部相機影影下竟然黑畫面初時諗住係咪冇電，於是拿拿臨返去拎舊後備電嚟試，點知都係唔著機

有大師喺度就梗係問下福島老師知唔知咩情況：

：福島腥些可唔可以幫我睇下我部相機咩事影影下忽然唔著機
福島：等我望下
（試咗一兩分鐘之後）
福島：似乎係死咗個mon你係三埸都報晒？都冇辦法，下一埸用iPhone影住先啦

唔...唔係卦差最後一埸先嚟同我死機？


（最搞笑係影チェキ嘅時候，福島同古川講我影到部相機壞咗，跟住古川即刻講「快啲即刻拎去整！」，我心諗點樣即刻拎去整）

第二埸嘅攝影會就咁就完結咗，一方面我為嚟緊第三埸嘅攝影器材而煩惱，另一方面又感激好彩部相機捱到最後一日先壞，總好過喺旅程中間嗰啲時間壞機，到時仲更加唔上唔落

雖然第三埸用iPhone影都冇話唔得，但始終唔及大機咁好，心理上點都係覺得嘥咗唔知係咪上天嘅安排，咁啱第三埸又真係有另一個香港嚟嘅巴打同我一齊報咗名，於是我就唯有向佢求助麻煩佢借部相機俾我影我嗰兩分鐘嘅時間。



喺呢度要特別嗚謝七沢みあ巴打冇你部相機幫手我諗我應該返到香港之後三日三夜都瞓唔著感激不盡

第三埸係全黑嘅內衣，再加一件西裝褸嘅配搭：


（以上呢啲側拍都係用iPhone人像模式格硬推爆影出嚟嘅效果。）

用大機就似樣返少少呢啲係用Sony大機影出嚟嘅效果：

之後嘅埸景就係換另一組燈光，同埋加上梳化嘅配搭：


（繼續係iPhone人像模式。）

呢一個埸景都係我全日第二個鐘意嘅埸景：





之後我請古川瞓低，用我頭先睇福島影過嘅角度嚟影：

攝影會就係咁接近尾聲，臨尾影チェキ嘅時候：

：古川小姐今日辛苦你喇。
：新東寶多謝你今日嚟（主動握手）。
：你隻手好涷！你其實係咪仲未好返？
：得㗎喇！我而家企喺個暖爐隔離好暖！
：但係你...
：你聽我講樣嘢先！你聽我講樣嘢先！
：？
：你個Twitter我一路都有睇住，你拎住個立牌喺機埸影嗰張相，好可愛

呢個女人總係每次都鐘意俾啲驚喜我。
我知佢會睇我Twitter，我只係冇諗到佢會主動同我講呢件事。
我仲可以點樣喺你手上飛出去
我應承你，會繼續支持你，直到你引退為止。


（古川唔知點解好鐘意督我塊臉，臨走嗰陣又督咗我一次。）

就係咁，呢個充滿意外同驚喜嘅三個星期東京event之旅就宣布完結，最後嘅呢一晚我同同行嘅七沢巴簡簡單單，去咗ガスト每人食咗個漢堡扒同雪糕就算：


ガスト 秋葉原昭和通店 東京都千代田区神田佐久間町1-15



（呢一個個名叫七沢みあ嘅人，其實仲鐘意明里つむぎ嘅。）

最後第二朝就係執返乾淨間民宿，租咗架單車由淺草踩去秋葉原食埋個早餐，就出發去機埸返香港了。


（多謝呢三個禮拜以嚟嘅照顧）


（租單車踩純粹係貪得意，唔平得過搭地鐵好多）

返嚟了，香港先係我屋企




2月遊記，完

遊記終於寫完了每日喺日本都要搵節目同地方俾自己去，搵餐廳俾自己去食，其實真係比起喺香港仲要攰同辛苦，連排隊玩event嘅時候我都係打緊遊記都係嗰句啦自己攞嚟鬼叫我淨係識寫嘢咩

唔經唔覺開咗關都一年有多，我自己眼見同聽返嚟，都知道多咗好多香港人去秋葉原去日本玩呢啲AV女優嘅event，我唔知係咪真係因為我嘅遊記，先燃起大家想去玩呢啲event嘅慾望，但每次當我收到啲巴打去完返嚟嘅report，睇到你哋同女優啲合照，隔住個moon我都feel到你哋幾開心同滿足，我由心而發咁覺得，真係仲開心過我自己去



寫遊記，一半係為咗紀錄自己每次過去玩嘅點點滴滴，另一半就係為咗鼓勵更多嘅朋友，去試下呢一類其實唔係咁難嘅AV女優見面活動。大家可以放心，柒係一定嘅想當年我自己都係柒下柒下日文字都唔識多隻，一步一步咁行過嚟；但若干年後當你睇返啲相，諗返自己當時對住個女優嘅傻笑，你會慶幸自己當年好彩有傻過：呢一段咁柒嘅回憶，係屬於我，同呢一個我鐘意嘅AV女優之間，無法取代嘅聯繫。


（當年同飛鳥りん影嗰啲相，我都會間唔中開返出嚟懷緬下。）

所以見到有鐘意嘅女優搞event嘅話，放膽衝啦幾柒都好，有我墊底，你唔會孤單；同埋除咗我，仲有一班同你一樣咁傻嘅巴絲打，大家互相幫手，要型就一齊型，要柒就一齊柒，不過推咗新東寶出嚟柒咗第一下先



感性嘢矯情嘢講晒喇多謝大家睇到嚟呢度，至於下次幾時呢...我嗰日返到屋企執行李無意中見到有張咁嘅嘢：



各位，5月尾再見晚安

佢下次又會話見到你係機場同佢張相打卡

我黎緊都會去福島老師個葵伊吹同宮下玲奈攝影會
想問新東寶巴打大約收時會收到會場地地址通知
我等左好耐都未收到
另外買即影即有有冇上限 同係咪有得揀單獨影女優定合照

我係event前一個禮拜收到佢email通知地址嘅

買即影即有冇限張數，單獨影女優嘅話只可以由福島揸機，不過pose同idea你可以同福島講，佢會幫你諗掂佢

唔該曬新東寶巴打
好期待見到兩個女優真人
好驚即影即有冇限張數會衝動行事

#536頭嗰兩張好靚
同#539 古川瞓係梳化嗰SET都好靚


呢隻影相event既玩法好似好正咁喎
見識到一種新事物 多謝巴打既分享

雖然我係絲我都會keep住追巴打既遊記

今次行程始終都見到古川真係太好
特別古川話有追返巴打你既Twitter
真係睇到我跟住眼濕濕

追星呢樣嘢 可以做到雙向既 真係最滿足開心

原來有新

我要點做先可以通知到大家我有update

可能係我miss 左notification