(Live) (AV女優Event遊記) 龍年新正頭見AV女優行大運

龍年快樂大家好我係唔經唔覺已經喺東京踏入第7日嘅新東寶

唔覺唔覺新一年又開始，12月去完返嚟之後，本來都未有計劃下一次出發嘅日期，點知喺1月尾嘅時候見到有古川ほのか（古川穗花）參加嘅拍手會活動，同場仲有改咗名嘅山岸あや花（山岸綺花）同埋藤森里穗 ：



又真係撞正有朋友當時喺東京，順利買到參加劵之後就決定2月中過嚟幾日啦順便睇下仲有邊啲女優event啱心水嘅又過去打個卡

情人節出發嘅機票當時買係最平，而且到埗之後嘅第二日有新ありな（新有菜）嘅即售會，又可以過去集郵



至於幾多號返嚟好呢喺AV Evelt個網站度一直掃落去，見到2月25號有我好鐘意嘅FALENO女優茉城まみ（茉城麻美）有event就咁話啦去兩個禮拜咩都夠晒皮

咩話邊個頭先話去幾日就返嚟？我冇聽到有人咁講喎



就喺所有機票酒店都訂好咗之後，無啦啦2月頭又有一個咁嘅女優攝影會走出嚟：



由著名嘅女優寫真集攝影師福島裕二老師，親自落場教授嘅「攝影現場體驗」活動，係最近半年開始出現嘅活動類型，基本上活動內容就係去一間燈光同環境都好好嘅studio影邀請嘅AV女優，有機會跟大師學習當然唔可以錯過

咩話唔係古川嘅話我點會報名？新年流流我哋跟大師學影相唔好咩嗰日我睇咗通勝話適宜去上堂，邊個做model都唔關事㗎喎

以上就係我今次呢個二月行大運之旅出發前嘅心路歷程，今次大概三個星期嘅旅程，我會好似上年咁儘量維持1-2日一更今次一如以往有以前影過嘅女優，仲有新見面嘅女優，想知道小弟今次啲半桶水日文又搞出啲咩笑話，又或者同邊個女優痴得太埋導致你想同我開年嘅，歡迎留名跟進

2024年新正頭，同我一齊出發去秋葉原行大運


（2月頭涼森喺IG po咗呢幾張相，可愛到不得了）

唔知係咪新年假期啲人拜完年之後多人出行，今次係我少有地上因為巴士滿人上唔到嘅一次出發好彩我哋留港撚都仲有架機場快線值得擁有，半個鐘左右就舒舒服服入到機場，完全唔需要趕頭趕命。


（今次第一次用機場個自助check in，用完之後完全唔明點解仲要排隊等counter成個過程三分鐘就走得）

循例嘅出發前立牌boarding gate合照：


（對於入唔到lounge嘅我嚟講，機場老麥就係機場入面性價比最高嘅餐廳外賣拎走上去boarding gate慢慢食住等到差唔多最後一刻先上機）

順利到達成田機場，今晚入境嘅人唔算好多，前後15分鐘左右就出咗關口：

今次過嚟嘅住宿揀咗Airbnb，但因為民宿呢邊最遲下晝5點就要check in，我落機都已經係夜晚7點，於是民宿嗰邊就叫我遲一日入住，14號晚我自己另外搵地方過夜

既然係咁就冇趕住出去東京市中心嘅必要於是就揀咗一間喺成田入面嘅三星級酒店，連埋稅都係$25x一晚，而且仲包早餐：


（不過早餐8點就完係咩玩法？）

間房係一間雙人房，隔音比較差啲，會聽到少少隔離房嘅聲，但我都慣咗帶耳塞瞓覺，所以都冇咩分別：


（唔知點解書枱上面係冇燈照落嚟，成個位都係黑媽媽）

擺低行李就去搵嘢食成田嘅商業範圍好細，完整兜個圈都唔駛半個鐘，最後揀咗一間食芝士嘅西餐廳：


GOOD LUKKU CHEESE 千葉県成田市花崎町839-3






揀咗一個漢堡扒連特製芝士汁嘅set：


（漢堡扒一切就散但個芝士汁係幾好食。）

食完都係唔夠飽，要搵啲澱粉質落肚，買多個細便當返酒店食：



（平時個書枱位就係咁黑）

咁大個仔都冇諗過自己會6點起身落樓食早餐不過價錢包咗又唔想蝕，落去食完返上嚟瞓到10點check out都好睇下有咩食先：


（非常好彩嗰晚成間酒店都冇咩人住，坐咗成個鐘頭連埋我都係得三個人落嚟食早餐。）

返上房瞓多陣就出發去東京，第一件事都係去買event飛先：






今次住嘅民宿比上次嚟一個月嗰次嘅地方更大大概$17x一晚，而且離淺草站只係5-8分鐘路程，慳返唔少時間

lm
樓主又去

之後就去返隊尾排第二次，即售會因為冇限人數，只要你喺截龍時間前排到隊就有得玩，我今日買咗三張，同場嘅台灣ptt達人王桑話一齊玩多一場先，之後去食啲嘢，喺截龍時間之前返嚟排最後一場嘅隊

第二場嘅pose都係差唔多：







（大家千祈唔好望最後一張條腰擠出嚟嗰啲肉，叫咗你唔好望仲望！）

頭先件事我仲係有啲耿耿於懷於是喺合照嘅時候我就同佢講：

：可唔可以用返頭先握手個pose，但今次我想握腳。
：....吓？

於是就出現以下嘅「合照」：





：多謝你嘅配合我同王桑而家去食拉麵先，轉頭再返嚟。
：（摸住自己個肚）我都好肚餓好想食嘢...
：我哋去食嘢先一陣見Bye Bye

於是我同王桑就出發去食嘢，揀嘅係離活動場地好近，而且好好食嘅拉麵店「麺巧 潮」：


麺巧 潮 東京都千代田区神田淡路町2-4-4 アール神田淡路町 B1F

自從上次食過雞白湯之後我就返唔到轉頭，但好似日本人嗰邊鐘意醬油多啲，包括連王桑都係，我就繼續食我嘅雞白算


（返去排隊嗰陣同主持人我鐘意食雞白，佢直頭話「雞白我唔知幾多年冇食過喇！」）

lm 又去咁耐 好提子

最後就係第三場嘅新一姐，因為啱啱食完嘢，所以叫咗佢擺啲食嘢嘅pose：






唔講政治，新一姐影相上鏡真係好好睇，擺pose亦都好專業：








最後嘅合照係諗唔到先用嘅自拍：




：哦！你係咪專登咁影！塊鏡反射到我對後腳！變態！
：....當然唔係，不過俾你話變態唔知點解有啲開心咁就encore嚟多一張一模一樣

於是全日同新一姐最後一張合照，就係以呢張告終：



最後等埋佢換完衫落樓講拜拜，己經係半夜12點，買個牛丼返民宿食，食完就嗱嗱淋上床瞓了。

第二日一早0630就要起身，因為今日係嚟緊啲event嘅發劵日，而且大部份都係有限人數嘅預售會，為免發生上一次排第51人嘅悲劇再發生唉，後生仔瞓少啲啦


（我係大約0730到鋪頭門口，但都要已經排到第20人。）

當日朝早除咗好撚涷同好撚涷之外，仲非常大風，甚至係大風到有幾條電車線要延遲：


（賣下瓜子先，追住遊記就知我會去見邊個）

買完飛就可以放心去搵地方醫肚，揀咗一間喺Retty網望落唔錯嘅cafe，喺淺草寺後面嘅地區：


フェブラリーカフェ 東京都台東区駒形1-9-8 川尻ビル 1F

嗌咗一份以為係多士嘅set breakfast，仲喺度諗吖塊多士啲色水又整得幾靚點知一舀落去，原來係煎得好靚嘅玉子燒嚟：





口感一流，而且味道好濃，好似食緊甜品咁，冇估到呢個玉子燒有咁大驚喜，又係一間可以返嚟再試嘅早餐店

（瞓醒餓到hihi，喺秋葉原地鐵站買咗個原味窩夫頂住個肚先。）

食完早餐返民宿補咗兩個鐘眠，又要出發出秋葉原見一個新人女優，佢同新ありな一樣都係Moodyz專屬女優之一，而且都係一樣有九頭身嘅身材，係今年上半年嘅重點新人之一，佢叫做滝冬煇：



個樣未必算好好，但身材比例真係相當唔錯，一對大長腿相當吸晴同吸精，鐘意睇腳嘅朋友可以留意下：








簽名嘅時候：

：你好，我係香港嚟嘅。
：吖！多謝你今日嚟見我。
：滝冬小姐真人真係好高大，今日望埋去好似有兩米高咁
：今日淨係對高踭鞋都已經有14cm，其實我以前唔覺自己咁高㗎我係全屋最矮嗰個，我爸爸180，我媽媽175，有個兄弟姊妹又係17x，我都係出去識多咗人先知原來我已經算好高。
：哦！原來有啲咁嘅事 ，日本女仔好多都係150-160cm咁上下。
：關東關西地區又會有唔同，有啲地方嘅男仔女仔係特別高又或者特別矮啲
：又學到嘢了，香港嘅朋友都鐘意啲高身長嘅女優，滝冬小姐一定會吸引到佢哋。

呢一場event有一個特別嘅玩法，就係完咗上半場之後，仲會有一個encore環節，俾多5000円就可以影埋水著，鑑於上半場嘅活動只有30秒影相時間同埋冇合照，而encore環節有足足3分鐘任影，所以在我嚟睇呢5000円係基本上焗你一定要俾嘅唔係嘅話仲蝕

而呢三分鐘嘅內容仲可以任你編排，例如可以兩分鐘攝影＋一分鐘簽名傾計，又或者全部要晒做簽名都得，算係一個free time嘅玩法，比較少見，我都係第一次喺event入面有呢個選擇。

於是輪到我嘅時候：

：唔該，一陣我想三分鐘全部用嚟影相。（因為我簽名都拎咗，拎晒嚟影相好似划算啲。）
經理人：可以，冇問題。
：另外一陣嘅合照我想影呢個pose...（拎sample相俾佢睇）
經理人：哦...咁樣，因為擺呢個pose要用多咗時間，所以影相時間會由三分鐘變到得返兩分鐘，你OK嗎？
：....吓？









首先第一，我真心唔覺得擺我影嗰個招牌pose需要一分鐘嚟準備，前後十秒都俾多；第二，我明白咁樣係會用多咗時間，我心入面都有諗扣30秒我都OK，但冇諗到一嚟就冇咗成分鐘；第三，亦係我最concern嘅一點，呢個encore環節比預定時間遲咗半個鐘頭開始，而且排我前幾個人入面，有一個人影相嘅時候擺咗部手機喺地下，經理人埋去一睇，係一個計時器嚟

講到呢度，我諗大家嘅諗法都同我一樣，就係有人想左偷右偷偷返啲時間，等個event準時完結；而且現場有其他人都sense到有問題，所以先自己開個timer出嚟計時


（價值一分鐘嘅招牌pose。）





以我都玩咗呢類event咁多年嚟講，呢啲情況其實好少發生，所以大家又唔駛太擔心，今次唯有算自己唔好彩遇著個咁都得嘅經理人

是日靚晚係成肚氣冇乜心機搵好嘢食嘅燒肉like：


（達哥mode：晴空塔好靚晴空塔好靚lalala）

唞陣先今次頭兩日已經寫到水蛇春咁長大家慢慢睇

熟女真係唔係我守備範圍

呢大半年做嘢真心辛苦咗

LM

lived LM

又有得睇，支持

又去

我入嚟係睇嘢食

野々浦暖老公strong po 留名


https://www.instagram.com/p/C2EXUx8r4ik/

囡囡算唔算嘢食