(Live) (AV女優Event遊記) 龍年新正頭見AV女優行大運

唔係喎，條底底幾淫，有冇背面睇下

莉緒真係好可愛，又充滿活力；但偏偏要去嚮Madonna

桃園 但好似愈黎愈肥

正喎，有栗山

無花生的....
安妮亞要食花生

好在唔係叫くり😂

今次天海翼冇M字腳

一起身又有天海翼睇

2月22號星期四，今日除咗去event之外，香港朋友仲話想落去銀座買嘢，咁啱我都要落去銀座嘅Starbucks Reserve幫另一個香港朋友買隻特別版杯，於是就一齊落去


（又涷又落雨真係人都癲）

搭地鐵落去嘅途中搵下銀座有咩好食，搵到一間米芝蓮拎過獎嘅拉麵，但去到現場發現排隊嘅人太多唔想淋住雨捱涷排隊，於是我哋退而求其次，去食另一間沿途經過見到，感覺上都應該唔錯嘅拉麵：


（太多人喺度唔方便影個門口，但呢間聽講係好出名嘅拉麵店。）


銀座 創龍 東京都中央区銀座6-4-18 マキシドピアビル 1F

都係有黑同白嘅湯底揀，食到都有啲悶悶哋換個魚介濃湯轉下口味：


（加多5隻細餃子都係180円同行友人形容係灣仔碼頭嗰種細size。）

呢間嘅味道就比較大眾化同普通，屬於但求填飽個肚，冇乜要求就可以嘅選擇，再加上喺銀座嚟講價錢都唔貴，真係冇咩idea嘅不妨一試


（係咪淨係銀座先係咁？冇乜點見過餐廳嘅廁所有埋漱口水）

然後就喺銀座行咗一個下晝，我目標要去嘅Starbucks Reserve算係高級版嘅Starbucks有啲入面先有得買嘅限定商品；買完之後就梗係唔爭在整返杯中產嘅生活態度：


（飲咗杯綠菜latte，非常好飲，個杯仲好靚。）

臨返去秋葉原之前經過一間蘋果批鋪，入去又每人擺低800円：


GRANNY SMITH APPLE PIE & COFFEE 銀座店 東京都中央区銀座5-2-1 東急プラザ銀座 B1F


（係一個可以揀醬汁嘅蘋果批連雪糕嘅set，口感唔錯，下午茶一流。）

今日嘅第一場event係S1嘅新人，佢個樣我一直覺得同本鄉愛有啲似佢叫做早坂ひめ（早坂姬）：



除咗個樣之外，佢仲有另一樣都同本鄉愛有相似，就係個心口嘅硬度不過…作為葵司FANS嘅我好似冇咩資格批評呢樣嘢








傾計嘅時候:

：早坂小姐你好，我知道你係拍TIKTOK出身，不過有啲可惜，香港睇唔到TIKTOK。
：吓～？點解嘅？
：因為TIKTOK ban咗香港
：哦原來係咁不過唔緊要吖，喺Instagram都睇到，我會剪啲short出嚟擺喺IG嗰邊
：都只能夠係咁呢。
(好似有啲dead air，唯有用嗰個唔係幾鐘意用嘅話題。)
：係呢，第一次睇到早坂小姐Debut作封面嗰陣，覺得你個樣同另一個叫本鄉愛嘅女優有啲似。
：係有少少似，哈哈。


（嗰日係日本嘅貓之日，一齊扮下貓）

似樣呢個topic到底要點樣開展傾落去先不失尷尬呢我到而家都搞唔掂


（話說唔知係咪主持人都見我哋兩個冇咩嘢傾咁，主動叫早坂寫埋我愛你落去，用多啲時間）

之後去見嘅係上年同楪カレン一齊嚟過香港嘅真矢みつき（真矢充希）



喺上個月真矢就發表咗引退嘅消息，所以今次專登過嚟同佢打聲招呼：



：真矢小姐好耐冇見。
：好耐冇見呢。
：真矢小姐下個月就引退呢，有啲寂寞。
：多謝你嘅支持就真
：能夠喺真矢小姐第一次嚟香港嘅活動入面做到Staff，係我嘅榮幸。
：上次嚟香港真係好開心！
：有機會嘅請你再嚟玩！係呢，真矢小姐引退咗之後打算做啲咩？
：嗯…應該會去飲酒可以放縱一下了



對於我自己嚟講，長大嘅感覺係點樣？就係見到自己認識嘅AV女優一個接一個引退。

祝願真矢小姐引退後生活愉快




嗰一晚朋友提議話隔離萬世燒肉好似就嚟執笠，不如去試下嚟過咁多次秋葉原都真係未試過一於去朝下聖先


焼肉の万世 秋葉原店 東京都千代田区外神田1-16-1 トゥモロービル 6F
（要留意高啲有隻牛嗰幢係鋸扒食西餐，過返條橋喺彈珠機鋪隔離嗰幢先係食燒肉，兩邊係分開。）


（唔知係咪算好彩，兩個人食都俾咗間房我哋。）

因為睇見啲menu啲平假名同英文都唔知邊樣打邊樣，於是就簡簡單單嗌個course唔駛煩：


（成個course唯一唔好食嘅，係呢兜冷麪）

食落so far都覺得唔錯，連埋1000円嘅增量，每人都係港紙300蚊左右，間唔中可以嚟豪一次

不過尋日聽另一個朋友講，話原來萬世燒肉唔係執笠，而係成棟嘢要拆之後會搬過去新嘅地方，所以唔駛一定要趕住嚟食


（入餐廳條走廊似足香港啲酒樓。）

That's all for today執執相先，儘量聽晚有文出

正
今個星期有渚戀生... 可惜係關西...

篝真係好正
係我心目中雞白湯既頂點

而家先睇到又有遊記！留名支持一下

Lm

幫推

2月23號，今日要早少少起身，因為有一埸朝早11:30嘅event要參加。




（簡簡單單食個麥當勞早餐，今日揀咗個雞柳包。）

今日嘅第一埸event係童顏但係冇巨乳嘅23年S1新人，佢叫望月つぼみ（望月蕾）：



上年嚟一個月嘅時候參加過一次佢嘅event，最令我印象深刻唔係佢個童顏樣，而係影我個招牌pose嘅時候，佢係我暫時影過嘅女優入面我覺得影得最好嘅一個：



今日呢一埸係寫真片商Rebecca嘅活動，會有兩個影相時段，買一至兩隻碟嘅只可以影著住件外套仔嘅水著，買夠三隻碟先至可以影齋水著：










機會難得就梗係問下佢仲記唔記得上次影嗰張相啦

：望月小姐你好，上次嚟你嘅event我影咗呢一張相，我自己好鐘意，你仲記唔記得？
：哦...有吖。（雖然表情比較似係唔記得。）
：...係呢，最近望月小姐有冇鐘意食啲咩咁？可以推薦俾我去試下。
：最近...最近我有啲鐘意咗食麻辣燙。
：麻辣燙！望月小姐原來鐘意食辣嘢？
：唔係，其實我唔食得辣，每次去都係要個一級小辣就算
：哈哈哈！


（張招牌pose果然冇令我失望）


（私心想望月整整棚牙佢，因為真係唔齊得幾緊要，已經唔夠身材，連樣都唔夠其他女優爭嘅話，喺S1好難立足）

跟住見嘅呢位女優我自己本人有少少期待，佢叫做七瀨アリス（七瀨愛麗斯）。



2020年喺Ideapocket出道，短短五套作品之後就成為游走唔同片商嘅企劃單體女優，而家分別係本中、ダスッ!、同埋E-Body三間片商嘅專屬女優，有三個專屬喺業界真係幾少見

喺成人台AV po有一個現象，就係每次當有人po七瀨啲相嘅時候，幾乎99.99%下面都會有人問呢個邊個嚟到底係咩原因令到大家都咁難記到佢個樣？真係無從考究








今日呢一埸event仲有一個拍片嘅特典，俾多2500円除咗會有多一張合照，仲可以錄一條七瀨叫你個名嘅短片：


（佢跑過嚟嗰下其實我有少少嚇親 ）

：七瀨小姐你好，其實某程度上今次我哋都唔係第一次見，我上年有去睇你嗰套Bunny Fight嘅舞台劇。
：哦！嗰套！
：係一個好有趣嘅故仔嚟，嗰套舞台劇入面七瀨小姐做奸角，平時睇你啲作品你都係做痴女居多，今日見到你本人覺得你好溫柔好易相處。
：係吖平時拍嘢我做痴女多，但我本人其實唔係咁嘅人嚟。
：七瀨小姐本人真係好靚女，上次睇舞台劇距離太遠睇唔清楚，今日見到真人真係覺得好靚。
：多謝你嘅讚賞


（嗯...佢主動得濟，隊得太埋落我個鏡頭度）



（講到主動同福利，佢都真係算我見過嘅女優入面頭幾個有機會嘅大家就去俾佢摟下）

下午茶係去咗食秋葉原UDX入面嘅讚歧烏冬都係唔好求去到要好好食，填飽個肚就可以嘅選擇


讃岐うどん 伊吹や製麺 秋葉原UDX店 東京都千代田区外神田4-14-1 秋葉原UDXビル 2F

然後又係一個我好期待見一次真人嘅女優，佢係Moodyz嘅細粒妹系最強擔當，叫做小野六花：



今日係佢嘅寫真集event，雖然著得密實啲，但以佢行可愛路線同妹系路線嚟講，我覺得係非常之夾：










傾計嘅時候佢都相當主動，我本來仲以為佢係啲惜字如金嘅女優：

：小野小姐你好，我係香港嚟嘅。
：真係嘅！？多謝你今日嚟見我。
：上年TRE本來報咗名參加你嘅活動，可惜你身體唔舒服嚟唔到。
：好可惜呢，係呢，你係今日先到埗？
：唔係吖，我14號就已經到咗。
：2月14號！我嘅生日！
：...（點應佢好呢？）哦！係喎！我都差啲唔記得咗！生日快樂！
：多謝你！你日文講得好好！
：我都係平時睇電視節目學返嚟，係呢，小野小姐係關西出身，有冇啲關西好食嘅嘢可以推介俾我試下？
：嗯...大阪燒？
：呢個好似周圍都有
：咁...我寫另一樣俾你！我自己好鐘意食呢個！


（因為我當時聽唔明，所以佢主動同我講寫落塊色紙俾我，最後佢係寫咗イカ焼き即係燒魷魚，但我到而家都睇唔明佢イカ焼き上面嗰句係寫咩 有冇巴絲打可以幫我睇睇）


（嗰日嘅合照只可以影即影即有相，但staff唔係好識攞位，我要就返佢扭開隻手先影到，出到嚟變到唔知似乜）

https://youtu.be/tzb4uYafmZk?si=Wik1qaNJ1OIVZGH-

（順手宣傳一下小野六花嘅Youtube Channel，佢嗰日都有同我講會慢慢恢復返update。）



當晚係同香港朋友台灣朋友一齊去食居酒屋：


鳥劇場 御徒町店 東京都台東区上野6-2-2 ライフビル 1F


比較特別係呢間居酒屋有呢啲玉子燒類嘅嘢食可以嗌，鰻魚嗰個幾好食，反而係蟹柳絲嗰個太乾，食落麻麻哋

然後又各自返去瞓教休息，準備聽日嘅event了。

差唔多500正評除咗多謝我諗我仲要除埋褲先夠誠意都係嗰句多謝大家嘅收睇同支持，呢個年代寫長文仲有人肯睇真係好難得

然而次次都係我講返呢個係七瀨

就咁打出黎係阪神百貨店 係咪指入邊嘅燒魷魚