港產頂好大光麵漸被中國製食麵取代引關注

有一班人係網上面, 屎都話好食
根本香港就係靠賣屎, 反正呃完一次唔會回頭, 轉個頭又唔記得
吹過第二種潮流就過骨

咁我又唔覺，只係應該將大光定位響"配搭用既麵"。

單獨咁食遠唔及一丁，但一丁唔適合用黎做配料，
如果只係單計整沙嗲牛/五香肉丁麵之類，
某程度上係可以好過一丁少少既。

問題係有幾多茶仔係真係整得好？
老闆又想平，伙記又無心煮(或者太忙有心無力)，
用乜麵根本就無大意思。

可唔可解釋下點解一丁唔適合落配料
咁都講得出
我諗除咗宵夜唔想麻煩搞
絕大部份人都會想落配料
就算唔用包味粉 我都會想食個麵質/轉伊麵底
都唔想大光麵

基本上 不思進取呢個唔覺有錯
大光麵一直都是咁連包裝都無改良過
其實做生意要長做長有 無問題呀
你要求變 求進步
佢考慮下改下配方？配番包味粉？
搞下新意？

壽桃牌同超力就是好例子

自己又懶，無改進
開始比人淘汰，然後又話人唔支持

其實執係遲早嘅事
好在有個節目比佢又賺番筆養老
不過勸大家唔好入咁多
放晒係到 唔食 又係浪費

上面寫住既，係"做配料"，唔係"落配料"。

一丁滑身，如果你配既係單純腿蛋麵之類當然無問題。
但如果配沙嗲牛/五香肉丁，佢既特質唔適合咁樣配法。
唔係話難食，只係佢既特點就發揮唔到出黎。

即係撈汁食飯，用白飯配感覺上會好過用炒飯配一樣。

至於壽桃牌係好另類，佢既直身麵又真係好少見有代替品。
佢 d 產品其實好多花款，不過唔知點解超級市場既曝光率好低。
之前幾喜歡佢既蕃茄麵，不過好快又唔見左。

不過我食開一丁都是會落配料

壽桃牌有好多搞作呀
多數會貼番潮流 螺絲/沙嗲牛粉都出埋 好唔好食就見仁見智

我有睇過超力牌後人講過
佢地有咁嘅危機過，差唔多執
但佢地都明食老本是會淘汰
所以不斷創新 出下啲新味 改下新包裝

要長做長有 唔係靠炒作一時 就保到盤生意
大家都老字號 點解人地會求變創新 留到係到
係有原因


頂好自己搞下佢啦
一樣唔得 咪再創新

頂好應該咁耐都未出過講品質要求既貨
應該連個市場需要乜都唔清楚
現在叫佢再投資好難
除非有個新一代立心重建品牌

一丁個麵餅味道太豐富 而且表面光滑唔索汁
食落唔覺得自己食緊沙嗲牛


市面好多野有贏有輸 呢間公司睇死佢都就快執
檸檬茶無檸檬都做到一哥 以後食唔到都唔覺得可惜

班友好多連個包裝都未見過啦
我問個90後，佢問番我咩是大光麵

係你食過 時不時會回味，就算遠都會搭幾個鐘車去食
呢啲是叫情懷 值得留底

如果係因為上網睇咗人講兩句 因為潮流時興 就一窩蜂去 就叫笑話

唔排除人人口味唔同 去奶多兩包
但見都未見過？平時又唔會專登去食？
都學人駁嘴 話正嘢嚟 你地反駁組收皮啦
個d人就自己買多兩箱
等失業個是儲糧食啦 但而家都唔平

班傻西淨係識上網洗版就叻
唔夠人講就一句 “ 反駁隊出場” 就自high

希望佢地搶多兩箱
可能100年後又整條片講香港懷舊食品
個面可炒到$1000個

壽桃牌好似轉曬大陸做

又一個on9風氣係好食就唔會比人淘汰啦，見到成班on9係度拎大光麵打J好撚好笑

我見人都係話
1.好食過大陸麵
2.同沙嗲牛夾/攞嚟炒麵幾好
3.食番以前隻味
但無話咩隻麵好味到痴線

問題係有幾多個真係食過
真心講 我覺得

既然一樣食品係質素平平 十幾廿年都無進步 被時間淘汰
有其他嘢取代佢無問題
你可以揀牌子
或者店舖都可因應自己經營狀況改用其他

如果真係1-2咗配其他頂好大光好 無其他可代替
咁點解大光會被人遺忘

但而家啲人大部份無食過但又要講情懷
無咗好可惜 咁點解之前又唔見買開支持

究竟是因一時興起講就搶買
定真是食過懷念？

答案係人都知

究竟係大陸嘢平搶咗佢市場
定佢自己搞成 式微又可唔可惜
就各人睇法唔同啦

最簡單例子 如果係好食 人地會加$5去食
唔好食嘅 講平 講香港製都是遲早執

汏弱留強 留低肯進步嘅香港製造才是值得支持

以上我個人愚見

咁做咗咁多年人,食沙嗲牛食過都唔奇,不過可能唔知邊隻打邊隻
如果佢好食過大陸麵(我無比較過),我又唔會反對佢既
真係做到2炒麵唔錯就更加好啦
我自己唔會特登搵,但見到會買包試吓,我平時會炒麵,不過就炒一丁,
10幾蚊佢呃都係呃我一次遮,試一次有咩所謂
之後覺得ok咪間中支持吓,唔得既咪學你講佢遲早都係比人淘汰,
個10幾蚊咪當比帛金囉

大陸造分別唔大
全部都係包裝貨
又唔係鋪/街市賣新鮮面餅
除非講緊軟硬水分別

佢啲麵餅我自己覺得好難消化,同唔好食,
不過禮盒裝隻撈麵又好番些少
可能一分錢一分貨啦

咁係你食開d茶記屎姐

你呢d係佢未淥熟個麵，個水吧佬求其的表現離

唔出奇，所以我可能真係未食過煮得好既大光麵。

大光麵ok 好食的，啱配香口野，
佢爽得離麵身夠厚，口感係福麵同出前一丁中間
（福麵夠爽唔夠厚，出前一丁夠厚唔夠爽）

但呢隻麵要淥得好食，唔可以鳩淥的，
麵身厚的麵，淥得唔夠時間，會好hai口、有生麵骨

而家香港d水吧佬連扒都唔撚識醃同煎架啦，
更何況要睇個麵熟未


佢式微的原因係因為香港d茶記越來越求其、越來越hea

都難遇到架，舊式茶記買少見少

頂好大光麵唔係得茶記先食到
幾十年街係有得賣

所以唔好再講係茶記貪平/無要求

如好食受歡迎，零售方面都搭救番啦

其實一直唔明 點解淨係話啲茶水佬放棄香港製大光
不如話老一輩香港人一直以來都不欣賞 覺得佢難食 咪唔柒買

無阻大家幫手支持香港製
而係唔明一樣被市場淘汰不思改良產品
點解會值得支持
而又真心幾多人係真係中意食而支持

利申：我就當大光童年惡夢
而我諗以佢正常零售數量嚟睇 好多香港人同我一樣諗法

頂好最出名 所謂曾經威過
可能係佢隻 快熟通心粉
茶記用cheap面，鬼有人理咩

呢個又未食過
食過佢大光麵

好食被劣幣取代就話關注啫


一鳩樣但人地平就無計啦