《飯氣攻心2》 討論區 (1)

你無睇第一集
基本上睇黎都哂鳩氣
唔會對套戲角色有感覺

完全同意，後段完全可以用個捱字去形容
前段鳩下鳩下，婚禮玩下大堆頭，玩下誤會，ok大家開心下
之後三哥婚禮兜兜轉轉，二佬婚禮鬧劇，上一秒好好地下一秒就反枱，最離奇之後大家搭膊頭好似冇事發生；成套戲都冇講文物保護，一出魚翅好似突然間醒起依樣野咁，上集都有多少少；兄妹情又好突然，無啦啦送個細佬，相認又有啲突兀，情緒唔係太到位；感覺中後邊太拖，搞到人係咁望錶
笑位係有，但係有啲真係 仲係玩緊食字

信息都有，家庭婚姻最後都係移民

132分鐘實在太長，同期一套96一套108
另外上集圍繞住一餐飯講，今集完全係同食飯冇關係，純粹食返個名

睇完成套戲比我感覺係不停講經
好多角色矛盾同問題 根本為寫而寫
目的就係為左之後好煽情講個幾句"大道理"對白
第一集起碼睇完會知道個劇本想帶出咩message同議題
今集睇完完全唔知佢想表達乜野
最慘係笑又唔好笑

黃子華唔拍就唔好撚開續集啦
你原班人馬拍另一套戲都無咁嬲

上一輯唔係特別好睇
但起碼都有少少帶到一家人坐埋一枱嘅感覺

今輯一開始原來用大佬玩失蹤去非洲交代黃子華去向

但二佬三佬結婚完全無諗住去搵大佬出來，推翻晒第一輯嘅設定，咁樣咁撚奇怪嘅感覺作為賀歲片睇到好撚躁



其實成套戲簡簡單單
一開始講張繼聰 stephy 想結婚
呢 pair 唔敢搵黃子華都仲叫正常
籌備緊嘅時候王宛之有咗
咁湛文都要結婚
擇日不如撞日就同張繼聰同一日一齊搞
但係個問題係通唔通知子華
呢啲位咪落下笑料

最尾林明偵原來偷偷地同子華講咗
套戲個結局就咁講子華 send 個 msg 祝福
亦表示自己完全放低咗 stephy

咁咪大團圓結局又唔駛黃子華出場囉


屌你成套講到黃子華係個丟低屋企人唔理嘅賤人咁都唔知導演編劇痴咩線，賀歲片呀大佬

王小姐係呢套戲嘅毒瘤

其實個劇情整體都係鳩
但林明禎同Stephy個樣救到d鳩橋段
但王小姐加埋佢個扭拎嘅角色搞到好難睇

結婚又要扭，生仔又要扭
搞到套戲好拖

三佬條線真係好難頂，嘥咗陳湛文

尋日睇完，其實個框架我覺得ok，都知套戲想帶出咩訊息，不過成個節奏好似出出地事
飯戲1成個故事十分流暢，完全無悶場一個情節接住另一個
今套多咗啲尷尬gag（凌文龍兩段跳舞都尷到頂唔順，睇IT狗覺得佢嘅搞笑唔應該咁用），有時明明應該去下一個情節又硬係兜翻同一個情節要放多幾個所謂笑位先收手咁
本身上集覺得林明禎靚，但好似作用唔大咁
反而今集覺得係靠佢撐住套戲，起碼有佢嘅位就知劇情推進緊
二佬條線唔知點解悶到傻

講起凌文龍
我唔明點解要化醜妝
jeffrey 又係，要成面醬

乜咁樣真係好笑咩

有少少笑位...但整體上悶....有少少想訓TIM

仲伏撚過gg夫人啵上集都多笑點，今集笑點又無d劇情又老撚套
入場都係想笑下點知成套戲好似無一個位笑得出
真係浪費時間浪費金錢

有無知Jeffrey 出親場果首歌係咩名
覺得jeffrey 真係好靚仔，好charm
利申：非基

jeffrey 同 dee 哥兩個放做主演，但其實同臨時演員差唔多
雖然我明佢兩個作用只係吸 fans，就咁 print 喺 poster 就引到好多人課金，但佢兩個係可以做戲嘅，根本嘥咗

jeffrey 條咩同父異母線根本 on9 到中學生生都唔會寫呢種劇情
deegor 身份係表弟但成件事根本只係普通嘅 event planner

成套野真係支離破碎都痴線

電競隊反面我以為會有伏筆，但原來只係用來出三哥個 gag 就咩都無

根本上成套野就係令到啲人物 keep 唔住上輯嚂嘅人設之外，仲浪費晒一堆演員。

狠愛狠愛你？

英文rap 果首

Jeffrey化醜妝個意義完全不明
開頭我以為係化妝前=死毒撚連同女仔講野都唔敢
點知唔撚係原來化唔化妝都係死厹見女就撩
變左個醜妝設定完全係多撚餘無意義

呢個位又係唔知做咩

初頭見 jeffrey 著毒撚 T 我以為係講佢同湛文開發個 game 有關，即係表面係偶像但內裡係毒撚，同湛文做到好朋友


合理期望應該係
- 王宛之妒忌林明偵所以湛文唔可以再同佢合作代言
- 湛文要急住搵新代言人，咁啱婚禮遇到 jeffrey 兩個傾宅野一拍即合
- jeffrey 代言湛文嘅遊戲，開拓埋林明偵開拓唔到嘅女人市場，賺大錢
- 羅蘭因為迷 jeffrey 所以沉迷佢代言嘅遊戲，仲越玩越精神，亦間接認同湛文嘅成就，王宛之終於明白佢無揀錯人，大團圓結局


屌你睇完兩個鐘原來件毒 L T 係為著而著，完全無意義

點解連登鍵盤編劇仲寫得好過原版既

無你諗得咁深入，上一集講去留同講大哥死撐，今集好似好想有野講咁，但就好唔明確，接受疏理唔到佢想點。

其實我有少少期望佢可以好似不日成婚咁探討下婚姻或者係婚宴儀式呢d野，可惜係無。

其實佢唔好急住今年上，俾多幾個月時間磨下個劇本會好好多。

另，第1次睇謝君豪演得咁吃力不討好
唯一覺得好既係林明禎竟然幾好笑

合理期望咋

賀歲片要求完完整整好合理

邊有人會諗到睇完兩個鐘之後
黃子華仍然係想同林明偵分手，仲要只係透過佢最唔親嘅王宛之講

張繼聰搞結婚生意搞到就執笠咁

湛文同王宛之就仍然係分手/離婚/落仔中間遊走

成套戲睇到人好忟

咁都罐頭你知唔知咩係罐頭

浪費金錢,浪費時間,本身第一集已經好老尷,又話大佬條舊菜鐘意左細佬,痴撚線,第二集仲撚on9,王菀之 同 男B 又結又唔結,都唔知想點撚樣,Jeffrey 係靚仔,型既,但真係唁識做戲,好假,同edc 比真係無得比,總結,痴撚線劇情

下集係咪叫飯戲攻3

你呢個好笑過飯2 大把分gag

本身以為呀dee個角色後尾會反面係呃佢地黎宣傳自己之類，點知真係客串咁講幾句野就無

飯戲攻3劇情

無咗黃子華同林明禎，得返四個人
王宛之繼續扭扭擰擰，又想落仔又想離婚
成套就係拖拖拉拉
最尾王宛之生咗個 BB 出來但決定拎返娘家照顧


飯4攻心劇情

無咗黃子華、林明禎、王宛之，得返三個人
繼續好多誤會，張繼聰同 stephy 鬧交，最尾 stephy 決定專心發展佢嘅保育事業


飯戲5攻心劇情

得返2個人，已經無野可以拍